ସଲମାନ ଖାନଙ୍କୁ ଆଶ୍ୱସ୍ତି : ଖାରଜ୍ ହେଲା ଆବେଦନ, ନହେଲେ ହୋଇଥାନ୍ତା 7 ବର୍ଷ ଜେଲ ଦଣ୍ଡ

ବଲିଉଡର ଦବଙ୍ଗ ଷ୍ଟାର୍ ଅଭିନେତା ସଲମାନ ଖାନଙ୍କୁ ମିଳିଛି ବଡ ଆଶ୍ୱସ୍ତି । ସଲମାନଙ୍କ ବିରୋଧରେ ରାଜ୍ୟ ସରକାର ଦେଇଥିବା ଆବେଦନକୁ କୋର୍ଟ ଖାରଜ କରିଛନ୍ତି ।

Updated: Thursday, February 11, 2021, 16:56 [IST]

Arms Act case: Jodhpur Court dismisses the plea against Salman Khan । ବଲିଉଡର ଦବଙ୍ଗ ଷ୍ଟାର୍ ଅଭିନେତା ସଲମାନ ଖାନଙ୍କୁ ମିଳିଛି ବଡ ଆଶ୍ୱସ୍ତି । ମିଥ୍ୟା ଆଫିଡେଭିଟ୍ ମାମଲାରେ ଯୋଧପୁର କୋର୍ଟରୁ ତାଙ୍କୁ ଆଶ୍ୱସ୍ତି ମିଳିଛି । ସଲମାନଙ୍କ ବିରୋଧରେ ରାଜ୍ୟ ସରକାର ଦେଇଥିବା ଆବେଦନକୁ କୋର୍ଟ ଖାରଜ କରିଛନ୍ତି । ଏଠାରେ କହି ରଖୁଛୁ ଯେ ସରକାରଙ୍କ ଦ୍ୱାରା ଦିଆଯାଇଥିବା CRPC ର ଧାରା 340 ରେ ଉପସ୍ଥାପିତ ଆବେଦନ ଉପରେ ଯୋଧପୁର କୋର୍ଟ ଏହି ନିଷ୍ପତ୍ତି ନେଇଛନ୍ତି । ଯଦି ଏହି ଘଟଣାରେ ସଲମାନ ଦୋଷୀ ସାବ୍ୟସ୍ତ ହୋଇଥାନ୍ତେ, ତେବେ ତାଙ୍କୁ ଆଇପିସିର ଧାରା 193 ଅନୁଯାୟୀ ମାମଲା ରୁଜୁ କରାଯାଇଥାନ୍ତା ଏବଂ

ଯଦି ଏହି ମାମଲାରେ ସେ ଦୋଷୀ ସାବ୍ୟସ୍ତ ହୋଇଥାନ୍ତେ ତେବେ ଏହି ଦବଙ୍ଗ୍ ଖାନ୍ ଙ୍କୁ 7 ବର୍ଷ ଜେଲ ଦଣ୍ଡରେ ଦଣ୍ଡିତ କରାଯାଇଥାନ୍ତା । କିନ୍ତୁ ତାହା ବର୍ତ୍ତମାନ ହେବ ନାହିଁ କାରଣ ରାଜ୍ୟ ସରକାରଙ୍କ ଆବେଦନକୁ କୋର୍ଟ ଖାରଜ କରି ଦେଇଛନ୍ତି ।
କ'ଣ ଥିଲା ମାମଲା ?
କୃଷ୍ଣସାର ମୃଗ ଶିକାର ଏବଂ ଆର୍ମସ୍ ଆକ୍ଟ ମାମଲାରେ କୋର୍ଟ ଅଭିନେତା ସଲମାନ ଖାନଙ୍କୁ ତାଙ୍କ ବନ୍ଧୁକ ଲାଇସେନ୍ସ ରସିଦ ମାଗିଥିଲେ କିନ୍ତୁ ପରେ ସଲମାନ ତାଙ୍କ କୋର୍ଟରେ ଲାଇସେନ୍ସ ଦାଖଲ କରିବାରେ ଅକ୍ଷମତା ଦର୍ଶାଇ ଏକ ସତ୍ୟପାଠ ଆଫିଡେଭିଟ୍ ଦାଖଲ କରିଥିଲେ । ଏଥିରେ କୁହାଯାଇଥିଲା ଯେ ତାଙ୍କ ଲାଇସେନ୍ସ କୌଣସି ସ୍ଥାନରେ ହଜିଯାଇଛି ଏବଂ ମୁମ୍ବାଇର ବାନ୍ଦ୍ରା ପୋଲିସ ଷ୍ଟେସନରେ ମଧ୍ୟ ଏହାକୁ ନେଇ ସେ ଏଫ୍ଆଇଆର୍ ଦାଖଲ କରିଛନ୍ତି । ଏହି ଏଫଆଇଆର୍ ର ଏକ ନକଲ ସଲମାନ କୋର୍ଟରେ ଦାଖଲ କରିଥିଲେ ।