୬ ବର୍ଷ ବୟସରେ ସିନେମା ଜଗତରେ ପାଦ ଦେବା ପାଇଁ ଯାଉଛନ୍ତି ଆଲ୍ଲୁ ଅର୍ଜୁନଙ୍କ ଝିଅ

Updated: Thursday, January 5, 2023, 18:43 [IST]

ହାଇଦ୍ରାବାଦ: ଖୁବ ଶୀଘ୍ର ସିନେମା ଜଗତରେ ପାଦ ରଖିବା ପାଇଁ ଯାଉଛନ୍ତି ସାଉଥ୍ ସୁପରଷ୍ଟାର ଆଲ୍ଲୁ ଅର୍ଜୁନଙ୍କ ଝିଅ ଆରହା । ବୟସ ମାତ୍ର ୬ ବର୍ଷ ହେଲେ ସୋସିଆଲ ମିଡିଆରେ ଫ୍ୟାନ୍ ଫଲୋଇଙ୍ଗରେ ନାହିଁ କମି । ପିତାଙ୍କ ପରି ସେ ହଜାର ହଜାର ଲୋକଙ୍କ ମନରେ କରନ୍ତି ରାଜ ।

ସୂଚନା ଅନୁସାରେ, ସାଉଥ ଅଭିନେତ୍ରୀ ସମନ୍ଥା ରୁଥ୍ ପ୍ରଭୁଙ୍କ ସହ ସ୍କ୍ରିନ୍ ସେୟାର କରିବେ ଆରହା । ଆଗାମୀ ସାଉଥ ଫିଲ୍ମ 'ଶକୁନ୍ତଲମ୍'ରେ ଡେବ୍ୟୁ କରିବେ ଆରହା । ଏହି ଖବର ପ୍ରକାଶ ପାଇବା ପରେ ଫ୍ୟାନ୍ସଙ୍କର ଉତ୍ସାହ ମଧ୍ୟ ବେଶ୍ ଅଧିକ ବଢିଯାଇଛି ।

ନିକଟରେ ଏକ ସାକ୍ଷାତକାରରେ ଆଲ୍ଲୁ ଅର୍ଜୁନ କହିଥିଲେ ଝିଅ ଆରହା ଏବେ ଖୁବ ଛୋଟ ଅଛନ୍ତି । ସେ ପ୍ରଥମେ ନିଜ ପାଠ ପଢା ସାରବା ପରେ ହିଁ ସିନେମା ଜଗତରେ ପାଦ ରଖିବେ । ହେଲେ ଏବେ ଅଭିନେତାଙ୍କର କଥା ମିଥ୍ୟା ପ୍ରମାଣିତ ହେବା ପାଇଁ ଯାଉଛି । ସୂଚନାଥାଉ ଯେ, ୨୦୧୬ ନଭେମ୍ବର ୨୧ରେ ଆରହା ଜନ୍ମ ଗ୍ରହଣ କରିଥିଲେ ।