ଗୋବିନ୍ଦାଙ୍କ ଦେହରୁ କଢା ଗଲା ଗୁଳି, ସ୍ୱାସ୍ଥ୍ୟାବସ୍ଥା ବିଷୟରେ ନିଜେ ସୂଚନା ଦେଲେ ଅଭିନେତା

Govinda Health Update: ଆଜି ସକାଳେ ବଲିଉଡ ଅଭିନେତା ଗୋବିନ୍ଦାଙ୍କ ଗୋଡରେ ଗୁଳି ବାଜିଛି । ସକାଳେ ନିଜ ବନ୍ଧୁକ ସଫା କରିବା ସମୟରେ ଭୁଲରେ ଗୁଳି ଅଭିନେତାଙ୍କ ଗୋଡ଼ରେ ବାଜିଥିବା ନେଇ ସୂଚନା ରହିଛି । ଏହା ପରେ ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। ଗୋବିନ୍ଦା ବର୍ତ୍ତମାନ ସୁସ୍ଥ ଅଛନ୍ତି । ତାଙ୍କୁ 24 ଘଣ୍ଟା ପାଇଁ ଆଇସିୟୁରେ ରଖାଯିବ । ଗୋବିନ୍ଦାଙ୍କ ଝିଅ ଏବଂ ତାଙ୍କ ମ୍ୟାନେଜର ତାଙ୍କ ସ୍ୱାସ୍ଥ୍ୟ ସମ୍ପର୍କରେ ସୂଚନା ଦେଇଥିଲେ । ବର୍ତ୍ତମାନ ଅଭିନେତା ନିଜେ ତାଙ୍କ ସ୍ୱାସ୍ଥ୍ୟ ବିଷୟରେ ଫ୍ୟାନ୍ସଙ୍କୁ ସୂଚନା ଦେଇଛନ୍ତି ।

ଆଜି ସକାଳେ କୋଲକାତା ଯିବା ପୂର୍ବରୁ ସେ ନିଜ ପିସ୍ତଲ ସଫା କରି ଆଲମାରୀରେ ରଖୁଥିଲେ ହେଲେ ପିସ୍ତଲଟି ତଳେ ପଡ଼ି ଯାଇଥିଲା ଏବଂ ଭୁଲରେ ତାଙ୍କ ଗୋଡ଼ରେ ଗୁଳି ବାଜିଥିଲା । ଏହା ପରେ ତାଙ୍କ ଗୋଡରୁ ବହୁ ରକ୍ତ ବାହାରିଥିଲା ହେଲେ ବର୍ତ୍ତମାନ ସେ ବିପଦରୁ ବାହାରେ ଅଛନ୍ତି ।

ତେବେ ନିଜ ସ୍ୱାସ୍ଥ୍ୟ ବିଷୟରେ ସୂଚନା ଦେଇ ଅଭିନେତା କହିଛନ୍ତି, ନମସ୍କାର, ମୁଁ ଗୋବିନ୍ଦା । ଆପଣମାନଙ୍କର ଆଶୀର୍ବାଦ, ମୋର ପିତାମାତାଙ୍କ ଆଶୀର୍ବାଦ ଏବଂ ମୋର ଗୁରୁଙ୍କ କୃପାରୁ ମୁଁ ଭଲ ଅଛି । ଗୋଡରେ ଗୁଳି ବାଜିଥିଲା କିନ୍ତୁ ବର୍ତ୍ତମାନ ଏହାକୁ କାଢି ଦିଆଯାଇଛି । ମୁଁ ଏଠାରେ ଥିବା ଡାକ୍ତରମାନଙ୍କୁ ଧନ୍ୟବାଦ ଦେଉଛି ଏବଂ ଆପଣଙ୍କ ପ୍ରାର୍ଥନା ପାଇଁ ସମସ୍ତଙ୍କୁ ଧନ୍ୟବାଦ ଦେଉଛି ।

ଭାଇ କିର୍ତ୍ତୀ କୁମାର କହିଛନ୍ତି, ସକାଳେ ଗୋବିନ୍ଦାଙ୍କ ଗୋଡରେ ଗୁଳି ବାଜିଥିଲା, ସେତେବେଳେ ଗୋବିନ୍ଦା ମୋତେ ଫୋନ କରି ଘଟଣା ବିଷୟରେ କହିଥିଲେ, ଯାହା ପରେ ମୁଁ ତୁରନ୍ତ ତାଙ୍କ ବାସଭବନରେ ପହଞ୍ଚି ତାଙ୍କୁ ଡାକ୍ତରଖାନା ନେଇଥିଲି । ଗୋବିନ୍ଦାଙ୍କ ମ୍ୟାନେଜର ଶଶି ସିହ୍ନା କହିଛନ୍ତି ଯେ, ଗୋବିନ୍ଦାଙ୍କ ପତ୍ନୀ ସୁନୀତା ଅହୁଜା ମୁମ୍ବାଇରେ ନାହାଁନ୍ତି। ତାଙ୍କୁ ଗୋବିନ୍ଦାଙ୍କ ଅବସ୍ଥା ସମ୍ପର୍କରେ ଅବଗତ କରାଯାଇଛି ଏବଂ ସେ ଖୁବ୍ ଶୀଘ୍ର ମୁମ୍ବାଇରେ ପହଞ୍ଚିବାକୁ ଯାଉଛନ୍ତି।