ମୁକ୍ତିଲାଭ କଲା 'Bhediya' ଟ୍ରେଲର, ଦର୍ଶକ କହିଲେ ସୁପରହିଟ୍ VFX

ମୁମ୍ବାଇ: ବଲିଉଡର ପ୍ରସିଦ୍ଧ କଳାକାର ବରୁଣ ଧୱନଙ୍କ ଚର୍ଚ୍ଚିତ ଚଳଚ୍ଚିତ୍ର 'Bhediya' ର ଟ୍ରେଲର ରିଲିଜ ହୋଇଛି। 'ଭେଡ଼ିଆ' ଏହି ଭୟଙ୍କର ଟ୍ରେଲର ଆପଣଙ୍କୁ ଆଶ୍ଚର୍ଯ୍ୟ ନିଶ୍ଚୟ କରିବ । ଫିଲ୍ମର ଟ୍ରେଲର ଦେଖି ଏହା ସହଜରେ ଅନୁମାନ କରାଯାଇପାରୁଛି ଯେ ଏହା ଏକ ହରର କମେଡି ଫିଲ୍ମ । ଚଳଚ୍ଚିତ୍ର 'ଭେଡ଼ିଆ'ର ଟ୍ରେଲର ରିଲିଜ ହେବା ପରେ ପ୍ରଶଂସକଙ୍କ ଉତ୍ସାହ ମଧ୍ୟ ବହୁତ ବୃଦ୍ଧି ପାଇଛି ।

ବୁଧବାର ଦିନ ଜିଓ ଷ୍ଟୁଡିଓ ୟୁଟ୍ୟୁବ ଚ୍ୟାନେଲରେ ବରୁଣ ଧୱନ ଏବଂ କ୍ରିତି ସାନନଙ୍କ ଅଭିନୀତ 'Bhediya'ର ଟ୍ରେଲର ରିଲିଜ ହୋଇଛି। ଏହି ଟ୍ରେଲରରେ ଦର୍ଶାଯାଇଛି ଯେ ବରୁଣ ଏହି ଚଳଚ୍ଚିତ୍ରରେ ଏକ ଇଚ୍ଛାଧାରି ଗଧିଆର ଚରିତ୍ରରେ ନଜର ଆସିବେ । ବାସ୍ତବରେ, ଜଙ୍ଗଲରେ ଏକ ଗଧିଆ କାମୁଡ଼ିବା ପରେ ବରୁଣ ସଂକ୍ରମିତ ହୋଇଯାଉଛନ୍ତି ଏବଂ ପରେ ସେ ନିଜେ ଗଧିଆ ସାଜି ଆତଙ୍କ ସୃଷ୍ଟି କରୁଛନ୍ତି । ଫିଲ୍ମରେ କ୍ରିତି ଡାକ୍ତର କନିକା ଭୂମିକାରେ ଅଭିନୟ କରୁଛନ୍ତି । ଯିଏ ସଂକ୍ରମିତ ବରୁଣଙ୍କୁ ସୁସ୍ଥ କରିବାକୁ ଚେଷ୍ଟା କରୁଛନ୍ତି । ସେହିପରି ଅଭିନେତା ଅଭିଷେକ ବାନାର୍ଜୀ ଏବଂ ଦୀପକ ଡୋବ୍ରିଆଲଙ୍କ ଝଲକ ଦେଖିବାକୁ ମିଳୁଛି । 2 ମିନିଟ୍ 55 ସେକେଣ୍ଡର ଏହି ଟ୍ରେଲର ସହିତ ଏହା ନିଶ୍ଚିତ ହୋଇପାରିଛି ଯେ ନିର୍ଦ୍ଦେଶକ ଅମର କୌଶିକଙ୍କ ଏହି ଚଳଚ୍ଚିତ୍ର ଏକ ଭୟଙ୍କର କମେଡି ଫିଲ୍ମ ଭାବେ ହିଟ୍ ପ୍ରମାଣିତ ହୋଇପାରେ ।

