ଆରମ୍ଭ ହେଲା 'ବିଗ୍ ବସ ୧୬', ଜାଣନ୍ତୁ ପ୍ରତିବର୍ଷ କ'ଣ ପାଇଁ ଏହି ଶୋ'କୁ ହୋଷ୍ଟ କରନ୍ତି ସଲମାନ

ବିଗ୍ ବସ ୧୬: ଆରମ୍ଭ ହେଲା 'ବିଗ୍ ବସ ୧୬' । ପ୍ରତ୍ୟକ ବର୍ଷ ଛୋଟ ପରଦାରେ ଏହି ଶୋ' କରିଥାଏ ବଡ ଧମାଲ । ପ୍ରତିଥର ପରି ଏଥର ମଧ୍ୟ ଶୋ'କୁ ହୋଷ୍ଟ୍ କରିବେ ବଲିଉଡର ସୁଲତାନ ସଲମାନ ଖାନ । ଗତକାଲି ଅର୍ଥାତ୍ ମଙ୍ଗଳବାର ଦିନ ମୁମ୍ବାଇରେ ବିଗ୍ ବସ୍ ସିଜନ୍ ୧୬ର ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଯାହାକୁ ହୋଷ୍ଟ କରିଥିଲେ ଅଭିନେତ୍ରୀ ଓ ବିଗ୍ ବସ ୭'ର ବିଜେତା ଗୌହର ଖାନ ।

ପ୍ରାୟ ୧୨ ବର୍ଷ ହେବ ଟେଲିଭିଜନର ଏହି ଶୋ'କୁ ହୋଷ୍ଟ କରୁଛନ୍ତି ସଲମାନ ଖାନା, ଯାହାକୁ ନେଇ ଦବଙ୍ଗ ଖାନଙ୍କୁ ଏହି ସାମ୍ବାଦିତ ସମ୍ମିଳନୀରେ ପ୍ରଶ୍ନ କରାଯାଇଥିଲା । ଯାହାର ଉତ୍ତରକୁ ନେଇ ଆଜି ସବୁଠି ଚର୍ଚ୍ଚା । ସଲମାନ ଏହି ପ୍ରଶ୍ନର ବେଶ ମଜାଳିଆ ଅନ୍ଦାଜରେ ଉତ୍ତର ଦେଇ କହିଲେ 'ମୋର ବିକଳ୍ପ ଶୋ ମେକର୍ସଙ୍କ ପାଖରେ ନାହିଁ' । ହେଲେ ପରବର୍ତ୍ତି ସମୟରେ ଅଭିନେତା କହିଥିଲେ ଯେ ୧୨ ବର୍ଷ ହେବ ସେ ଏହି ଶୋ'କୁ ହୋଷ୍ଟ କରୁଛନ୍ତି । ତାଙ୍କୁ ମଧ୍ୟ ଏହି ଶୋ'କୁ ହୋଷ୍ଟ କରିବା ପାଇଁ

ପ୍ରତିଯୋଗୀଙ୍କୁ କିଛି ଶିଖାଇବା ପାଇଁ ଭଲ ଲାଗେ । ସେହିପରି ମଞ୍ଚରେ ଦବଙ୍ଗ ଖାନ ହୋଷ୍ଟ ଗୌହରଙ୍କ ସହ ମସ୍ତି କରିଥିଲେ । ଏହା ସହ ଚଳିବ ବର୍ଷ ଅର୍ଥାତ୍ ବିଗ୍ ବସ୍ ସିଜନ୍ ୧୬ର ଏକମାତ୍ର ପ୍ରତିଯୋଗୀଙ୍କ ସହ ମଧ୍ୟ ସେ ପରିଚିତ କରାଇଥିଲେ ।

'ବିଗ୍ ବସ୍ ସିଜନ୍ ୧୬' ପ୍ରଥମ ପ୍ରତିଯୋଗୀ
'ବିଗ୍ ବସ୍ ୧୬' ନଜର ଆସିବେ ୧୮ ବର୍ଷିୟ ଅବଦୁ ରୋଜିକ୍ । ଅବଦୁ ରୋଜିକ୍ 'ବିଗ୍ ବସ୍ ସିଜନ୍ ୧୬'ର ପ୍ରଥମ ପ୍ରତିଯୋଗୀ । ଗତକାଲି ସଲମାନ ତାଙ୍କ ନାଁ ରିଭିଲ୍ କରିଥିଲେ । ତେବେ ସଲମାନଙ୍କ ଆଗାମୀ ଫିଲ୍ମ 'କିସି କା ଭାଇ କିସି କି ଜାନ' ରେ ମଧ୍ୟ ସେ ନଜର ଆସିବେ । ଏନେଇ ଗତକାଲି ସଲମାନ ଖାନ ସୂଚନା ଦେଇଥିଲେ । ଅନ୍ୟପଟେ ଅବଦୁ ରୋଜିକ୍ କାଜାଖସ୍ତାନର ସେଥିପାଇଁ ସେ ଭଲ ଭାବେ ହିନ୍ଦୀ ଜାଣନ୍ତି ନାହିଁ ।

English summary

'Bigg Boss 16' Has Started, know Why Salman Hosts This Show Every Year