ବିଗ୍ ବି @80: ଭଏସ ଆର୍ଟିଷ୍ଟରୁ ସଫଳ ଅଭିନେତା

80 ବର୍ଷରେ ପଦାର୍ପଣ କଲେ ବଲିଉଡର କିମ୍ବଦନ୍ତୀ ଅଭିନେତା ଅମିତାଭ ବଚ୍ଚନ । ସେ ପ୍ରୟାଗରାଜରେ 1942 ମସିହା ଅକ୍ଟୋବର ମାସ 11 ତାରିଖ ଜନ୍ମ ଗ୍ରହଣ କରିଥିଲେ ।

ମୁମ୍ବାଇ: 80 ବର୍ଷରେ ପଦାର୍ପଣ କଲେ ବଲିଉଡର କିମ୍ବଦନ୍ତୀ ଅଭିନେତା ଅମିତାଭ ବଚ୍ଚନ । ସେ ପ୍ରୟାଗରାଜରେ 1942 ମସିହା ଅକ୍ଟୋବର ମାସ 11 ତାରିଖ ଜନ୍ମ ଗ୍ରହଣ କରିଥିଲେ । ତାଙ୍କ ଜନ୍ମଦିନରେ ଅନେକ ଆଡୁ ଶୁଭେଚ୍ଛା ସୁଅ ଛୁଟୁଛି ।

ନିଜର ଭିନ୍ନ କଣ୍ଠସ୍ବର ପାଇଁ ଅନେକ ସ୍ଥାନରୁ ରିଜେକ୍ସନ ପାଇବା ପରେ ସେ ଏହାକୁ ଚ୍ୟାଲେଞ୍ଜ ଭାବେ ନେଇଥିଲେ । ଏହାପରେ ପ୍ରଥମେ ଭଏସ ଆର୍ଟିଷ୍ଟ ଭାବେ ଇଣ୍ଡଷ୍ଟ୍ରୀରେ ଏଣ୍ଟ୍ରି କରିଥିଲେ । ହେଲେ ଧିରେ ଧିରେ କଳା ଦୁନିଆରେ ନିଜକୁ ହଜାଇ ଦେଇଥିଲେ । ଆଉ ଦର୍ଶକଙ୍କୁ ଗୋଟିଏ ପରେ ଗୋଟିଏ ନୂଆ ଚଳଚ୍ଚିତ୍ର ଭେଟି ଦେଇ ଆସିଥିଲେ । ବଚ୍ଚନ ସାହବ ପ୍ରାୟ 50 ବର୍ଷ ଧରି ବଲିଉଡ୍‌ରେ ନିଜ ଜଲୱା ଦେଖାଇଛନ୍ତି । ଏହି ମହାନାୟକ 1969 ମସିହାରେ 'ସାତ୍‍ ହିନ୍ଦୁସ୍ଥାନୀ' ମାଧ୍ୟମରେ ବଲିଉଡର ଚଳଚ୍ଚିତ୍ର ଦନିଆରେ ଡେବ୍ୟୁ କରିଥିଲେ ।

ଆଉ ସେହି ଦିନ ଠାରୁ କେବେ ପଛକୁ ଫେରି ଚାହିଁ ନାହାଁନ୍ତି ସେ । ଏହି ଚଳଚ୍ଚିତ୍ର ପରେ ସେ ଜଞ୍ଜୀର,ଆନନ୍ଦ, ନମକ୍ ହଲାଲ୍, ଦିୱାର, ସୋଲେ ଆଣ୍ଟୋନୀ, କୁଲି, ଡନ୍ , ଆଦି ଫିଲ୍ମରେ ନିଜର ଅଭିନୟର ଯାଦୁ ଦେଖାଇ ଦର୍ଶକଙ୍କ ମନ ଜିଣି ପାରିଥିଲେ । ଏହାପରେ ଅଗ୍ନିପଥ, ମହୋବତେଁ, ବ୍ଲାକ୍, ପା, ପିକୁ ,ପିଙ୍କ, ବଦଲା , ଭୁତନାଥ, ବ୍ରହ୍ମାସ୍ତ୍ର ଭଳି ଅନେକ ଭଳି ଅନେକ ବ୍ଲକ୍ ବଷ୍ଟର ଫିଲ୍ମରେ ଅଭିନୟ କରିଛନ୍ତି ବିଗ୍ ବି ।

ଖାଲି ଫିଲ୍ମ ନୁହେଁ ଟେଲିଭିଜନ୍, ବିଜ୍ଞାପନ ଇଣ୍ଟଷ୍ଟ୍ରିରେ ବି ସେ ବେଶ ସକ୍ରିୟ । ବଲିଉଡର ଏହି ସୁପର ହିଟ୍ କଳାକାରଙ୍କୁ ପଦ୍ମଶ୍ରୀ, ପଦ୍ମ ବିଭୁଷଣ ଏବଂ ପଦ୍ମ ଭୂଷଣରେ ସମ୍ମାନ କରାଯାଇଛି । ନିକଟରେ ଦାଦା ସାହେବ ଫାଲକେ ପୁରସ୍କାର ପାଇଁ ସେ ମନୋନୀତ ହୋଇଛନ୍ତି ।

English summary

Megastar Amitabh Bachchan turns 80 today and his fans can't be happier. Many of his followers thronged outside Jalsa - his Mumbai residence in an urge of see a glimpse of the superstar.