ଦିନେ ପିତା ଧର୍ମେନ୍ଦ୍ରଙ୍କ ମୁହଁ ଦେଖିବାକୁ ପସନ୍ଦ କରୁ ନଥିଲେ ବବି ଦେୱଲ୍

Published: Friday, September 15, 2023, 18:12 [IST]

ମୁମ୍ବାଇ: ବବି ଦେଓଲ୍ ନିଜ ଗୁ଼ଡ୍ ଲୁକ ଏବଂ ଭଲ ଅଭିନୟ ପାଇଁ ଦର୍ଶକଙ୍କ ହୃଦୟରେ ରାଜ କରି ଆସୁଛନ୍ତି । ବବି ତାଙ୍କ ବୃତ୍ତିଗତ ଜୀବନ ତଥା ବ୍ୟକ୍ତିଗତ ଜୀବନ ପାଇଁ ସର୍ବଦା ଚର୍ଚ୍ଚାରେ ରହିଆସନ୍ତି । ସମସ୍ତେ ପିତା ଧର୍ମେନ୍ଦ୍ର ଏବଂ ବଡ ଭାଇ ସନ୍ନି ଦେୱଲଙ୍କ ସହ ତାଙ୍କ ସମ୍ପର୍କକୁ ବେଶ୍ ପସନ୍ଦ କରନ୍ତି । ଏହି କାରଣରୁ, ଲୋକମାନେ ଦେୱଲ ପରିବାରର ପ୍ରଶଂସା ମଧ୍ୟ କରନ୍ତି ।

ହେଲେ ଏପରି ଏକ ସମୟ ଥିଲା ଯେତେବେଳେ ବବି ତାଙ୍କ ପିତାଙ୍କୁ ଘୃଣା କରୁଥିଲେ । ବବି ନିଜେ ପ୍ରକାଶ କରିଥିଲେ ଯେ ଯେତେବେଳେ ସେ 18 ବର୍ଷ ବୟସରେ ଥିଲେ ତାଙ୍କ ପିତାଙ୍କ ତାଙ୍କ ସମ୍ପର୍କ ଅତ୍ୟନ୍ତ ଖରାପ ଥିଲା ।

ଲୋକେ ବବି ଦେୱଲ ଏବଂ ଧର୍ମେନ୍ଦ୍ରଙ୍କ ଯୋଡିର ଉଦାହରଣ ଦିଅନ୍ତି କିନ୍ତୁ ଏହି ପିତା ଏବଂ ପୁଅଙ୍କ ମଧ୍ୟରେ ଦୀର୍ଘ ସମୟ ପାଇଁ ମତଭେଦ ଲାଗିରହିଥିଲା । ଯାହାକୁ ସହଜରେ ବିଶ୍ୱାସ କରିବା କଷ୍ଟକର । ବବି ଦେଓଲ ନିଜେ ଥରେ ପ୍ରକାଶ କରିଥିଲେ ଯେ, ସେ ନିଜକୁ ପରିବାରଠାରୁ ଅଲଗା କରି ଘର ଛାଡି ପଳାଇ ଆସିଥିଲେ ।

ବବି ଦେଓଲ ଏକ ସାକ୍ଷାତକାରରେ କହିଥିଲେ ଯେ, ମୁଁ 18 ବର୍ଷ ବୟସରେ ପ୍ରଥମ ଥର ପାଇଁ ଏକ ଡିସ୍କୋକୁ ଯାଇଥିଲି ଏବଂ ସେବେଠାରୁ ମୋ ଭିତରେ ଘର ଛାଡିବାର ଇଛା ସୃଷ୍ଟି ହୋଇଥିଲା । ବହୁ ବର୍ଷ ଧରି ମୁଁ ମୋ ପିତାଙ୍କ ସହ କଥାବାର୍ତ୍ତା କରି ନଥିଲି । ମୁଁ ମୋ ବାପାଙ୍କ କଥାକୁ ଅଣଦେଖା କରୁଥିଲି । ସେ ମୋ ଭଲ ପାଇଁ କଥା ବୁଝାନ୍ତି ହେଲେ ମୁଁ କୌଣସି କଥା ବୁଝିବା ପାଇଁ ପ୍ରସ୍ତୁତ ନଥିଲି । ଏହି ସମୟରେ ମୋ ବାପାଙ୍କ ସହ ମୋର ସମ୍ପର୍କ ଅତ୍ୟନ୍ତ ଖରାପ ସମୟ ଦେଇ ଗତି କରୁଥିଲା ।

ଧର୍ମେନ୍ଦ୍ର ଏବଂ ହେମା ମାଲିନିଙ୍କ ବିବାହ ପରେ ଦେୱଲ ପରିବାର କଠିନ ସମୟ ଦେଇ ଗତି କରିଥିଲା । ଧର୍ମେନ୍ଦ୍ର ଏବଂ ବବିଙ୍କ ମଧ୍ୟରେ ମତଭେଦ ଏକ ସମୟରେ ଚର୍ଚ୍ଚାର ବିଷୟ ପାଲଟିଥିଲା । ପରିବାରରେ ହେଉଥିବା ପରିବର୍ତ୍ତନ ଦ୍ୱାରା ବବି ବହୁତ ପ୍ରଭାବିତ ହୋଇଥିଲେ । ପରେ ବବି ଏବଂ ସନ୍ନି ଧର୍ମେନ୍ଦ୍ର ଏବଂ ହେମାଙ୍କ ସହ ସେମାନଙ୍କର ସମ୍ପର୍କକୁ ଠିକ୍ କରି ନେଇଥିଲେ । ବର୍ତ୍ତମାନ ସମସ୍ତ ସୁବିଧା ଅସୁବିଧାରେ ପୁରା ପରିବାରକୁ ଏକାଠି ଦେଖିବା ପାଇଁ ମିଳିଥାଏ । ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ବବି ଖୁବ ଶୀଘ୍ର ରଣବୀର କପୁରଙ୍କ ସହ ଆନିମଲ ଫିଲ୍ମରେ ନଜର ଆସିବେ । ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ରଶ୍ମିକା ମନ୍ଦନା ନଜର ଆସିବେ।

Published On September 15, 2023