ଆଲ୍ଲୁ ଅର୍ଜୁନଙ୍କ କ୍ରେଜ୍, ରିଲିଜର ଅଷ୍ଟମ ଦିନରେ ଟ୍ରେଣ୍ତରେ ପୁଷ୍ପା-୨

Pushpa-2: ଆଲ୍ଲୁ ଅର୍ଜୁନ-ରଶ୍ମିକା ମନ୍ଦନାଙ୍କ ଫିଲ୍ମ'ପୁଷ୍ପା ୨' ରିଲିଜ ହେବା ପରେ ସାରା ଦେଶରେ ଚହଳ ସୃଷ୍ଟି କରିଛି । ପୁରା ସପ୍ତାହ ଫିଲ୍ମଟି ବକ୍ସି ଅଫିସରେ ରାଜ କରୁଛି । ଲଗାତାର ଫିଲ୍ମର କ୍ରେଜ୍ ବଢିବା ସହ ସିନେମା ଘରେ ଲୋକଙ୍କ ଭିଡ଼ ବଢିବାରେ ଲାଗିଛି ।ରିଲିଜ୍ ହେବାର ସାତ ଦିନ ହୋଇ ଗଲାଣି ହେଲେ ଏବେ କମୁନି ପୁଷ୍ପା-୨ର ଫିବର୍ । ଏହି ଚଳଚ୍ଚିତ୍ରଟି ଗୋଟିଏ ପରେ ଗୋଟିଏ ଭାରତୀୟ ଚଳଚ୍ଚିତ୍ରର ରେକର୍ଡ ଭାଙ୍ଗିବାରେ ଲାଗିଛି ।

ରିପୋର୍ଟ ଅନୁସାରେ ଆଜି ଅପରାହ୍ନ ୪ଟା ପର୍ଯ୍ୟନ୍ତ ଆଲୁ ଅର୍ଜୁନଙ୍କ ଫିଲ୍ମ ପ୍ରାୟ ୭୦୦ କୋଟିରୁ ଅଧିକ ଆୟ କରି ସାରିଥିଲା । ଆପଣଙ୍କୁ ଜଣାଇବା ପାଇଁ ଚାହିଁବୁ ଫିଲ୍ମଟି ରିଲିଜ୍ ହେବା ପୂର୍ବରୁ ହିଁ ୧୦.୬୫ କୋଟି ଟଙ୍କାର ବ୍ୟବସାୟ କରି ସାରିଥିଲା । ତେବେ ଆଜି ଅଷ୍ଟମ ଦିନ ଶେଷ ହେବା ପରେ ଫିଲ୍ମର ଆୟରେ ପରିବର୍ତ୍ତନ ଦେଖିବା ପାଇଁ ମିଳିବ ।

ପୁଷ୍ପା-୨ ରିଲିଜର ଅଷ୍ଟମ ଦିନରେ ବକ୍ସ ଅଫିସରେ ପ୍ରାୟ ୭୦୦ କୋଟିରୁ ଅଧିକ ଆୟ କରି ସାରିଲାଣି । ଏହା କେବଳ ଅଧା ଦିନର ରିପୋର୍ଟ । RRR ଏବଂ KGF 2, ଯାହା ରିଲିଜ୍ ହେବାର ୧୮ ଦିନରେ ୭୦୦ କୋଟି ଟଙ୍କା ମାର୍କ ଅତିକ୍ରମ କରିଥିଲା ​​। ବର୍ତ୍ତମାନ ପୁଷ୍ପା-୨ ଏହି ସଂଖ୍ୟାକୁ ମାତ୍ର ୮ ଦିନରେ ଅତିକ୍ରମ କରିଛି । ଗୁରୁତ୍ୱପୂର୍ଣ୍ଣ କଥା ହେଲା ଯେ ପୁଷ୍ପା-୨ର ବଜେଟ୍ ୫୦୦ କୋଟି ଟଙ୍କା ଥିଲା ।

ଏହି ସିନେମାରେ ଆଲ୍ଲୁ ଅର୍ଜୁନଙ୍କ ଅଭିନୟର ବେଶ ପ୍ରଶଂସା କରାଯାଉଛି । ସେହିପରି ରଶ୍ମିକାଙ୍କ ବୋଲ୍ଡ ଡ୍ୟାନ୍ସ ଏବଂ ଦେଶୀ ଷ୍ଚାଇଲ୍ ସିନେମାରେ ଚାରଚାନ୍ଦ ଲଗାଇଛି । ଏବେ ଦେଖିବା ବାକି ରହିଲା ସପ୍ତାହ ଶେଷ ଅର୍ଥାତ୍ ୱିକେଣ୍ତରେ କିପରି ରହିବ ଏହି ଫିଲ୍ମର କ୍ରେଜ୍ ।