ସାଉଥ ଅଭିନେତ୍ରୀ ସାଇ ପଲ୍ଲବୀଙ୍କ ନାଁରେ ମାମଲା
ନିକଟରେ ବିବାଦୀୟ ବୟାନ ଦେଇ ଅଡୁଆରେ ପଡିଛନ୍ତି ସାଉଥ ଅଭିନେତ୍ରୀ ସାଇ ପଲ୍ଲବୀ। ଏନେଇ ତାଙ୍କ ବିରୋଧରେ ମାମଲା ରୁଜ୍ଜୁ ହୋଇଛି । କାଶ୍ମୀର ପଣ୍ଡିତଙ୍କ ହତ୍ୟା ଓ ଗୋ ଚାଲାଣ ଉପରେ ମନ୍ତବ୍ୟ ଦେଇଥିଲେ ସାଇ । ବଜରଙ୍ଗୀ ଦଳ ପକ୍ଷରୁ ହାଇଦ୍ରାବାଦ ସୁଲତାନ ବଜାର ଥାନାରେ
ହାଇଦ୍ରାବାଦ: କାଶ୍ମୀର ପଣ୍ଡିତ ହତ୍ୟା ମାମଲା ଦିନକୁ ଦିନ ବଢିବାରେ ଲାଗିଛି। ବର୍ତ୍ତମାନ ଏହାକୁ ନେଇ ଚର୍ଚ୍ଚା ମଧ୍ୟ ଚାରିଆଡେ ଚାଲିଛି । ଅନେକ ଲୋକ ଏହାକୁ ନେଇ ନିଜର ମତ ରଖିଛନ୍ତି । ତେବେ ନିକଟରେ ବିବାଦୀୟ ବୟାନ ଦେଇ ଅଡୁଆରେ ପଡିଛନ୍ତି ସାଉଥ ଅଭିନେତ୍ରୀ ସାଇ ପଲ୍ଲବୀ। ଏନେଇ ତାଙ୍କ ବିରୋଧରେ ମାମଲା ରୁଜ୍ଜୁ ହୋଇଛି । କାଶ୍ମୀର ପଣ୍ଡିତଙ୍କ ହତ୍ୟା ଓ ଗୋ ଚାଲାଣ ଉପରେ ମନ୍ତବ୍ୟ ଦେଇଥିଲେ ସାଇ । ବଜରଙ୍ଗୀ ଦଳ ପକ୍ଷରୁ ହାଇଦ୍ରାବାଦ ସୁଲତାନ ବଜାର ଥାନାରେ ସାଇ ପଲ୍ଲବୀଙ୍କ ନାମରେ ମାମଲା ରୁଜୁ ହୋଇଛି ।
ଅଭିନେତ୍ରୀଙ୍କ ଆଗାମୀ ଫିଲ୍ମର ପ୍ରୋମସନ ପାଇଁ ଏକ ଚ୍ୟାନେଲକୁ ସାକ୍ଷାତକାର ଦେଇଥିଲେ । ଏହି ସମୟରେ ସେ କାଶ୍ମୀର ପଣ୍ଡିତଙ୍କ ନରସଂହାର ସହ ଗୋ ଚୋରା ଚାଲାଣ ସହ ତୁଳନା କରିଥିଲେ । ତାଙ୍କର ଏହି ବୟାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କିଛି ଲୋକ ପଲ୍ଲବୀଙ୍କୁ ସମର୍ଥନ କରିଥିବାବେଳେ, ଆଉ କିଛି ଲୋକ ଦୁଇଟି ଘଟଣା ଆଦୌ ସମାନ ନୁହେଁ ବୋଲି କହିଛନ୍ତି ।
ସେ ଆହୁରି କହିଥିଲେ, କାଶ୍ମୀର ଫାଇଲ୍ସ ଫିଲ୍ମ ସେହି ସମୟରେ ଘଟିଥିବା କାଶ୍ମୀର ପଣ୍ଡିତଙ୍କ ହତ୍ୟା ଘଟଣାକୁ ଦେଖାଇଛି । ଯହି ଧାର୍ମିକ ଦୃଷ୍ଟିରୁ ଦେଖିବା ମୁଁ ଏକ ଖବର ପଢିଥିଲି ଯେଉଁଥିଲେ ଗାଈ ନେଇ ଯାଉଥିବା ଜଣେ ମୁସଲିମ ବ୍ୟକ୍ତିଙ୍କୁ ଜୟ ଶ୍ରୀରାମ ନାରା ଦେଇ କିଛି ଗୋ-ସୁରକ୍ଷା କର୍ମୀ ତାଙ୍କୁ ହତ୍ୟା କରିଥିଲେ । ବାସ୍ ପଲ୍ଲବୀଙ୍କ ଏହି ବୟାନକୁ ନେଇ ଚର୍ଚ୍ଚା ଜୋର ଧରିଥିବା ଦେଖିବାକୁ ମିଳିଛି ।
Click it and Unblock the Notifications
Sign in with Google