ପରଲୋକରେ ବର୍ଷୀଆନ୍ ଅଭିନେତ୍ରୀ ବେଲା ବୋଷ

ପରଲୋକରେ ବର୍ଷୀଆନ୍ ଅଭିନେତ୍ରୀ ବେଲା ବୋଷ । ୭୯ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି ।

ମୁମ୍ବାଇ:ପରଲୋକରେ ବର୍ଷୀଆନ୍ ଅଭିନେତ୍ରୀ ବେଲା ବୋଷ । ୭୯ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । ଗତକାଲି ନିଜ ବାସଭବନରେ ଶେଷ ନିଶ୍ୱାସ ତ୍ୟାଗ କରିଛନ୍ତି ଲୋକପ୍ରିୟ ଅଭିନେତ୍ରୀ ତଥା ଶାସ୍ତ୍ରୀୟ ନୃତ୍ୟ ଶିଳ୍ପୀ ବେଲା । ଅଭିନେତ୍ରୀଙ୍କର ପରଲୋକରେ ବଲିଉଡରେ ଶୋକର ଛାୟା ଖେଳିଯାଇଛି ।

୨୦୦ରୁ ଅଧିକ ଫିଲ୍ମରେ ଅଭିନୟ କରି ସେ ଜିଣିଥିଲେ ଦର୍ଶକଙ୍କ ମନ । ୧୯୫୦ ରୁ ୧୯୮୦ ଦଶକ ମଧ୍ୟରେ ସେ ଅନେକ ଫିଲ୍ମରେ କାମ କରିଥିଲେ । 'ଜୟ ସନ୍ତୋଷୀ ମା' 'ଶିକାର'ପରି ସୁପରହିଟ୍ ଫିଲ୍ମରେ ସେ ତାଙ୍କ ଅଭିନୟରେ ଦର୍ଶକଙ୍କୁ ମତୁଆଲା କରିଥିଲେ । ହେଲେ ସବୁଠୁ ଅଧିକ ଲୋକପ୍ରିୟତା ତାଙ୍କୁ ନିଜ ଡ୍ୟାନ୍ସ ପାଇଁ ମିଳିପାରିଥିଲା । ମଣିପୁରୀ କ୍ଲାସିକ୍ ଡ୍ୟାନ୍ସ ଜରିଆରେ ସେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଥିଲେ ।

ସୂଚନାଥାଉ ଯେ, ମାତ୍ର ୨୧ ବର୍ଷ ବୟସରେ ବେଲା ଚଳଚ୍ଚିତ୍ର ଜଗତରେ ପାଦ ଦେଇଥିଲେ । ତାଙ୍କର ପ୍ରଥମ ଫିଲ୍ମ ଥିଲା ସୌତେଲା ଭାଇ ।ଯାହା ୧୯୬୨ରେ ରିଲିଜ୍ ହୋଇଥିଲା । ଅଭିନେତ୍ରୀ ଫିଲ୍ମ ନିର୍ମାତା ଆଶିଷ କୁମାରଙ୍କୁ ବିବାହ କରିଥିଲେ । ତାଙ୍କର ଗୋଟିଏ ପୁଅ ଏବଂ ଝିଅ ଅଛନ୍ତି ।

English summary

Actress And Dance Bela Bose Passes Away