ଟିକସ୍ ନ ଦେଇ ଚର୍ଚ୍ଚାରେ ଐଶ୍ୱର୍ଯ୍ୟା ରାୟ ବଚ୍ଚନ, ଘରେ ପହଞ୍ଚିଲା ନୋଟିସ୍
ଟିକସ୍ ନ ଦେଇ ଚର୍ଚ୍ଚାରେ ଐଶ୍ୱର୍ଯ୍ୟା ରାୟ ବଚ୍ଚନ, ଘରେ ପହଞ୍ଚିଲା ନୋଟିସ୍
ମୁମ୍ବାଇ: ବଲିଉଡର ପ୍ରସିଦ୍ଧ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ । ନିଜ ଚମତ୍କାର ଅଭିନୟ ଏବଂ ସୌନ୍ଦର୍ଯ୍ୟ ପାଇଁ ସେ ଲାଇମଲାଇଟରେ ରହିଥାନ୍ତି । ହେଲେ ବର୍ତ୍ତମାନ ଟିକସ ନ ଦେଇ ଚର୍ଚ୍ଚାରେ ଅଭିନେତ୍ରୀ । ସୂଚନା ଅନୁସାରେ, ଐଶ୍ୱର୍ଯ୍ୟା ଜମି ଟିକସ୍ ବକେୟା ରଖିଥିବା କାରଣରୁ ନାସିକ ତସଲିଦାରଙ୍କ ତରଫରୁ ଅଭିନେତ୍ରୀଙ୍କ ଘରକୁ ଏକ ନୋଟିସ୍ ପଠାଯାଇଛି ।
ମିଳିଥିବା ସୂଚନା ଅନୁଯାୟୀ, ସିନ୍ନର (ନାଶିକ) ତହସିଲଦାରଙ୍କ ତରଫରୁ ବଲିଉଡ ଚଳଚ୍ଚିତ୍ର ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନଙ୍କୁ ନୋଟିସ ପଠାଯାଇଛି। ବାସ୍ତବରେ, ନାଶିକର ସିନ୍ନରର ଆୱାଡି ଅଞ୍ଚଳରେ ଐଶ୍ୱର୍ଯ୍ୟା ରାୟ ବଚ୍ଚନଙ୍କର ୧ ହେକ୍ଟର ଜମି ଅଛି । ଏହି ଜମି ଉପରେ ପ୍ରାୟ ଏକ ବର୍ଷ ହେବ ୨୧,୯୬୦ ଟଙ୍କାର ଟିକସ ବକେୟା ରହିଛି । ଏହି ବକୟା ରାଶିକୁ ପୈଠ କରିବା ପାଇଁ ତହସିଲଦାରଙ୍କ ତରଫରୁ ଜାନୁଆରୀ ୯ରେ ଐଶ୍ୱର୍ଯ୍ୟାଙ୍କୁ ଏକ ନୋଟିସ ପଠାଯାଇଛି । ହେଲେ ବର୍ତ୍ତମାନ ପର୍ଯ୍ୟନ୍ତ ଅଭିନେତ୍ରୀଙ୍କ ପାଖରେ ଏହି ନୋଟିସ୍ ପହଁଚି ପାରିଛି କି ନାହିଁ ତାହା ସ୍ପଷ୍ଟ ହୋଇ ପାରି ନାହିଁ ।
ସୂଚନାନୁସାରେ, ଆଡୱାଡି ପାହାଡ ଅଞ୍ଚଳରେ ଐଶ୍ୱର୍ଯ୍ୟା ରାୟଙ୍କର ପ୍ରାୟ ଏକ ହେକ୍ଟର ଜମି ରହିଛି । ୧୨ ମାସ ହେଲା ବକେୟା ଟ୍ୟାକ୍ସ ବିଷୟରେ ଅଭିନେତ୍ରୀଙ୍କଠାରୁ କୌଣସି ପ୍ରତିକ୍ରିୟା ଆସିନାହିଁ । ତେବେ ଯଦି ବକେୟା ଟିକସ ଦେବାରେ ବିଳମ୍ବ କରନ୍ତି ତେବେ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ନାସିକ ତହସିଲଦାନ କହିଛନ୍ତି । ଐଶ୍ୱର୍ଯ୍ୟାଙ୍କ ସମେତ ଅନ୍ୟ ୧୨୦୦ ଜଣ ସମ୍ପତ୍ତି ମାଲିକଙ୍କୁ ମଧ୍ୟ ନୋଟିସ୍ ପଠାଯାଇଛି ।
Click it and Unblock the Notifications
Sign in with Google