ପୁଣି ମିଳିଲା ବଙ୍ଗୀୟ ଅଭିନେତ୍ରୀଙ୍କ ଝୁଲନ୍ତା ମୃତଦେହ

ବଙ୍ଗଳା ଅଭିନେତ୍ରୀ ସିରିଜ ଆତ୍ମହତ୍ୟାର ଶିକାର ହେଉଥିବା ଦେଖାଯାଇଛି । ନିକଟରେ ବଙ୍ଗୀୟ ଚଳଚ୍ଚିତ୍ର ଅଭିନେତ୍ରୀ ପଲ୍ଲବୀ ଦେଙ୍କ ମୃତ୍ୟୁ ପରେ ବିଦିଶା ଦେ ମଜୁମଦାରଙ୍କ ଖବର ସାମ୍ନାକୁ ଆସିଥିଲା । ଏହି ଘଟଣାର ତଦନ୍ତ ଶେଷ ହୋଇନଥିବା ବେଳେ ସାମନାକୁ ଆସିଛି ଆଉ ଜଣେ ଅଭି

Published: Friday, May 27, 2022, 13:21 [IST]

କୋଲକାତା: ବଙ୍ଗଳା ଅଭିନେତ୍ରୀ ସିରିଜ ଆତ୍ମହତ୍ୟାର ଶିକାର ହେଉଥିବା ଦେଖାଯାଇଛି । ନିକଟରେ ବଙ୍ଗୀୟ ଚଳଚ୍ଚିତ୍ର ଅଭିନେତ୍ରୀ ପଲ୍ଲବୀ ଦେଙ୍କ ମୃତ୍ୟୁ ପରେ ବିଦିଶା ଦେ ମଜୁମଦାରଙ୍କ ଖବର ସାମ୍ନାକୁ ଆସିଥିଲା । ଏହି ଘଟଣାର ତଦନ୍ତ ଶେଷ ହୋଇନଥିବା ବେଳେ ସାମନାକୁ ଆସିଛି ଆଉ ଜଣେ ଅଭିନେତ୍ରୀଙ୍କ ସନ୍ଦେହଜନକ ମୃତ୍ୟୁ ଘଟିଛି । ବିଦିଶା ଦେଙ୍କ ବନ୍ଧୁ ତଥା ବଙ୍ଗାଳୀ ଅଭିନେତ୍ରୀ-ମଡେଲ ମଞ୍ଜୁଶା ନିୟୋଗୀଙ୍କ ଶୁକ୍ରବାର ଦେହାନ୍ତ ହୋଇଛି ।

ମଞ୍ଜୁଶାଙ୍କ ମୃତଦେହ ତାଙ୍କ ଫ୍ଲାଟରେ ଝୁଲୁଥିବା ଦେଖିବାକୁ ମିଳିଥିଲା । ଏହି ଘଟଣାରେ ପୋଲିସ ତଦନ୍ତ ଆରମ୍ଭ କରିଛି । ସୂଚନାନୁସାରେ, ଶୁକ୍ରବାର ସକାଳେ ମଞ୍ଜୁଶାଙ୍କ ବାପା ମାଆ କ୍ରମାଗତ ଭାବରେ ତାଙ୍କ ଝିଅକୁ ଫୋନ କରିଥିଲେ । ମାତ୍ର ଯେତେବେଳେ କୌଣସି ପ୍ରତିକ୍ରିୟା ନମିଳିଲା, ବାପା ମାଆ ଚିନ୍ତାରେ ପଡିଯାଇଥିଲେ । ତାଙ୍କ ଫ୍ଲାଟକୁ ଯାଇ ଦେଖିଲେ ତ ମଞ୍ଜୁଶାଙ୍କ ମୃତଦେହ ଝୁଲନ୍ତା ଅବସ୍ଥାରେ ରହିଛି । ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି ।

ମଞ୍ଜୁଶା ନିୟୋଗି ବୃତ୍ତି ଅନୁଯାୟୀ ଜଣେ ମଡେଲ ଏବଂ ନିକଟରେ ଅଭିନେତ୍ରୀଙ୍କ ମୃତଦେହ ପଟୋଲିରେ ସ୍ଥିତ ତାଙ୍କ ଘରେ ଝୁଲୁଥିବା ଦେଖିବାକୁ ମିଳିଥିଲା । ମଞ୍ଜୁଶା କିଛି ଟିଭି ଶୋ'ରେ ଛୋଟ ଭୂମିକା ଗ୍ରହଣ କରିଛନ୍ତି । ତାଙ୍କୁ କାଞ୍ଚି ଟିଭି ସୋ'ରେ ଜଣେ ନର୍ସ ଭୂମିକାରେ ଦେଖିବାକୁ ମିଳିଥିଲା। ସେ ଇଣ୍ଡଷ୍ଟ୍ରିରେ ନିଜ କ୍ୟାରିଅର ଗଢିବାକୁ ଚାହୁଁଥିଲେ । ମଞ୍ଜୁଶାଙ୍କ ମାଆ ପୋଲିସକୁ କହିଛନ୍ତି ଯେ, ତାଙ୍କ ବନ୍ଧୁ ବିଦିଶାଙ୍କ ମୃତ୍ୟୁ ପରେ ସେ ଡିପ୍ରେସନରେ ଥିଲେ । ବର୍ତ୍ତମାନ ମଞ୍ଜୁଶା ଆତ୍ମହତ୍ୟା କରିଛନ୍ତି ନା କିଛି କାରଣ ରହିଛି ସେନେଇ ପୋଲିସ ତଦନ୍ତ ଆରମ୍ଭ କରିଛି ।
ବୁଧବାର ଦିନ ମଞ୍ଜୁଶାଙ୍କ ବନ୍ଧୁ ବିଦିଶା ଦେ ମଜୁମଦାର ଆତ୍ମହତ୍ୟା କରିଛନ୍ତି ।

Published On May 27, 2022