ରିଲିଜ୍ ହେଲା 'ଭୋଲା'ର ଟିଜର-୨, ଅଜୟ ଦେବଗନଙ୍କ ଲୁକ୍ କରୁଛି ମତୁଆଲା

ମୁମ୍ବାଇ: ହିନ୍ଦୀ ସିନେମାର ସୁପରଷ୍ଟାର ଅଜୟ ଦେବଗନ୍ ତାଙ୍କର ଆଗାମୀ ଚଳଚ୍ଚିତ୍ର 'ଭୋଲା'ପାଇଁ କିଛି ଦିନ ହେଲା ଲାଇମଲାଇଟରେ ଅଛନ୍ତି । 'ଦୃଶ୍ୟୟମ୍ ୨'ର ସଫଳତା ପରେ ଏବେ ଅଜୟଙ୍କ ଆସନ୍ତା ଚଳଚ୍ଚିତ୍ର 'ଭୋଲା'ଅଛି ଚର୍ଚ୍ଚାରେ । ନିକଟରେ ମେକର୍ସ ଏହି ଫିଲ୍ମର ଟିଜର୍-୨ ରିଲିଜ୍ ହେବା ବିଷୟରେ ସୂଚନା ଦେଇଥିଲେ । ଆଜି ଅର୍ଥାତ୍ ମଙ୍ଗଳବାର ଦିନ ଏହି ଫିଲ୍ମର ଟିଜର-୨ ରିଲିଜ୍ ହୋଇଯାଇଛି । ଅଜୟଙ୍କ ଫିଲ୍ମର ଏହି ଟିଜର ଦେଖି ପରେ ଆପଣଙ୍କର ଫିଲ୍ମ ପ୍ରତି ଉତ୍ସାହ ନିଶ୍ଚିତ ଭାବରେ ବଢିଯିବ ।

ଗତବର୍ଷ ନଭେମ୍ବର ୨୨ରେ ଚଳଚ୍ଚିତ୍ର 'ଭୋଲା'ର ଟିଜର ମୁକ୍ତିଲାଭ କରିଥିଲା । ଟିଜର ଦେଖିବା ପରେ ଦର୍ଶକ ଉତ୍ସାହର ସହ ଅଜୟଙ୍କ ଫିଲ୍ମ ରିଲିଜ୍ ତାରିଖକୁ ଅପକ୍ଷା କରିଛନ୍ତି । ଟିଜରରେ ଅଜୟଙ୍କ ସୁନ୍ଦର ଅଭିନୟ ସମସ୍ତଙ୍କୁ ଆକୃଷ୍ଠ କରିଥିଲା । ବର୍ତ୍ତମାନ ପ୍ରଶଂସକଙ୍କ ଚାହିଦା ଅନୁଯାୟୀ ଫିଲ୍ମ'ଭୋଲା'ର ଦ୍ୱିତୀୟ ଲାଟେଷ୍ଟ ଟିଜର ମଙ୍ଗଳବାର ମୁକ୍ତିଲାଭ କରିଛି। ଅଜୟ ଦେବଗାନ୍ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ହ୍ୟାଣ୍ଡେଲରେ ମଧ୍ୟ ଏହି ଟିଜର ସେୟାର କରିଛନ୍ତି । ଏହି ଟିଜର ରିଲିଜ୍ ହେବା ପରଠୁ ଭାଇରାଲ ହେବା ସହ ସାଉଁଟୁଛି ଫ୍ୟାନ୍ସଙ୍କ ପ୍ରଶଂସା ।

ଅଭିନେତା ଅଜୟ ଦେବଗନଙ୍କ ଲୁକ୍ ଦର୍ଶକଙ୍କୁ ମତୁଆଲ କରୁଥିବା ବେଳେ ଅଭିନେତ୍ରୀ ତବୁଙ୍କର ପୋଲିସ ଲୁକ୍ ଏବଂ ତାଙ୍କ ଅଭିନୟର ମଧ୍ୟ ବେଶ୍ ପ୍ରଶଂସା କରାଯାଉଛି । ଭୋଲା'ର ଦ୍ୱିତୀୟ ଟିଜର ବହୁତ ଭଲ ଏବଂ ଆଶ୍ଚର୍ଯ୍ୟଜନକ । ଯାହା ଏହି ଚଳଚ୍ଚିତ୍ର ପାଇଁ ପ୍ରଶଂସକଙ୍କ ଉତ୍ସାହ ବଢାଇଦେଇଛି ।

କେବେ ରିଲିଜ୍ ହେବ ଫିଲ୍ମ 'ଭୋଲା'

'ଭୋଲା'ର ଏହି ଟିଜର ଦେଖିବା ପରେ ଏବେ ସମସ୍ତେ ସିନେମାର ରିଲିଜ୍ ତାରିଖକୁ ଉତ୍ସାହର ସହ ଅପେକ୍ଷା କରିଛନ୍ତି । ତେବେ ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ମାର୍ଚ୍ଚ ୩୦ରେ ଅଜୟ ଦେବଗନ୍ ଏବଂ ତବୁଙ୍କ ଅଭିନୀତ ଚଳଚ୍ଚିତ୍ର 'ଭୋଲା' ପ୍ରେକ୍ଷାଳୟରେ ମୁକ୍ତିଲାଭ କରିବ ବୋଲି । ବିଶେଷ କଥା ହେଉଛି ଅଭିନେତା ବ୍ୟତୀତ ଅଜୟ ମଧ୍ୟ ଏହି ଚଳଚ୍ଚିତ୍ରରେ ନିର୍ଦ୍ଦେଶକ ଭାବରେ ମଧ୍ୟରେ କାର୍ଯ୍ୟ କରିଛନ୍ତି। ଅଜୟ ଦେବଗନଙ୍କ 'ଭୋଲା' ସାଉଥ ସିନେମାର ସୁପରହିଟ୍ ଫିଲ୍ମ 'Kaithi'ର ରିମେକ୍ ।

English summary

Ajay Devgn's film Bholaa Teaser 2 Released