ଏହି କମେଡି ସୋ'ରେ ନଜର ଆସିବେ 'ବିଗ୍ ବସ୍ ୧୬'ଫେମ୍ ଅବଦୁ ରୋଜିକ୍

ମୁମ୍ବାଇ: 'ବିଗ୍ ବସ୍ ୧୬'ଫେମ୍ ଅବଦୁ ରୋଜିକ୍ ନିଜ କ୍ୟୁଟ୍ ଅନ୍ଦାଜରେ ଦେଶର ଘରେ ଘରେ ଏକ ପରିଚିତ ଚେହେରା ସାଜିଛନ୍ତି । ଏହାରି ମଧ୍ୟରେ ଅବଦୁ ରୋଜିକ୍ ତାଙ୍କ ପ୍ରଶଂସକଙ୍କୁ ଆଉ ଏକ ଖୁସି ଖବର ଦେଇଛନ୍ତି । 'ବିଗ୍ ବସ୍ ୧୬' ବର୍ତ୍ତମାନ ସମାପ୍ତ ହୋଇଛି ଏବଂ ଏହି ଶୋ'ର ବିଜେତା ହୋଇଛି - ଏମସି ଷ୍ଟାନ୍ ।

ହେଲେ ଏହି ଶୋ' ଜରିଆରେ ସମସ୍ତଙ୍କ ମନ ଜିଣିଛନ୍ତି ଅବଦୁ ରୋଜିକ୍ । 'ବିଗ୍ ବସ୍ ୧୬' ଆରମ୍ଭରୁ ହିଁ ତାଙ୍କର ଫ୍ୟାନ୍ସଙ୍କ ସଂଖ୍ୟା ବୃଦ୍ଧି ପାଇଥିଲା ଏପରିକି ସଲମାନ ଖାନ ମଧ୍ୟ ତାଙ୍କର ଜଣେ ବଡ଼ ପ୍ରଶଂସକ । ଏବଂ ଘରୁ ବାହାରକୁ ଆସିବା ପରେ ମଧ୍ୟ ତାଙ୍କ ପ୍ରତି ଭଲ ପାଇବା ବା ତାଙ୍କ ଖ୍ୟାତି ଟିକେ କମି ନଥିଲା । କିନ୍ତୁ ଏହି ସମୟରେ ଖବର ଆସୁଛି ଯେ ଅବଦୁ ଖୁବ୍ ଶୀଘ୍ର କମେଡି ସୋ 'ଦ କପିଲ ଶର୍ମା ସୋ'ରେ ନଜର ଆସିବେ ।

କପିଲ ଶର୍ମା ସୋ'ରେ ନଜର ଆସିବେ ଅବଦୁ
ନିକଟରେ 'ବିଗ୍ ବସ୍ ୧୬'ର ପୂର୍ବତନ ପ୍ରତିଯୋଗୀ କହିଛନ୍ତି ଯେ, ସେ ଖୁବ୍ ଶୀଘ୍ର' ଦ କପିଲ୍ ଶର୍ମା ସୋ'କୁ ଯିବେ । ଅବଦୁ ରୋଜିକ୍ କମେଡିକୁ ଭଲ ପାଆନ୍ତି ଏବଂ ସେ ଏହି ସୋ ପାଇଁ ଉପଯୁକ୍ତ । ତେବେ ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ସଲମାନ ଖାନ 'ଦ କପିଲ ଶର୍ମା ସୋ'ର ନିର୍ମାତାମାନଙ୍କ ମଧ୍ୟରୁ ଅନ୍ୟତମ । ବର୍ତ୍ତମାନ, ସୋ ଶେଷ ହୋଇଛି ଏବଂ ସେ ଚ୍ୟାନେଲ ସହିତ କୌଣସି ଚୁକ୍ତିନାମା କରିନାହାଁନ୍ତି ।

ନିକଟରେ ଅବଦୁ ରୋଜିକ୍ ତାଙ୍କର କିଛି ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି । ଏହି ଭିଡିଓରେ ସେ ସଲମାନ ଖାନଙ୍କ ସହ ମସ୍ତି କରୁଥିବା ଦେଖିବାକୁ ମିଳିଥିଲା । ସଲମାନ ଖାନଙ୍କ ଗୀତ 'ଓ-ଓ ଜାନେ ଜନ'ରେ ଉଭୟ ଏକାଠି ଡ୍ୟାନ୍ସ କରୁଥିବାର ଦେଖିବା ପାଇଁ ମିଳିଥିଲା ।

English summary

Abdu Rozik In The Kapil Sharma Show.