ଗିରଫ ହୋଇପାରନ୍ତି ଅଭିନେତ୍ରୀ ଅମିଷା ପଟେଲ
ମୁମ୍ବାଇ: ଗିରଫ ହୋଇପାରନ୍ତି ଅଭିନେତ୍ରୀ ଅମିଷା ପଟେଲ । ଅଭିନେତ୍ରୀ ଏବଂ ତାଙ୍କ ବିଜନେସ ପାର୍ଟନର କୃନାଲଙ୍କ ବିରୋଧରେ ରାଞ୍ଚିର ଏକ କୋର୍ଟ ୱାରେଣ୍ଟ ଜାରି କରିଛନ୍ତି । ଠକେଇ ଏବଂ ଚେକ୍ ବାଉନ୍ସ ମାମଲାରେ ଏହି ୱାରେଣ୍ଟ ଜାରି କରାଯାଇଛି ।
ଝାଡ଼ଖଣ୍ତର ଫିଲ୍ମ ନିର୍ଦ୍ଦେଶକ ଅଜୟ କୁମାର ସିଂ ଅମିଷା ପଟେଲ ଏବଂ ତାଙ୍କ ପାର୍ଟନରଙ୍କ ବିରୋଧରେ ଏକ ମାମଲା ରୁଜୁ କରିଛନ୍ତି । ରିପୋର୍ଟ ଅନୁସାରେ, ଅଭିନେତ୍ରୀଙ୍କ ବିରୋଧରେ ଠକେଇ, ଧମକ ଦେବା ଏବଂ ଚେକ୍ ବାଉନ୍ସ ହେବା ନେଇ ଏକ ୱାରେଣ୍ଟ ଜାରି କରାଯାଇଛି ।
ପୂର୍ବରୁ ଆମୀଷା ଏବଂ ତାଙ୍କ ବିଜନେସ ପାର୍ଚନରଙ୍କୁ କୋର୍ଟ ବରମ୍ବାର ସମନ ଜାରି କରିବା ସତ୍ୱେ ଅଭିନେତ୍ରୀ କୋର୍ଟରେ ହାଜର ହୋଇ ନଥିଲେ କିମ୍ବା ତାଙ୍କ ତରଫରୁ କୌଣସି ଓକିଲ ମଧ୍ୟ କୋର୍ଟ ଆସି ନଥିଲେ । ଯାହା ପରେ ସିଭିଲ୍ କୋର୍ଟ ଅସନ୍ତୋଷ ପ୍ରକାଶ କରି ଗୁରୁବାର ଦିନ ଅମିଷା ଏବଂ ତାଙ୍କ ପାର୍ଟନରଙ୍କ ବିରୋଧରେ ୱାରେଣ୍ଟ ଜାରି କରିଛନ୍ତି । ଏପ୍ରିଲ୍ ୧୫ ତାରିଖରେ ଏହି ମାମଲାର ପରବର୍ତ୍ତି ଶୁଣାଣି ହେବ । ସେପଟେ ଏହି ମାମଲାକୁ ନେଇ ବର୍ତ୍ତମାନ ପର୍ଯ୍ୟନ୍ତ ଅଭିନେତ୍ରୀ କିମ୍ବା ତାଙ୍କ ଟିମ୍ ତରଫରୁ କୌଣସି ପ୍ରତିକ୍ରିୟା ମିଳିପାରି ନାହିଁ ।
Click it and Unblock the Notifications
Sign in with Google