ଦର୍ଶକଙ୍କ ମନ ଜିଣୁଛି 'ଭୋଲା'ର ଟ୍ରେଲର, ଏହି ତାରିଖରେ ରିଲିଜ ହେବ ସିନେମା

'ଭୋଲା'ର ଦମଦାର ଟ୍ରେଲର ରିଲିଜ୍ ହୋଇଯାଇଛି । ଏହି ଫିଲ୍ମକୁ ନେଇ ଦୀର୍ଘ ଦିନ ହେବ ଚର୍ଚ୍ଚା ଲାଗି ରହିଛି । ପୂର୍ବରୁ ଏହା ଟିଜର ରିଲିଜ୍ ହୋଇଥିଲା ଯାହାକୁ ଦର୍ଶକଙ୍କର ବେଶ୍ ଭଲ ପାଇବା ମିଳିଥିଲା । ଅଜୟଙ୍କ ଲୁକ୍, ତାଙ୍କ ଅଭିନୟ ଜଣିଥିଲା ଦର୍ଶକଙ୍କ ମନ ।

Updated: Monday, March 6, 2023, 17:47 [IST]

ମୁମ୍ବାଇ: ଅଭିନେତା ଅଜୟ ଦେବଗନଙ୍କ ଫିଲ୍ମ 'ଭୋଲା'ର ଦମଦାର ଟ୍ରେଲର ରିଲିଜ୍ ହୋଇଯାଇଛି । ଏହି ଫିଲ୍ମକୁ ନେଇ ଦୀର୍ଘ ଦିନ ହେବ ଚର୍ଚ୍ଚା ଲାଗି ରହିଛି । ପୂର୍ବରୁ ଏହା ଟିଜର ରିଲିଜ୍ ହୋଇଥିଲା ଯାହାକୁ ଦର୍ଶକଙ୍କର ବେଶ୍ ଭଲ ପାଇବା ମିଳିଥିଲା । ଅଜୟଙ୍କ ଲୁକ୍, ତାଙ୍କ ଅଭିନୟ ଜଣିଥିଲା ଦର୍ଶକଙ୍କ ମନ । ସେହିପରି ଟ୍ରେଲର ରିଲିଜ୍ ହେବା ପରେ ନିଜ ଅଭିନୟରେ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛନ୍ତି ଅଭିନେତା । ସେହିପରି ସିନେମାରେ ନେଗେଟିଭ୍ ରୋଲରେ ନଜର ଆସିବେ ଦୀପକ ଡୋବ୍ରିଆଲ ଯିଏ ନିଜ କ୍ୟାରେକ୍ଟରୁକୁ ନେଇ ଖୋଲାଖୋଲି ଭାବେ ଆଲୋଚନ କରିଛନ୍ତି ।

ଅଜୟ ଦେବଗନ ଷ୍ଟାରର ସିନେମା 'ଭୋଲା'ର ଦମଦାର ଟ୍ରେଲର ସୋମବାର ମୁମ୍ବାଇର ଆଇଏମଏକ୍ସ ସିନେମାରେ 3D ରେ ମୁକ୍ତିଲାଭ କରିଛି । ଏହି ଅବସରରେ ଭୋଲାର ଷ୍ଟାର କାଷ୍ଟ ଅଜୟ ଦେବଗନ, ତବୁ, ଦୀପକ ଡୋବ୍ରିଆଲ, ଭିନିତ କୁମାର ଏବଂ ଟି-ସିରିଜ ନିର୍ମାତା ଭୂଷଣ କୁମାର ମଧ୍ୟ ଉପସ୍ଥିତ ଥିଲେ।

ଟ୍ରେଲର ରିଲିଜ୍ କାର୍ଯ୍ୟକ୍ରମରେ ଦୀପକଙ୍କୁ ତାଙ୍କ ନେଗେଟିଭ୍ କ୍ୟାରେକ୍ଟର ବିଷୟରେ ପ୍ରଶ୍ନ କରାଯାଇଥିଲା । ଯାହାକୁ ନେଇ ଅଭିନେତା କହିଛନ୍ତି, 'ପ୍ରାୟତଃ ଦର୍ଶକ ମାନେ ମୋତେ କମେଡି ଭୂମିକାରେ ଦେଖୁଥିବେ କିନ୍ତୁ ଏହା ମୋ ପାଇଁ ସମ୍ପୂର୍ଣ୍ଣ ନୂଆ, ଯାହାର ଶ୍ରେୟ ସ୍ପଷ୍ଟ ଭାବରେ ଅଜୟ ଦେବଗନଙ୍କୁ ଯାଉଛି । ଅଜୟ ଦେବଗନଙ୍କ ପାଇଁ ମୁଁ ଏହି ଭୂମିକାରେ ଅଭିନୟ କରିପାରିଛି ।'

ଅଜୟ ଦେବଗାନଙ୍କ ପ୍ରସିଦ୍ଧ ଚଳଚ୍ଚିତ୍ର 'ଭୋଲା'ର ଟ୍ରେଲର ରିଲିଜ୍ ହେବା ମାତ୍ରେ ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ ଦର୍ଶକଙ୍କ ଲାଇକ ଓ କମେଣ୍ଟ ହିଁ ଫିଲ୍ମ ପ୍ରତି ତାଙ୍କ ଉତ୍ସାହ ବଖାଣୁଛି । ତେବେ ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଚଳଚ୍ଚିତ୍ର 'ଭୋଲା' ଚଳିତ ମାସ ୩୦ରେ ପ୍ରେକ୍ଷାଳୟରେ ମୁକ୍ତିଲାଭ କରିବା ପାଇଁ ଯାଉଛି । ଅଭିନେତା ଅଜୟ ଦେବଗନ ନିଜେ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ।