ଘନେଇଲା ବର୍ଷା-ଅନୁଭବ ବିବାଦ: ପାଲଟା ଅଭିଯୋଗ କଲେ ବର୍ଷା

ଘର ଛାଡିବା ନେଇ ପାଲଟା ଅଭିଯୋଗ କଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ । ଘର ମରାମତି ବାହାନାରେ ଘରୁ ବାହାର କରିଦେବାକୁ ଯୋଜନା କରାଯାଉଛି ବୋଲି କହିଲେ ବର୍ଷା ।

କଟକ: ଅଭିନେତା ତଥା ସାସଂଦ ଅନୁଭବ ମହାନ୍ତି ଓ ତାଙ୍କ ପତ୍ନୀ ଅଭିନେତ୍ରୀ ବର୍ଷା ମହାନ୍ତିଙ୍କ ମଧ୍ୟରେ ଲାଗିଥିବା ବିବାଦ ଆଜି ଘନେଇଛି । ପ୍ରଥମେ ଅନୁଭବଙ୍କ ମା' ମଧୁସ୍ମିତା ମହାନ୍ତି ପୁରୀଘାଟ ଥାନାରେ ଅଭିଯୋଗ କରିଥିଲେ । ଘରର ମରାମତି ପାଇଁ ସେ ବର୍ଷାଙ୍କୁ 10 ଦିନ ପାଇଁ ବାପ ଘରକୁ ଯିବାକୁ କହିଥିବା ବେଳେ ବର୍ଷା ଘର ଛାଡୁ ନଥିବା ଅନୁଭବଙ୍କ ମା' କହିଥିଲେ । ଏହାକୁ ନେଇ ପାଲଟା ଅଭିଯୋଗ କରିଛନ୍ତି ବର୍ଷା । ବର୍ଷା କହିଛନ୍ତି ଘର ମରାମତି ବାହାନାରେ ଘରୁ ବାହାର କରିଦେବାକୁ ଯୋଜନାବଦ୍ଧ ଭାବରେ ଚକ୍ରାନ୍ତ କରାଯାଉଛି ।

ସୂଚନାଥାଉକି, ଆଜି ସକାଳେ ଅନୁଭବଙ୍କ ମା' ପୁରୀଘାଟ ଥାନାରେ ଅଭିଯୋଗ କରିଥିଲେ । ଯେଉଁଥିରେ ଦର୍ଶାଇଥିଲେ ସେମାନେ ରହୁଥିବା କଟକର ଚୌଧୁରୀ ବଜାର ନନ୍ଦିସାହିରେ ଥିବା ଘର 60 ବର୍ଷ ତଳର । କିଛିଦିନ ତଳେ ପାଇଖାନା ଟାଙ୍କିରେ ସମସ୍ୟା ଦେଖାଦେବାରୁ ଏହାର ମରାମତି ପାଇଁ ସେ ଯୋଗାଯୋଗ କରିଥିଲେ । ମିସ୍ତ୍ରୀ ମରାମତି ପାଇଁ 10 ଦିନ ଲାଗିବ ବୋଲି କହିଥିଲେ । ତେଣୁ ବର୍ଷାଙ୍କୁ ଏହି 10 ଦିନ ଲାଗି ଘର ଛାଡି ବକ୍ସିବଜାର ସ୍ଥିତ ତାଙ୍କ ବାପଘରକୁ ଯିବାକୁ ବୋହୂ ବର୍ଷାଙ୍କୁ ସେ ଅନୁରୋଧ କରିଥିଲେ । ତେବେ କୌଣସି କାରଣ ନ ଦର୍ଶାଇ ବର୍ଷା ଘର ଛାଡୁ ନଥିବା ଅନୁଭବଙ୍କ ମା' ଅଭିଯୋଗ କରିଥିଲେ । ଏହାକୁ ନେଇ ପାଲଟା ଅଭିଯୋଗ କରିଛନ୍ତି ବର୍ଷା । ଶାଶୂ ଘର ଛଡା ଅନ୍ୟ କେଉଁଠି ରହିବା ସୁବିଧା ନାହିଁ । ଏଭଳି ସ୍ଥିତିରେ ତାଙ୍କ ସୁରକ୍ଷା ଉପରେ ପୋଲିସ ନଜର ଦେବାକୁ ସେ କହିଥିଲେ । ଘରର ମରାମତି ବାହାନାରେ ତାଙ୍କୁ ଘରୁ ବାହାର କରିବାକୁ ଯୋଜନାବଦ୍ଧ ଭାବରେ ଚକ୍ରାନ୍ତ କରାଯାଉଥିବା ସେ କହିଛନ୍ତି । ଘରକୁ ନେଇ ଶାଶୂ-ବୋହୂଙ୍କର ଏହି ବିବାଦ ଆଜି ଚର୍ଚ୍ଚାର ବିଷୟ ପାଲଟିଛି ।

English summary

Actress Barsha Counter Statement on Anubhav Mother's Complaint