କମି ଚାଲିଛି ‘ଆଦିପୁରୁଷ’ର ଆୟ, ବମ୍ପର ଓପନିଂ ପରେ ଫ୍ଲପ୍‌ ହେଲା ଫିଲ୍ମ: ଆଜି ହୋଇଛି ମାତ୍ର ଏତିକି କଲେକ୍ସନ

Published: Wednesday, June 21, 2023, 19:40 [IST]

ମୁମ୍ବାଇ: ଧିରେ ଧିରେ କମୁଛି 'ଆଦିପୁରୁଷ'ର ଆୟ । ପ୍ରଥମ କିଛି ଦିନର ବମ୍ପର ଓପନିଂ ପରେ ୫ମ ଓ ଷଷ୍ଠ ଦିନରେ ଫିଲ୍ମର ଆୟ ଆହୁରି ହ୍ରାସ ଘଟିଛି । ସ୍ଥିତି ଏମିତି ଯେ, ସୋମବାରଠୁ ଫିଲ୍ମ ହଲ୍ ପ୍ରାୟ ଖାଲି ରହୁଛି ।

କହିରଖୁ କି, ଓମ୍ ରାଉତଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ଆଦିପୁରୁଷ' ରିଲିଜ୍‌ ହେବାର ୩ ଦିନ ପର୍ଯ୍ୟନ୍ତ ଜବରଦସ୍ତ ଆୟ କରିବା ପରେ ୪ର୍ଥ ଓ ୫ମ ଦିନରେ ବେପାର ଖୁବ୍ ହ୍ରାସ ପାଇଛି । ରିପ‌ୋର୍ଟରୁ ଜଣାପଡ଼ିଛି ଯେ ପ୍ରଭାସ, ସୈଫ୍‌ ଅଲୀ ଖାନ୍‌ ଏବଂ କ୍ରିତି ସାନନ୍‌ଙ୍କ ଅଭିନୀତ ଏହି ଚଳଚ୍ଚିତ୍ରଟି ସୋମବାର ଦିନ ମାତ୍ର ୨୦ କୋଟି ଟଙ୍କା ଆୟ କରିଥିବା ବେଳେ ମଙ୍ଗଳବାର ଦିନ ୧୦.୮୦ କୋଟି ଟଙ୍କା ଆୟ କରିଛି । ସେହିପରି ଆଜିର ରିପୋର୍ଟ ଅନୁଯାୟୀ, ଫିଲ୍ମ ବୁଧବାର ମାତ୍ର ୯ କୋଟି ଟଙ୍କା ଆୟ କରିପାରିଛି ।

ରିପୋର୍ଟ ମୁତାବକ, ଚଳଚ୍ଚିତ୍ରଟି ରିଲିଜ୍ ହେବାର ପ୍ରଥମ ଦିନରେ (ଶୁକ୍ରବାର) ୮୬.୭୫ କୋଟି, ଶନିବାର ଦିନ ୬୫.୨୫ କୋଟି, ରବିବାରରେ ୬୯.୧୦ କୋଟି ଏବଂ ସୋମବାର ପ୍ରାୟ ୨୦ କୋଟି ଟଙ୍କା ଆୟ କରିଛି ।

ତେବେ 'ଆଦିପୁରୁଷ' ଫିଲ୍ମକୁ ନେଇ ସମଗ୍ର ଦେଶରେ ବିବାଦ ଜାରି ରହିଛି । ଫିଲ୍ମ ନିର୍ଦ୍ଦେଶକ ଓମ ରାଉତ ଏବଂ ସଂଳାପ ଲେଖକ ମନୋଜ ମୁନ୍ତାଶିରଙ୍କ ଲୋକେ ଖୁବ୍ ସମାଲୋଚନା କରୁଛନ୍ତି । ଅନ୍ୟପଟେ 'ଆଦିପୁରୁଷ'ର କଳାକାର ଫିଲ୍ମର ୱାଲ୍ଡୱାଇଡ୍ କଲେକ୍ସନ ସେୟାର କରି ଫିଲ୍ମରକୁ ସଫଳ କରିବାକୁ ଉଦ୍ୟମ କରୁଛନ୍ତି । ହେଲେ ଫିଲ୍ମର କଳାକାରଙ୍କ ଏମିତି ଉଦ୍ୟମ ସଫଳ ହେଉ ନ ଥିବା ଦେଖିବାକୁ ମିଳିଛି ।

ଏମିତି କମି ଚାଲିଛି 'ଆଦିପୁରୁଷ'ର ଆୟ