ପୁଣି ପ୍ରେମର ପଡିଲେ ଅଭିନେତା ଆମିର ଖାନ, ପରିବାର ସହ ହୋଇସାରିଛି ଦେଖା...

Amir Khan Love Life: ବଲିଉଡ ଅଭିନେତା ଆମିର ଖାନ ତାଙ୍କ ଫିଲ୍ମଠୁ ଅଧିକ ବ୍ୟକ୍ତିଗତ ଜୀବନକୁ ନେଇ ଅଧିକ ଚର୍ଚ୍ଚାରେ ରହିଥାନ୍ତି । ଅଭିନେତାଙ୍କର ଦୁଇଥର ଛାଡପତ୍ର ହୋଇ ସାରିଛି । ଏବେ ଚର୍ତ୍ତା ହେଉଛି ଯେ ତାଙ୍କ ଜୀବନରେ ପୁଣି ଥରେ ପ୍ରେମର ହୋଇଛି ଏଣ୍ଟ୍ରୀ । ରିପୋର୍ଟ ଅନୁସାରେ, ଆମିର ଜଣେ 59 ବର୍ଷୀୟା ମହିଳାଙ୍କ ସହିତ ସମ୍ପର୍କରେ ଅଛନ୍ତି। ଯିଏ ବାଙ୍ଗାଲୋରର ବାସିନ୍ଦା।

ପ୍ରକୃତରେ, ଫିଲ୍ମଫେୟାରର ରିପୋର୍ଟ ଅନୁସାରେ, ବଲିଉଡ ଅଭିନେତା ଆମିର ଖାନ ଜଣେ ରହସ୍ୟମୟ ମହିଳାଙ୍କ ସହିତ ପ୍ରେମ ସମ୍ପର୍କରେ ଅଛନ୍ତି। କେବଳ ଏତିକି ନୁହେଁ, ଏହା ମଧ୍ୟ କୁହାଯାଉଛି ଯେ ଅଭିନେତା ତାଙ୍କ ପରିବାର ସହିତ ସେହି ମହିଳାଙ୍କ ସାକ୍ଷାତ ମଧ୍ୟ କରାଇଛନ୍ତି। ହେଲେ ଏପର୍ଯ୍ୟନ୍ତ ସେମାନଙ୍କ ବିବାହ ସମ୍ପର୍କରେ କୌଣସି ଅପଡେଟ୍ ଆସିନାହିଁ।

ଆମିରଙ୍କ ଏହି ରହସ୍ୟମୟୀ ଝିଅ ମୁମ୍ବାଇର ନୁହେଁ ବରଂ ବେଙ୍ଗାଲୁରୁର। ସୂତ୍ରଟି ସେମାନଙ୍କର ଗୋପନୀୟତା ବଜାୟ ରଖିବା ପାଇଁ ନାମ ପ୍ରକାଶ କରି ନଥିଲା କିନ୍ତୁ ଏହା କୁହାଯାଉଛି ଯେ ଆମିର ମହିଳାଙ୍କୁ ତାଙ୍କ ସମଗ୍ର ପରିବାର ସହିତ ପରିଚିତ କରାଇଥିଲେ ଏବଂ ସେମାନଙ୍କର ସାକ୍ଷାତ ଖୁବ ଭଲ ରହିଛି ।

ଆପଣଙ୍କୁ କହି ରଖୁଛୁ ଯେ ଆମିର ଖାନଙ୍କର ପୂର୍ବରୁ ଦୁଇଥର ଛାଡପତ୍ର ହୋଇସାରିଛି। ଏହି ଅଭିନେତା ୧୯୮୬ ମସିହାରେ ରୀନା ଦତ୍ତଙ୍କୁ ବିବାହ କରିଥିଲେ। ଅଭିନେତାଙ୍କର ତାଙ୍କଠାରୁ ଦୁଇଟି ସନ୍ତାନ ଥିଲେ, ଜୁନୈଦ ଖାନ ଏବଂ ଆୟରା ଖାନ। ୧୬ ବର୍ଷ ଧରି ଏକାଠି ରହିବା ପରେ, ଦୁହେଁ ଛାଡପତ୍ର ନେଇ ଅଲଗା ହୋଇଗଲେ। ତଥାପି, ଉଭୟଙ୍କ ମଧ୍ୟରେ ବନ୍ଧୁତା ଏବେ ବି ରହିଛି । ଏହା ପରେ ଅଭିନେତା କିରଣ ରାଓଙ୍କୁ ବିବାହ କରିଥିଲେ। ଉଭୟଙ୍କର ଆଜାଦ ନାମକ ଏକ ପୁଅ ଅଛି। କିନ୍ତୁ ସେମାନଙ୍କର ମଧ୍ୟ ୨୦୨୧ ମସିହାରେ ଛାଡପତ୍ର ହୋଇଯାଇଛି ହେଲେ ଆଜିବି ଅନେକ ସ୍ଥାନରେ ଏକାଠି ନଜର ଆସନ୍ତି ଆମୀର -କରିଣ ।