ଜବରଦସ୍ତ ଆୟ କରୁଛି ଫିଲ୍ମ 'ଆଦିପୁରୁଷ', ଦେଖନ୍ତୁ କେତେ କୋଟିର କଲାଣି ବ୍ୟବସାୟ

Updated: Sunday, June 18, 2023, 7:48 [IST]

ମୁମ୍ବାଇ: ଦୀର୍ଘ ଦିନର ଅପେକ୍ଷା ପରେ ଓମ୍ ରାଉତଙ୍କ ଫିଲ୍ମ 'ଆଦିପୁରୁଷ'ମୁକ୍ତିଲାଭ କରିଛି । ଫିଲ୍ମଟି ରିଲିଜର ପ୍ରଥମ ଦିନରେ ଜବରଦସ୍ତ ଆୟ କରିଛି । ଗଣମାଧ୍ୟମ ରିପୋର୍ଟ ଅନୁସାରେ, ଚଳଚ୍ଚିତ୍ରଟି ପ୍ରଥମ ଦିନରେ 90 କୋଟି ବ୍ୟବସାୟ କରିଛି । ଏହି ବିଗ୍ ବଜେଟ ଫିଲ୍ମଟି 5 ଟି ଭାଷାରେ ମୁକ୍ତିଲାଭ କରିଥିବା ବେଳେ କେବଳ ହିନ୍ଦୀ ସ୍କ୍ରିନିଂରେ 36-38 କୋଟି ଟଙ୍କାର ଆୟ କରିଛି ।

ପ୍ରଥମ ଦିନରେ ବକ୍ସ ଅଫିସରେ 'ଆଦିପୁରୁଷ'ର ଦବଦବା ଦେଖିବା ପାଇଁ ମିଳୁଛି । ତେବେ କେବଳ ଭାରତରେ ନୁହେଁ ବିଦେଶରେ ମଧ୍ୟ ଏହି ବିଗ୍ ବଜେଟ ଫିଲ୍ମର କ୍ରେଜ୍ ଦେଖିବା ପାଇଁ ମିଳୁଛି । ସେହିପରି ଏହି ଫିଲ୍ମକୁ ନେଇ ଦର୍ଶକଙ୍କର ମିଶ୍ରିତ ପ୍ରତିକ୍ରିୟା ଦେଖିବା ପାଇଁ ମିଳୁଛି ।

ରିଲିଜ୍ ହେବାର ପ୍ରଥମ ଦିନରେ 'ଆଦିପୁରୁଷ'ର ଆୟ

କରୋନା ପରେ ପ୍ରେକ୍ଷାଳୟରେ ମୁକ୍ତିଲାଭ କରିଥିବା ବ୍ଲକବଷ୍ଟର ଚଳଚ୍ଚିତ୍ର 'ପଠାନ୍' ଏବଂ 'କେଜିଏଫ୍ 2' ପରେ ଏହା ତୃତୀୟ ଶ୍ରେଷ୍ଠ ଓପନିଂ ଫିଲ୍ମ ହୋଇପାରିଛି । ଫିଲ୍ମଟି ହିନ୍ଦୀ ସ୍କ୍ରିନିଂରେ 36-38 କୋଟି ଟଙ୍କା ରୋଜଗାର କରିଛି । ତେବେ ଫିଲ୍ମର ପ୍ରଥମ ଦିନର ଆୟ 90 କୋଟି ହିନ୍ଦୀ ବ୍ୟତୀତ ଫିଲ୍ମ 'ଆଦିପୁରୁଷ' ବିଦେଶରେ ମଧ୍ୟ ଜବରଦସ୍ତ ଆୟ କରିଛି । ପ୍ରଥମ ଦିନରେ ଫିଲ୍ମଟି ପୁରା ବିଶ୍ୱରେ 140-150 କୋଟି ଟଙ୍କାର ବ୍ୟବସାୟ କରିଥିଲା ।