ୱେବ୍ ସରିଜରେ ଡେବ୍ୟୁ କରିବେ ଆର୍ଯ୍ୟନ୍ ଖାନ୍

ମୁମ୍ବାଇ:ଗତ କିଛି ଦିନ ହେବ ଶାହାରୁଖ ଖାନଙ୍କ ପୁଅ ଆର୍ଯ୍ୟନ୍ ଖାନ ଲାଇମଲାଇଟରେ ଅଛନ୍ତି । ନିକଟରେ ଆର୍ଯ୍ୟନ ଖାନଙ୍କ ନିର୍ଦ୍ଦେଶିତ ଏକ ବିଜ୍ଞାପନରେ କିଙ୍ଗ୍ ଖାନଙ୍କୁ ଦେଖିବା ପାଇଁ ମିଳିଥିଲା । ଯାହାକୁ ନେଇ ଚର୍ଚ୍ଚା ଜୋର ଧରିଥିଲା । ବର୍ତ୍ତମାନ ଆର୍ଯ୍ୟନ ଖାନ ବଲିଉଡରେ ନିର୍ଦ୍ଦେଶକ ଭାବେ ଡେବ୍ୟୁ କରିବା ପାଇଁ ଯାଉଛନ୍ତି ।

ଗଣମାଧ୍ୟମ ରିପୋର୍ଟ ଅନୁସାରେ, ଯୁବ ନିର୍ମାତା ଆର୍ଯ୍ୟନ ଖାନ ନେଟଫ୍ଲିକ୍ସରେ ଏକ ୱେବ୍ ଶୋ'ର ନିର୍ଦ୍ଦେଶନା ଦେବେ । 'ଷ୍ଟାରଡମ୍' ନାମକ ଏକ ୱେବ୍ ସିରିଜରେ ସହ ନିର୍ଦ୍ଦେଶକ ଭାବେ ଡେବ୍ୟୁ କରିବାକୁ ଯାଉଛନ୍ତି ଆର୍ଯ୍ୟନ୍ ଖାନ ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଡିସେମ୍ବର ୨୦୨୨ରେ ଆର୍ଯ୍ୟନ ଖାନ ନିର୍ଦ୍ଦେଶକ ଭାବେ କ୍ୟାରିୟର ଆରମ୍ଭ କରୁଛନ୍ତି ବୋଲି ସୂଚନା ଦେଇଥିଲେ । ସେ ସୋସିଆଲ ମିଡିଆରେ ଏକ ସ୍କ୍ରିପ୍ଟର ଫଟୋ ସେୟାର କରି ଫ୍ୟାନ୍ସଙ୍କୁ ସୂଚନା ଦେଇଥିଲେ । ତେବେ ଫ୍ୟାନ୍ସ ଆର୍ଯ୍ୟନ ଖାନଙ୍କ ୱେବ୍ ସିରିଜ୍ ଦେଖିବା ପାଇଁ ଉତ୍ସାହିତ ସହ ଅପେକ୍ଷା କରିଛନ୍ତି । ଆର୍ଯ୍ୟନଙ୍କ ନୂଆ କାର୍ଯ୍ୟ ପାଇଁ ତାଙ୍କୁ ମା'ଗୌରୀ ଖାନ, ଶାହାରୁଖ ଖାନ, ଭଉଣୀ ସୁହାନା ଖାନଙ୍କ ସମେତ ଅନେକ ସେଲିବ୍ରିଟି ତାଙ୍କୁ ଶୁଭେଚ୍ଛା ଜଣାଇଥିଲେ ।

ସୂଚନାଥାଉ ଯେ, ଲେଖକ ବିଲାଲ ସିଦ୍ଧିକିଙ୍କ ସହ ମିଶି ଆର୍ଯ୍ୟନ ଏହି ସିରିଜି ଲେଖିଛନ୍ତି । ବର୍ତ୍ତମାନ ଏହି ସୋ'ର ପ୍ରି-ପ୍ରଡକ୍ସନ କାର୍ଯ୍ୟ ଚାଲିଛି । ତେବେ ଚଳିତ ବର୍ଷ ଶେଷରେ ଏହି ସିରିଜ୍ ରିଲିଜ୍ ହୋଇପାରେ । ଏହା ଶାହାରୁଖ ଖାନଙ୍କ ପ୍ରଡକ୍ସନ ହାଉସ ରେଡ୍ ଚିଲିସ୍ ଏଣ୍ଟରଟେନମେଣ୍ଟ ଦ୍ୱାରା ନିର୍ମିତି ।

English summary

Aryan Khan will debut in web series.