ବର୍ଷା-ଅନୁଭବ ବିବାଦ ମାମଲା : ପରସ୍ପରକୁ ଆକ୍ଷେପ ନ କରିବା ପାଇଁ ନିର୍ଦ୍ଦେଶ ଦେଲେ ହାଇକୋର୍ଟ

Updated: Saturday, November 5, 2022, 18:25 [IST]

କଟକ: ସାଂସଦ ତଥା ଅଭିନେତା ଅନୁଭବ-ଅଭିନେତ୍ରୀ ବର୍ଷା ପାରିବାରିକ ବିବାଦ ମାମଲା । ନିକଟରେ ବର୍ଷା ଏକ ମାମଲା ରୁଜୁ କରିଥିଲେ । ଯେଉଁ ମାମଲାର ଶୁଣାଣି କରି ଉଭୟ ପରସ୍ପର ପ୍ରତି କୌଣସି ଅକ୍ଷେପ ନକରିବାକୁ ହାଇକୋର୍ଟ ପୁଣି ନିର୍ଦ୍ଦେଶ ଦେଇଛନ୍ତି । ପୂର୍ବରୁ ମଧ୍ୟ ଉଭୟଙ୍କୁ ମେ ୨୭ରେ ହାଇକୋର୍ଟ ପକ୍ଷରୁ ଏପରି ନିର୍ଦ୍ଦେଶ ଦିଆଯାଇଥିଲା । ମାତ୍ର ଏ ନିର୍ଦ୍ଦେଶକୁ ବେଖାତିର କରି ବର୍ଷାଙ୍କୁ ସୋସିଲ ମିଡିଆରେ ଟ୍ୱିଟ୍ କରି ଏକ ଅଭିଡ ବିଷୟରେ ପ୍ରଶ୍ନ ପଚାରିଥିଲେ ଅନୁଭବ । ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଅଡିଓରେ ଶୁଣାଯାଉଥିବା ସ୍ୱର କାହାର ବୋଲି ସେ ବର୍ଷାଙ୍କୁ ପ୍ରଶ୍ନ କରିଥିଲେ । ଅନ୍ୟ ପଟେ ବର୍ଷା ପ୍ରିୟଦର୍ଶିନୀ ଏହାର କୌଣସି ଉତ୍ତର ଦେଇ ନଥିଲେ ।

ପରବର୍ତ୍ତି ସମୟରେ ଏହି ମାମଲା ନେଇ ବର୍ଷା ପୁରୀଘାଟ ଥାନା ଓ ସାଇବର ଥାନାରେ ଅଭିଯୋଗ କରିବା ସହ ହାଇକୋର୍ଟରେ ମାମଲା ରୁଜୁ କରିଥିଲେ । ଅନୁଭବଙ୍କ କିଛି ଅଡିଓ ସୋସିଆଲ ମିଡିଆରେ ଭାରଇରାଲ ହେବା ଦ୍ୱାରା ତାଙ୍କର ସମ୍ମାନହାନୀ ହେଉଥିବା ନେଇ ସେ ଅଭିଯୋଗ କରିଥିଲେ ।

ସୂଚନାଥାଉ ଯେ, ଗତ ୨ ତାରିଖରେ ଶାଶୁଘର ଚାବି ଫେରାଇଥିଲେ ବର୍ଷା ପ୍ରିୟଦର୍ଶିନୀ । କଟକ ଏସଡିଜେଏମ୍ କୋର୍ଟରେ ଆଜି ସେ ଚାବି ଦାଖଲ କରିଥିଲେ । ପରିବାର ଅଦାଲତରେ ଅଭିନେତ୍ରୀଙ୍କର ଦ୍ୱିତୀୟ ଦିନରେ ସାକ୍ଷ୍ୟଗ୍ରହଣ କରାଯାଇଥିଲା । ଅକ୍ଟୋବର ୨୮ ତାରିଖରେ ଅନୁଭବଙ୍କ ପୈତୃକ ଘରର ଚାବି ଫେରାଇବାକୁ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ କଟକ ଏସଡିଜେଏମ୍ କୋର୍ଟ ନିର୍ଦ୍ଦେଶ ଦେଇଥିଲେ । ଅନୁଭବ କିମ୍ବା ତାଙ୍କ ଓକିଲକଙ୍କୁ ଚାବି ପ୍ରଦାନ କରିବା ପାଇଁ କୋର୍ଟ ପକ୍ଷରୁ ନିର୍ଦ୍ଦେଶ ଦିଆଯାଇଥିଲା । ଏହା ଛଡା ବର୍ଷାଙ୍କ ପକ୍ଷରୁ ଦାୟର ହୋଇଥିବା ଦୁଇଟି ପିଟିସନକୁ ଖାରଜ କରିଦେଇଥିଲେ କୋର୍ଟ ।