ଯଦି ସଲମାନ ନିର୍ଦ୍ଦୋଷ ତେବେ ଭୟ କାହିଁକି କରୁଛନ୍ତି, ଏପରି ପ୍ରଶ୍ନ କଲା ବିଷ୍ଣୋଇ ସମାଜ
ସଲମାନ ଖାନ: ଲରେନ୍ସ ବିଷ୍ଣୋଇ ଗ୍ୟାଙ୍ଗ୍ ସଲମାନ ଖାନଙ୍କୁ କ୍ରମାଗତ ଧମକ ଦେଇ ଆସୁଛି । ନିକଟରେ ଏକ ସାକ୍ଷାତକାରରେ ସଲିମ ଖାନ କଳା ହରିଣ ଶିକାର ପ୍ରସଙ୍ଗ ବିଷୟରେ ଖୋଲାଖୋଲି ଆଲୋଚନା କରିଥିଲେ । ଯାହା ପରେ ବିଷ୍ଣୋଇ ସମ୍ପ୍ରଦାୟ ଖୁବ୍ ରାଗିଯାଇଛି । ସଲିମ ଖାନ କହିଥିଲେ ତାଙ୍କ ପୁଅ ସଲମାନ କୌଣସି ଶିକାର କରି ନାହାଁନ୍ତି ଯାହା ପରେ ବିଷ୍ଣୋଇ ଗ୍ୟାଙ୍ଗ୍ ପଶ୍ନ କରିଛି ଯଦି ସେ ଭୁଲ କରି ନାହାଁନ୍ତି ତେବେ ଭୟ କାହିଁକି କରୁଛନ୍ତି ।
ସଲିମ ଖାନ ତାଙ୍କ ସାକ୍ଷାତକାରରେ କହିଥିଲେ ଯେ ସଲମାନ କୌଣସି ପ୍ରାଣୀକୁ ହତ୍ୟା କରିନାହାଁନ୍ତି। ଆମେ ଏଥିରେ ବିଶ୍ୱାସ କରୁନାହୁଁ । ଯେତେବେଳେ ମୁଁ ସଲମାନଙ୍କୁ ପଚାରିଥିଲି ଏସବୁ କିଏ କରିଛି, ସେ କହିଥିଲେ ଯେ ସେ ଘଟଣାସ୍ଥଳରେ ଉପସ୍ଥିତ ନାଥିଲେ । ଘଟଣା ଘଟିବା ବେଳେ ସେ କାରରେ ମଧ୍ୟ ନଥିଲେ, ସେ ମୋତେ କେବେ ମିଛ କୁହନ୍ତି ନାହିଁ ।
କେବଳ ଏତିକି ନୁହେଁ ସଲିମ ଖାନ କହିଥିଲେ ଯେ ଆମେ ବନ୍ଧୁକ ମଧ୍ୟ ବ୍ୟବହାର କରୁନାହୁଁ। ସଲିମ ଖାନଙ୍କ ଏହି ସାକ୍ଷାତକାର ସ୍ପଷ୍ଟ କରିଛି ଯେ କଳା ହରିଣ ଶିକାର ସମୟରେ ସଲମାନ ଖାନ ଘଟଣାସ୍ଥଳରେ ଉପସ୍ଥିତ ନଥିଲେ। ସଲିମ ଖାନ କହିଛନ୍ତି ଯେ ସେ ପଶୁମାନଙ୍କୁ ମାରିବାକୁ ଭଲ ପାଆନ୍ତି ନାହିଁ। ସେ ପଶୁମାନଙ୍କୁ ଭଲ ପାଆନ୍ତି। ସଲିମ ଖାନଙ୍କ ଏହି ବିବୃତ୍ତିରେ ବିଷ୍ଣୋଇ ସମ୍ପ୍ରଦାୟ ଖୁବ୍ ରାଗି ଯାଇଛି ଏବଂ ଏହାକୁ ମିଛ ବୋଲି କହିଛି ।
ଖବର ଅନୁଯାୟୀ, ଅକ୍ଟୋବର 25 ରେ ବିଷ୍ଣୋଇ ସମ୍ପ୍ରଦାୟର ଲୋକମାନେ ବିଭିନ୍ନ ସ୍ଥାନରେ ଏକାଠି ହୋଇ ସଲିମ ଖାନଙ୍କ ବିବୃତ୍ତିକୁ ବିରୋଧ କରିଥିଲେ। ଯୋଧପୁର ଜିଲ୍ଲାର କାକାନିରେ ସଲମାନଙ୍କୁ ଫାଶୀ ଦିଆଯିବାର ଦାବି କରିଥିଲେ ଲୋକେ ।
ବିଷ୍ଣୁ ସମ୍ପ୍ରଦାୟର ଜଣେ ସଦସ୍ୟ ସଲିମ ଖାନଙ୍କ ପୁଅର ନିର୍ଦ୍ଦୋଷତା ଉପରେ ପ୍ରଶ୍ନ କରିଥିଲେ। ସେ ପଚାରିଥିଲେ, ଯଦି ସଲମାନ ଶିକାର କରିନଥିଲେ, ସେ ଏଠାରେ କାହିଁକି ଥିଲେ? ସେ କହିଛନ୍ତି ଯେ ବିଷ୍ଣୋଇ ଭିତ୍ତିହୀନ ଅଭିଯୋଗ କରନ୍ତି ନାହିଁ। 26 ବର୍ଷ ପୂର୍ବେ ଯେତେବେଳେ ଏହି ମାମଲା ପଞ୍ଜୀକୃତ ହୋଇଥିଲା, ସେତେବେଳେ ବିଷ୍ଣୋଇ ସମ୍ପ୍ରଦାୟର ତତ୍କାଳୀନ ବିଧାୟକଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଏଥିରେ ସାମିଲ ହୋଇଥିଲେ। ବିଷ୍ଣୋଇ ସମ୍ପ୍ରଦାୟ ଚେତାବନୀ ଦେଇଛନ୍ତି ଯଦି ସଲମାନ କ୍ଷମା ନ ମାଗନ୍ତି ତେବେ ସନାତନ ହିନ୍ଦୁ ସମାଜ ଉଭୟ ସଲମାନ ଏବଂ ସଲିମ ଖାନଙ୍କ ବିରୋଧରେ ଆନ୍ଦୋଳନ ଆରମ୍ଭ କରିବେ।
Click it and Unblock the Notifications
Sign in with Google