ମାଆ ହେଲେ ଆଲିଆ ଭଟ୍ଟ, ପରିବାରକୁ ସ୍ବାଗତ କଲେ ବେବି ଗର୍ଲ
ମାଆ ହେଲେ ବଲିଉଡ ଅଭିନେତ୍ରୀ ଆଲିଆ ଭଟ୍ଟ। କପୁର ପରିବାରକୁ ସ୍ବାଗତ କଲେ ବେବି ଗର୍ଲ।
ମୁମ୍ବାଇ: ମାଆ ହେଲେ ବଲିଉଡର ଚୁଲବୁଲି ଅଭିନେତ୍ରୀ ଆଲିଆ ଭଟ୍ଟ । କନ୍ୟା ସନ୍ତାନକୁ କପୁର ପରିବାରକୁ ୱେଲକମ କରାଯାଇଛି । ଖବର ପ୍ରଚାର ହେବା ପରେ ଆଲିଆ ଭଟ୍ଟ ଏବଂ ରଣବୀର କପୁରଙ୍କ ଫ୍ୟାନ୍ସଙ୍କ ସହିତ ବଲିଉଡ ଷ୍ଟାର ଶୁଭେଚ୍ଛା ଜଣାଉଥବା ଦେଖାଯାଉଛି । ତେବେ ବର୍ତ୍ତମାନ ସୁଦ୍ଧା ଏହି ସେଲିବ୍ରେଟୀ ଦମ୍ପତି ଖୁସି ଖବର ନିଜେ ପ୍ରକାଶ କରି ନାହାଁନ୍ତି ।
ଆଜି ସକାଳ 8.30 ମିନିଟରେ ଅଭିନେତ୍ରୀ ଆଲିଆ ଭଟ୍ଟ ମୁମ୍ବାଇର ଅମ୍ବାନୀ ହସ୍ପିଟାଲରେ ନଜର ଆସିଥିଲେ । ବର୍ତ୍ତମାନ ଆଲିଆ ଭଟ୍ଟ ଏବଂ ନବଜାତକ ସୁସ୍ଥ ଥିବା ନେଇ ମିଡିଆ ରିପୋର୍ଟରୁ ଜଣାପଡିଛି ।
ଅନ୍ୟପଟେ କପୁର ଏବଂ ଭଟ୍ଟ ପରିବାରରେ କନ୍ୟା ସନ୍ତାନ ନେଇ ଖୁସିର ଲହରୀ ଖେଳିଯାଇଛି । ବେଲି ଗର୍ଲକୁ ଦେଖିବା ପାଇଁ ଉତ୍ସାହିତ ଅଛନ୍ତି ଉଭୟ ପରିବାର । ଚଳିତ ବର୍ଷ ଏହି ପରିବାର ପାଇଁ ସେଲିବ୍ରେସନର ବର୍ଷ । ପ୍ରଥମେ ବିବାହ ଏହାପରେ ବର୍ତ୍ତମାନ ପ୍ରଥମ ସନ୍ତାନର ଖୁସି ମନାଇବେ ରଣବୀର କପୁର ଏବଂ ପରିବାର। ଚଳିତ ମାସ ଏପ୍ରିଲ ମାସରେ ବିବାହ ବନ୍ଧନରେ ବାନ୍ଧି ହୋଇଥିଲେ ଏହି ଲଭ ବର୍ଡ । ଜୁନରେ ଗର୍ଭବତୀ ଥିବା ନେଇ ଘୋଷଣା କରିଥିଲେ । ଆଉ ଆଜି ଉଭୟ ପ୍ରଥମ ଥର ପାଇଁ ମାତାପିତା ହୋଇଛନ୍ତି।
Click it and Unblock the Notifications
Sign in with Google