Animal Box Office Collection Day 6: କେବଳ ଭାରତରେ ୩୦୦ କୋଟିର ବ୍ୟବସାୟ କଲା ରଣବୀର କପୁରଙ୍କ ଫିଲ୍ମ 'ଆନିମଲ୍'

Animal Box Office Collection Day 6: ରଣବୀର କପୁରଙ୍କ ଅଭିନୀତ ଚଳଚ୍ଚିତ୍ର 'ଆନିମଲ୍' ବକ୍ସ ଅଫିସରେ ପ୍ରତିଦିନ ନୂଆ ରେକର୍ଡ ସୃଷ୍ଟି କରୁଛି। ଏହି ଫିଲ୍ମ କେବଳ ଘରୋଇ ବକ୍ସ ଅଫିସରେ ନୁହେଁ ସାରା ବିଶ୍ୱରେ ବର୍ତ୍ତମାନ ନିଜ ଜଲୱା ଦେଖାଉଛି । ସବୁଠି କେବଳ ରଣବୀରଙ୍କ ଫିଲ୍ମର ଚର୍ଚ୍ଚା । ରଣବୀର କପୁରଙ୍କ ଫିଲ୍ମ 5 ଦିନରେ ସାରା ବିଶ୍ୱରେ 500 କୋଟି ଟଙ୍କା ଆୟ କରିଛି । ସେହିପରି ସିନେମା ଜଗତ ପାଇଁ ଏକ ଖୁସି ଖବର ହେଲା ଯେ କେବଳ ଭାରତରେ ଫିଲ୍ମ ଆନିମଲ୍ 300 କୋଟି ଟଙ୍କାର କ୍ଲବରେ ଏଣ୍ଟ୍ରି କରିଛି ।

'ଆନିମଲ' ରିଲିଜ ହେବାର ୬ ଦିନ ବିତିଗଲାଣି ଏବଂ ଫିଲ୍ମଟି ପ୍ରତିଦିନ କୋଟି କୋଟି ଟଙ୍କା ରୋଜଗାର କରୁଛି । ସାକନିଲ୍କର ରିପୋର୍ଟ ଅନୁଯାୟୀ, 'ଆନିମଲ୍' ପଞ୍ଚମ ଦିନ 37.47 କୋଟି ଟଙ୍କା ବ୍ୟବସାୟ କରିଥିଲା ଏବଂ ଷଷ୍ଠ ଦିନ ଏହି ଚଳଚ୍ଚିତ୍ର 15.67 କୋଟି ଟଙ୍କା ରୋଜଗାର କରିବା ସହ ବର୍ତ୍ତମାନ ଏହି ଫିଲ୍ମର ମୋଟ ଆୟ 300.52 କୋଟି ହୋଇଛି ।

ସନ୍ଦୀପ ରେଡ୍ଡୀ ୱଙ୍ଗାଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ଆନିମଲ୍'କୁ ଦର୍ଶକମାନେ ଦୀର୍ଘ ସମୟ ଧରି ଅପେକ୍ଷା କରିଥିଲେ। ଫିଲ୍ମରେ ରଣବୀର କପୁରଙ୍କ ଭୟଙ୍କର ରୂପ ଦେଖିବା ପାଇଁ ମିଳୁଛି । ଯାହା ପ୍ରଶଂସକଙ୍କୁ ବେଶ୍ ପସନ୍ଦ ଆସୁଛି । ଟ୍ରେଲର ରିଲିଜ୍ ହେବା ପରଠାରୁ ହିଁ ସିନେପ୍ରେମୀ ଏହି ଚଳଚ୍ଚିତ୍ରକୁ ଉତ୍ସାହର ସହ ଅପେକ୍ଷା କରିଥିଲେ । ସିନେମାର କ୍ରେଜ୍ ଏତେ ଅଧିକ ଥିଲା ଯେ ପ୍ରଥମ ଦିନରେ ହିଁ ଏହି ଫିଲ୍ମ 63.8 କୋଟି ଟଙ୍କାର ଓପନିଂ କରିଥିଲା ।

View this post on Instagram

A post shared by Animal The Film (@animalthefilm)

'ଆନିମଲ୍ 'ରେ ଏକ ପିତା ଏବଂ ପୁଅର ସୁନ୍ଦର କାହାଣୀ ଦେଖିବା ପାଇଁ ମିଳୁଛି । ଏହି ଫିଲ୍ମରେ ରଣବୀର କପୁର ମୁଖ୍ୟ ଭୂମିକାରେ ନଜର ଆସିଥିବାବେଳେ ଅନିଲ କପୁର ତାଙ୍କ ପିତାଙ୍କ ଭୂମିକାରେ ଅଭିନୟ କରିଛନ୍ତି। ଏହା ବ୍ୟତୀତ ରଶ୍ମିକା ମନ୍ଦାନା, ବବି ଦେଓଲ ମଧ୍ୟ ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସୁଛନ୍ତି ।

English summary

Animal Box Office Collection Day 6.