'ପଠାନ'କୁ ବିରୋଧ, ରିଲିଜ୍ ହେଲେ ଆନ୍ଦୋଳନ ତୀବ୍ର ହେବାର ଚେତାବନି, ସପିଂ ମଲରେ ଭଙ୍ଗାରୁଜା

Updated: Thursday, January 5, 2023, 15:38 [IST]

Pathaan Controversy: ଫିଲ୍ମ 'ପଠାନ୍'କୁ ନେଇ ତେଜିଲା ବିରୋଧ, ଫିଲ୍ମ ରିଲିଜ୍ ହେଲେ ଆନ୍ଦୋଳନ ତୀବ୍ର ହେବାର ଦାବି
ମୁମ୍ବାଇ: ବିଶ୍ୱ ହିନ୍ଦୁ ପରିଷଦ ଏବଂ ବଜରଙ୍ଗ ଦଳର କାର୍ଯ୍ୟକର୍ତ୍ତାମାନେ ବୁଧବାର ଦିନ ଅହମ୍ମଦାବାଦର ଭସ୍ତ୍ରାପୁର ଅଞ୍ଚଳର ଆଲଫା ୱାନ ମଲରେ ଫିଲ୍ମ ପଠାନକୁ ବିରୋଧ କରି କରିଛନ୍ତି । ଯେଉଁଥିରେ ସେ ଶାହାରୁଖ ଖାନ ଏବଂ ଫିଲ୍ମର ଅନ୍ୟ ଷ୍ଟାର କାଷ୍ଟଙ୍କ ଫୋଟକୁ ନଷ୍ଟ କରୁଥିବାର ଦେଖିବା ପାଇଁ ମିଳିଥିଲା । ଏହା ସହିତ ସେମାନେ ଚେତାବନି ଦେଇଛନ୍ତି ଯେ, ଯଦି ଏହି ଚଳଚ୍ଚିତ୍ର ରିଲିଜ ହୁଏ ତେବେ ଅଧିକ ତୀବ୍ର ଆନ୍ଦୋଳନ କରାଯିବ ।

ଉତ୍ତେଜନା ସମୟରେ ମଲ୍‌ରେ ଅନ୍ୟ ଲୋକମାନେ ମଧ୍ୟ ଉପସ୍ଥିତ ଥିଲେ । ଏହି ଦୃଶ୍ୟ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଭିଡିଓ ଆଧାରରେ ପୋଲିସ ବର୍ତ୍ତମାନ ଘଟଣାର ତଦନ୍ତ କରୁଛି । ଚଳଚ୍ଚିତ୍ର ପଠାନକୁ ନେଇ ଦେଶର ଅନେକ ସ୍ଥାନରେ ବିରୋଧ ପ୍ରଦର୍ଶନ କରାଯାଉଛି । ଏହାପୂର୍ବରୁ ଉତ୍ତରପ୍ରଦେଶ, ବିହାର, ମଧ୍ୟପ୍ରଦେଶ ସମେତ ଅନେକ ରାଜ୍ୟରେ ଏହି ଫିଲ୍ମକୁ ବିରୋଧ କରୁଥିବାର ଦେଖିବା ପାଇଁ ମିଳିଥିଲା ।

ଗତ ମାସରେ ମଧ୍ୟପ୍ରଦେଶର ଇନ୍ଦୋରରେ ଚଳଚ୍ଚିତ୍ର 'ପଠାନ' ଗୀତ 'ବେଶରମ ରଙ୍ଗ' ବିରୋଧରେ ଏକ ହିନ୍ଦୁ ସଂଗଠନର କାର୍ଯ୍ୟକର୍ତ୍ତା ବିରୋଧ କରିଥିବାର ଦେଖିବା ପାଇଁ ମିଳିଥିଲା । 'ଆପତ୍ତିଜନକ ଦୃଶ୍ୟ' ଏବଂ ଗେରୁଆ ବିକିନିକୁ ବିରୋଧ କରାଯାଇଥିଲା ଏବଂ ଫିଲ୍ମକୁ
ବ୍ୟାନ୍ କରିବା ପାଇଁ ଡିମାଣ୍ତ କରାଯାଇଥିଲା । ମନ୍ତ୍ରୀ ନରୋତ୍ତମ ମିଶ୍ର ଦାବି କରିବା ପରେ ଏହି ବିରୋଧ କରାଯାଇଥିଲା ।

ଚଳଚ୍ଚିତ୍ରର ଦୁଇଟି ଗୀତ ରିଲିଜ୍ ହୋଇଛି 'ବେଶରମ ରଙ୍ଗ' ଗୀତ ନିକଟରେ ମୁକ୍ତିଲାଭ କରିଥିଲା। ଏହି ଗୀତକୁ ନେଇ ଅନେକ ବିବାଦ ଦେଖିବା ପାଇଁ ମିଳିଥିଲା । ଏବଂ ଫିଲ୍ମରୁ ଏହି ଦୃଶ୍ୟ ହଟାଇବା ପାଇଁ ଦାବି କରାଯାଇଥିଲା । ସୋସିଆଲ ମିଡିଆରେ ଫିଲ୍ମ ବୟକଟ୍ ପଠାନ ମଧ୍ୟ ଟ୍ରେଣ୍ତ କରିଥିଲା । ଅନେକ ଲୋକ ଏହି ଫିଲ୍ମକୁ ସପୋର୍ଟ ମଧ୍ୟ କରିଥିଲେ । ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ର ଦୀପିକା ପାଦୁକୋଣଙ୍କ ପୋଷାକର ରଙ୍ଗକୁ ପରିବର୍ତ୍ତନ କରିବା ପାଇଁ ଏବଂ ଫିଲ୍ମର କିଛି ଦୃଶ୍ୟକୁ କାଟିବା ପାଇଁ ମଧ୍ୟ ଦାବି କରିଥିଲେ । ସେ କହିଛନ୍ତି ଯେ, ଯଦି ଗୀତର କିଛି ଦୃଶ୍ୟ ସଂଶୋଧନ କରା ନ ଯାଏ ତେବେ ରାଜ୍ୟରେ ଫିଲ୍ମର ସ୍କ୍ରିନିଂ କରାଯିବା ନାହିଁ ବା ବ୍ୟାନ୍ କରାଯିବ । ଏହି ଫିଲ୍ମକୁ ନେଇ ଅନ୍ୟ ରାଜ୍ୟରେ ମଧ୍ୟ ବିରୋଧ ପ୍ରଦର୍ଶନ କରାଯାଇଛି । ଚଳିତ ବର୍ଷ ଅର୍ଥାତ୍ ଜାନୁଆରୀ ୨୫ରେ ଏହି ଫିଲ୍ମଟି ରିଲିଜ୍ ହେବା ପାଇଁ ଯାଉଛି ।