ଜଣକୁ ଭଲ ପାଇ ବାହା ହୋଇଥିଲି, ତାଙ୍କଠୁ ଏମିତି ଆଶା କରିନଥିଲି: ଅନୁଭବ
ଆଜି କଟକ ଫ୍ୟାମିଲି କୋର୍ଟରେ ପୁଣି ହାଜର ହୋଇଛନ୍ତି ସାଂସଦ ଅନୁଭବ ମହାନ୍ତି । ହେଲେ ଆଜି ଶୁଣାଣି ବେଳେ ହାଜର ହୋଇ ନାହାନ୍ତି ବର୍ଷା ପ୍ରିୟଦର୍ଶିନୀ ।
କଟକ: ବର୍ଷା ଅନୁଭବ ବିବାହ ବିଛେଦ ମାମଲାରେ ଧିରେ ଧିରେ ଜଟିଳ ହେବାରେ ଲାଗିଛି । ଆଜି କଟକ ଫ୍ୟାମିଲି କୋର୍ଟରେ ପୁଣି ହାଜର ହୋଇଛନ୍ତି ସାଂସଦ ଅନୁଭବ ମହାନ୍ତି । ହେଲେ ଆଜି ଶୁଣାଣି ବେଳେ ହାଜର ହୋଇ ନାହାନ୍ତି ବର୍ଷା ପ୍ରିୟଦର୍ଶିନୀ । ଅଗଷ୍ଟ ୧୦ରେ ମାମଲାର ପରବର୍ତୀ ଶୁଣାଣି ହେବ ।
ତେବେ ଆଜି କୋର୍ଟରୁ ବାହାରିବା ପରେ ଗଣମାଧ୍ୟମକୁ ଅନୁଭବଙ୍କ ବୟାନ ପୁଣିଥରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି । ବର୍ଷା ଭଲରେ ରୁହନ୍ତୁ, ଖୁସିରେ ରୁହନ୍ତୁ ବୋଲି ଅନୁଭବ କହିଛନ୍ତି । ଲୋକଙ୍କୁ କେମିତି ଅଣଦେଖା କରାଯାଏ ତାହା ବର୍ଷା ଭଲରେ ଜାଣିଛନ୍ତି ବୋଲ ସେ ଆହୁରି କହିଛନ୍ତି । ଜଣକୁ ଭଲ ପାଇ ବାହା ହୋଇଥିଲି, ତାଙ୍କଠୁ ଏମିତି ଆଶା କରିନଥିଲି ବୋଲି ଅନୁଭ କହିଛନ୍ତି ।
ସୂଚନାଯୋଗ୍ୟ ଷ୍ଟାର ଦମ୍ପତିଙ୍କ ପାରିବାରିକ କହଳ ଏବେ ହାଟରେ ପଡି ଦାଣ୍ଡରେ ଗଡିଲାଣି । ପୂର୍ବ ଉଭୟ ୨ ଥର କୋର୍ଟରେ ହାଜର ହୋଇ ସାରିଛନ୍ତି । ଖୁବଶୀଘ୍ର ଏକ ସାମ୍ବାଦିକ ସମ୍ମିଳନୀ କରିବେ ବୋଲି କହିଛନ୍ତି ଅନୁଭବ ।
Click it and Unblock the Notifications
Sign in with Google