ବନ୍ଧୁକ ରଖିବେ ଅଭିନେତା ସଲମାନ ଖାନ

Actor Salman Khan Gets Gun License :ବନ୍ଧୁକ ରଖିବେ ଅଭିନେତା ସଲମାନ ଖାନ

ମୁମ୍ବାଇ: ବନ୍ଧୁକ ରଖିବେ ଅଭିନେତା ସଲମାନ ଖାନ । ନିକଟରେ ଅଭିନେତା ସଲମାନ ଖାନ ଓ ତାଙ୍କ ପିତାଙ୍କୁ ହତ୍ୟା ଧମକ-ପତ୍ର ମିଳିଥିଲା । ଯାହା ପରେ ନିଜ ଆତ୍ମରକ୍ଷା ନିମନ୍ତେ ଅସ୍ତ୍ରଶସ୍ତ୍ର ଲାଇସେନ୍ସ୍ ପାଇଁ ଆବେଦନ କରିଥିଲେ ସଲମାନ । ଅଭିନେତା ସଲମାନ ଖାନଙ୍କୁ ଆର୍ମସ୍‌ ଲାଇସେନ୍ସ୍ ପ୍ରଦାନ କରାଯାଇଛି ଯାହା ମୁମ୍ବାଇ ପୁଲିସ ପକ୍ଷରୁ ସୂଚନା ଦିଆଯାଇଛି ।

୨୨ ଜୁଲାଇରେ ମୁମ୍ବାଇ ପୋଲିସ କମିଶନରଙ୍କୁ ଭେଟି ଅସ୍ତ୍ର ଲାଇସେନ୍ସ୍ ପାଇଁ ଆବେଦନ କରିଥିଲେ ସଲମାନ । ଆବେଦନ ପରେ ଅଭିନେତାଙ୍କର ଅପରାଧିକ ରେକର୍ଡ ଓ ସରକାରୀ ଡକ୍ୟୁମେଣ୍ଟ ଯାଞ୍ଚ ଅନୁସନ୍ଧାନ କରାଯାଇଥିଲା ଏବଂ ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି ବନ୍ଧୁକ ଲାଇସେନ୍ସ୍ ପ୍ରଦାନ କରାଯିବା ନିଷ୍ପତ୍ତି ନିଆ ଯାଇଛି । ହେଲେ ସେ କେଉଁ ପ୍ରକାର ଅସ୍ତ୍ର ରଖିପାରିବେ ତାହା ଏହି ଲାଇସେନ୍ସ୍ ଉଲ୍ଲେଖ କରାଯାଇ ନାହିଁ ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ୬ ଜୁନରୁ ସଲମାନ ଖାନଙ୍କ ସୁରକ୍ଷା ବଢାଇଦିଆଯାଇଛି । ସୂଚନା ଏହା ମଧ୍ୟ ରହିଛି ଯେ ସଲମାନ ନିଜ ଗାଡ଼ିକୁ ମଧ୍ୟ ଅବଗ୍ରଡ୍ କରାଇଛନ୍ତି । ଅର୍ଥାତ୍ ସଲମାନଙ୍କ କାର୍ ବର୍ତ୍ତମାନ ବୁଲେଟ୍ ପ୍ରୁଫ୍ ବୋଲି ଅନୁମାନ କରାଯାଉଛି ।

ସୂଚନାଯୋଗ୍ୟ ଯେ ଗତ ମେ ୨୯ ତାରିଖରେ ପଞ୍ଜାବର ଗାୟକ ସିଦ୍ଧୁ ମୁଷେୱାଲାଙ୍କୁ ଗୁଳି କରି ହତ୍ୟା କରିବା ପରେ ଜୁନ ମାସରେ ସଲମାନ ଖାନ ତାଙ୍କ ପିତାଙ୍କୁ ଲରେନ୍‌ସ୍‌ ବିଷ୍ଣୋଇ ଗ୍ୟାଙ୍ଗ ତରଫରୁ ହତ୍ୟା ଧମକ ମିଳିଥିଲା । ଏହି ଘଟଣା ୧୯୯୮ ମସିହାର କୃଷ୍ଣସାର ମୃଗ ଶିକାର ଘଟଣା ସହିତ ସମ୍ପୃକ୍ତ ।

English summary

Actor Salman Khan Gets Gun Licence