ଫିଲ୍ମ 'Article 370' ହେଲା ରିଲିଜ୍, ପ୍ରଥମ ଦିନରେ କରିପାରେ ଏତିକି କୋଟିର ବ୍ୟବସାୟ

Article 370 BO Day 1 Prediction: ବଲିଉଡ ଅଭିନେତ୍ରୀ ୟାମି ଗୌତମଙ୍କ ଫିଲ୍ମ 'Article 370'ରିଲିଜ୍ ହୋଇଯାଇଛି । ଏହି ଚଳଚ୍ଚିତ୍ରଟି ଫେବୃଆରୀ 23 ରେ ପ୍ରେକ୍ଷାଳୟରେ ମୁକ୍ତିଲାଭ କରିଛି । ଫିଲ୍ମର ଟ୍ରେଲର ପରି ବର୍ତ୍ତମାନ ସିନେମାଟି ମଧ୍ୟ ବେଶ୍ ପ୍ରଶଂସା ସାଉଁଟୁଛି । ଆଡଭାନ୍ସ ବୁକିଂରୁ ଫିଲ୍ମଟି ବେଶ୍ ଭଲ ରୋଜଗାର କରିଛି । ଆକଳନ କରାଯାଉଛି ଯେ, ପ୍ରଥମ ଦିନରେ ହିଁ ଫିଲ୍ମଟି ବକ୍ସ ଅଫିସରେ ଅନେକ ସିନେମାର ରେକର୍ଡ ବ୍ରେକ୍ କରିବ ।

ଚଳଚ୍ଚିତ୍ର 'Article 370' ଆଦିତ୍ୟ ଜାମ୍ବଲେଙ୍କ ଦ୍ୱାରା ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସୁଥିବା ୟାମି ଗୌତମଙ୍କୁ ଆକ୍ସନ୍ ଅବତାର ଦେଖିବାକୁ ମିଳୁଛି । ଫିଲ୍ମଟି ସୋସିଆଲ ମିଡିଆରେ ଭଲ ପ୍ରତିକ୍ରିୟା ପାଇବାରେ ଲାଗିଛି । ବାଣିଜ୍ୟ ରିପୋର୍ଟ ଅନୁଯାୟୀ, ଫିଲ୍ମର ପ୍ରଥମ ଦିନରେ 80 ହଜାରରୁ ଅଧିକ ଟିକେଟ୍ ବିକ୍ରି ହୋଇସାରିଛି ଏବଂ ଫିଲ୍ମଟି ଆଡଭାନ୍ସ ବୁକିଂରୁ ପ୍ରାୟ 5 କୋଟି ଟଙ୍କା ରୋଜଗାର କରିଛି ସାରିଛି ।

ରିପୋର୍ଟ ଅନୁଯାୟୀ, ପ୍ରଥମ ଦିନରେ ଫିଲ୍ମର 1 ଲକ୍ଷରୁ ଅଧିକ ଟିକେଟ୍ ବିକ୍ରି ହୋଇଛି। ଯଦି ଏପରି ଟ୍ରେଣ୍ତ ଜାରି ରହେ ତେବେ ଚଳଚ୍ଚିତ୍ର 'Article 370' ପ୍ରଥମ ଦିନରେ ପ୍ରାୟ 6 ରୁ 8 କୋଟି ଟଙ୍କା ରୋଜଗାର କରିପାରିବ । ତେବେ ଏହି ଚଳଚ୍ଚିତ୍ର ସହିତ ବିଦ୍ୟୁତ ଜାମୱାଲଙ୍କ ଫିଲ୍ମ Crakk ମଧ୍ୟ ମୁକ୍ତିଲାଭ କରିଥିଲା। ଯାହାକି ଚଳଚ୍ଚିତ୍ର ଧାରା 370 ର ରୋଜଗାର ଉପରେ ପ୍ରଭାବ ପକାଇପାରେ ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ 'Article 370' ଆଦିତ୍ୟ ସୁହାସ ଜାମ୍ବଲେଙ୍କ ଦ୍ୱାରା ନିର୍ଦ୍ଦେଶିତ ହୋଇଛି। ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ୟାମି ଗୌତମ ନଜର ଆସୁଛନ୍ତି । ଏହା ବ୍ୟତୀତ ଅରୁଣ ଗୋବିଲ ଏବଂ ପ୍ରିୟାମନୀଙ୍କୁ ମଧ୍ୟ ମୁଖ୍ୟ ଭୂମିକାରେ ଦେଖିବା ପାଇଁ ମିଳୁଛି । ଅରୁଣ ଗୋବିଲ ଏହି ଫିଲ୍ମରେ ପିଏମ ମୋଦି ଭୂମିକାରେ ଅଭିନୟ କରିଛନ୍ତି। ଆଗାମୀ ଦିନରେ ଏହି ଚଳଚ୍ଚିତ୍ରଟି କି ପ୍ରକାର ପ୍ରତିକ୍ରିୟା ପାଇବ ତାହା ଦେଖିବାକୁ ବାକି ରହିଲା ।

English summary

Article 370 BO Day 1 Prediction