ଫ୍ୟାନ୍ସ ଦେଲେ ଏପରି ପ୍ରତିକ୍ରିୟା
ଏହାପୂର୍ବରୁ ଅମର କୌଶିକ ଏବଂ ନିର୍ମାତା ଦୀନେଶ ଭିଜାନଙ୍କ ଯୋଡି'ସ୍ତ୍ରୀ' ପରି ଏକ ବଡ଼ ହରର କମେଡି ଫିଲ୍ମ ନିର୍ମାଣ କରିସାରିଛନ୍ତି । ଏହି କ୍ରମକୁ ଆଗକୁ ବଢାଇବା ସହ ଦୁହେଁ ବର୍ତ୍ତମାନ ଏକ 'Bhediya'ପରି ଫିଲ୍ମ ମଧ୍ୟମରେ ପୁଣି ଦର୍ଶକଙ୍କ ମନ ଜିଣିବା ପାଇଁ ଯାଉଛନ୍ତି । ସୋସିଆଲ ମିଡିଆରେ ଏହି ଟ୍ରେଲରକୁ ଫ୍ୟାନ୍ସଙ୍କର ବେଶ୍ ଭଲ ପାଇବା ମଳୁଛି । ଜଣେ ୟୁଜର୍ ଟୁଇଟ୍ କରି ଲେଖିଛନ୍ତି - ଏପରି ଆଶା କରିଯାଇ ନଥିଲା ହେଲେ ଫିଲ୍ମର ଟ୍ରେଲର ସତରେ ପ୍ରଶଂସନୀୟ । ସେହିପରି ଆଉ ଜଣେ ୟୁଜର ଲେଖିଛନ୍ତି ଟ୍ରେଲର ସହ VFX ଏବଂ ବ୍ୟାଗଗ୍ରାଉଣ୍ତ ସୁପରହିଟ୍ । ସୋସିଆଲ ମିଡିଆରେ ଫିଲ୍ମ 'Bhediya' ଟ୍ରେଲର ଭାଇରାଲ ହେବାରେ ଲାଗିଛି । ଫିଲ୍ମରେ ବରୁଣ ଓ କ୍ରିତିଙ୍କ ଲୁକକୁ ମଧ୍ୟ ବେଶ ପସନ୍ଦ କରୁଛନ୍ତି ଦର୍ଶକ । ଆଜି ଫିଲ୍ମ ଟ୍ରେଲର ପୂର୍ବରୁ କ୍ରିତିଙ୍କର ଏକ ନୂୂଆ ପୋଷ୍ଟର ମଧ୍ୟ ରିଲିଜ୍ ହୋଇଥିଲା ।

One Word It's Not Expected but Superb Trailer 🙏 @Varun_dvn you are amazing good luck for #BhediyaTrailerOn19thOct pic.twitter.com/zHK4JZHXGA

— Gaurav Jha (@imGauravJ18) October 19, 2022

ଆସନ୍ତା ନଭେମ୍ବର 25 ରେ ବରୁଣ ଧୱନ ଏବଂ କ୍ରିତି ସେନନଙ୍କ ଫିଲ୍ମ 'Bhediya' ପ୍ରେକ୍ଷାଳୟରେ ରିଲିଜ୍ ହେବ । ଫିଲ୍ମଟି ଉଭୟ 3D ଏବଂ 2Dରେ ରିଲିଜ୍ କରାଯିବ । ତେବେ ଏହା ଅଭିନେତ୍ରୀ କ୍ରିତି ଓ ବରୁଣଙ୍କର ଦ୍ୱିତୀୟ ଚଳଚ୍ଚିତ୍ର । ପୂର୍ବରୁ ଉଭୟଙ୍କୁ ଏକାଠି ଫିଲ୍ମ ଦିଲୱାଲେରେ ଦେଖିବା ପାଇଁ ମିଳିଥିଲା । ଏହି ଚଳଚ୍ଚିତ୍ରକୁ ନେଇ ବରୁଣ ଧୱନଙ୍କର ବହୁତ ଆଶା ରହିଛି, କାରଣ ପୂର୍ବରୁ ମୁକ୍ତିଲାଭ କରିଥିବା ବରୁଣ ଧୱନଙ୍କ ଫିଲ୍ମ ଜୁଗ୍ ଜୁଗ୍ ଜିଓ ଚଳଚ୍ଚିତ୍ରଟି ଫ୍ଲପ୍ ପ୍ରମାଣିତ ହୋଇଥିଲା ।

English summary

Bhediya Trailer Out