ଐଶ୍ୱର୍ଯ୍ୟା ରାୟଙ୍କୁ ଅଣଦେଖା କରୁଛି କି ବଚ୍ଚନ ପରିବାର !

Aishwarya Rai Bachchan: ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ଅଭିଷେକ ବଚ୍ଚନଙ୍କ ମଧ୍ୟରେ ମତଭେଦ ଖବର ଗତ କିଛି ଦିନ ହେବ ଚର୍ଚ୍ଚାରେ ରହିଛି । କୁହାଯାଉଛି ଯେ ଉଭୟ ଅଲଗା ହେବାକୁ ଯାଉଛନ୍ତି। ଏପରିକି ଅନନ୍ତ ଅମ୍ବାନୀଙ୍କ ବିବାହରେ ଉଭୟ ବଚ୍ଚନ ପରିବାର ଏବଂ ଐଶ୍ୱର୍ଯ୍ୟା ରାୟ ଅଲଗା ଅଲଗା ପହଞ୍ଚିଥିଲେ ଅଭିନେତ୍ରୀ ନିଜ ଝିଅଙ୍କ ବିବାହରେ ଆସିଥିବା ବେଳେ ପୁରା ବଚ୍ଚନ ପରିବାର ଏକାଠି ଆସିଥିଲା । ଯାହା ପରେ ଅଭିଷେକ ଏବଂ ଐଶ୍ୱର୍ଯ୍ୟା ଡିଭୋର୍ସ ଚର୍ଚ୍ଚା ଆହୁରି ଜୋର ଧରିଥିଲା ।

ନିକଟରେ ଐଶ୍ୱର୍ଯ୍ୟା ରାୟ SIIMA 2024 ରେ ଏକ ପୁରସ୍କାର ଗ୍ରହଣ କରିଥିଲେ । ଏହି ସମୟ ମଧ୍ୟରେ ବଚ୍ଚନ ପରିବାରର କୌଣସି ସଦସ୍ୟ ତାଙ୍କ ସହ ନଜର ଆସିନ ଥିଲେ କେବଳ ଝିଅ ଆରାଧ୍ୟା ମା' ଐଶ୍ୱର୍ଯ୍ୟା ସହ ନଜର ଆସିଥିଲେ । ଏପରିକି ପରିବାରର କୌଣସି ସଦସ୍ୟ ତାଙ୍କୁ ଶୁଭେଚ୍ଛା ମଧ୍ୟ ଜଣାଇ ନଥିଲେ । ନିକଟରେ ଏକ ଇନଷ୍ଟାଗ୍ରାମ ପେଜରେ ଏକ ଭିଡିଓ ପୋଷ୍ଟ କରାଯାଇଥିଲା ଏଥିରେ ଦର୍ଶାଯାଇଥିଲା ଯେ ବଚ୍ଚନ ପରିବାର ଐଶ୍ୱର୍ଯ୍ୟାଙ୍କୁ ଅବହେଳା କରୁଛନ୍ତି।

ତେବେ ଏହି ଭିଡିଓରେ ଅଭିନେତ୍ରୀ ସିମି ଗ୍ରୁୱଲ ପ୍ରତିକ୍ରିୟା ପ୍ରକାଶ କରିଛନ୍ତି। ସେ ଭିଡିଓର କ୍ୟାପସନରେ ଲେଖିଛନ୍ତି - ଆପଣମାନେ କିଛି ଜାଣନ୍ତି ନାହିଁ । ଏ ସବୁ ବନ୍ଦ କର । ରେଡ୍ଡିଟ୍ ଏହାର ସ୍କ୍ରିନସଟ୍ ସେୟାର କରିବା ପରେ ଏହାକୁ ନେଇ ଚର୍ଚ୍ଚା ଜୋର ଧରିଛି ।

ଏହା ବ୍ୟତୀତ ଐଶ୍ୱର୍ଯ୍ୟା ନିକଟରେ ପ୍ୟାରିସ୍ ଫ୍ୟାଶନ ସପ୍ତାହରେ ପହଞ୍ଚିଥିଲେ। ଫ୍ୟାଶନ ସପ୍ତାହରୁ ଅଭିନେତ୍ରୀଙ୍କ ଫଟୋ ଏବଂ ଭିଡିଓଗୁଡ଼ିକ ବହୁତ ଭାଇରାଲ ହୋଇଥିଲା । ଐଶ୍ୱର୍ଯ୍ୟାଙ୍କ ସହ ଆଲିଆ ଭଟ୍ଟ ମଧ୍ୟ ଏହି ଇଭେଣ୍ଟରେ ଯୋଗ ଦେଇଥିଲେ । ଅନ୍ୟ ପଟେ ଶ୍ୱେତା ବଚ୍ଚନଙ୍କ ଝିଅ ନଭ୍ୟା ନଭେଲି ନନ୍ଦା ଆଲିଆ ଭଟ୍ଟଙ୍କ ଫଟୋ ଉପରେ ପ୍ରତିକ୍ରିୟା ଦେଇଥିବା ବେଳେ । ସେ ଐଶ୍ୱର୍ଯ୍ୟାଙ୍କ ଫଟୋ ଉପରେ କୌଣସି ପ୍ରତିକ୍ରିୟା ଦେଇନାହାଁନ୍ତି। ଯେଉଁଥି ପାଇଁ ନଭ୍ୟାଙ୍କୁ ଟ୍ରୋଲ କରାଯାଉଛି ।

କିଛିଦିନ ପୂର୍ବରୁ ଯେତେବେଳେ ଐଶ୍ୱର୍ଯ୍ୟା ଏବଂ ଅଭିଷେକଙ୍କ ଛାଡପତ୍ର ହେବାର ଖବର ବେଶ୍ ଚର୍ଚ୍ଚାରେ ରହିଥିଲା ସେତେବେଳେ ଅଭିଷେକ ବଚ୍ଚନ ଏହା ଉପରେ ପ୍ରତିକ୍ରିୟା ଦେଇ କହିଥିଲେ ସେ ଏବେ ବି ବିବାହିତ ଅଛନ୍ତି । ହେଲେ ଐଶ୍ୱର୍ଯ୍ୟା ରାୟ ଏହି ଗୁଜବ ଉପରେ କିଛି ପ୍ରତିକ୍ରିୟା ଦେଇ ନାହାଁନ୍ତି ।