୨୦୦ କୋଟି ମନି ଲଣ୍ତରିଂ ମାମଲା:କୋର୍ଟରେ ହାଜରେ ହେଲେ ଅଭିନେତ୍ରୀ ଜ୍ୟାକଲିନ୍

ନୂଆଦିଲ୍ଲୀ:୨୦୦ କୋଟି ମନି ଲଣ୍ତରିଂ ମାମଲା । ଆଜି ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିସ ଦିଲ୍ଲୀର ପଟିଆଲା ହାଉସ କୋର୍ଟରେ ହାଜର ହୋଇଛନ୍ତି । ଟଙ୍କା ହେରଫେର ମାମଲାରେ ଜ୍ୟାକଲିନ ପୂର୍ବରୁ ଦୋଷି ସାବ୍ୟସ୍ତ ହୋଇସାରିଛନ୍ତି । ଇଡି ପକ୍ଷରୁ ତାଙ୍କୁ ଅନେକ ଥର ପଚରାଉଚରା କରାଯାଇ ସରିଛି । ଏହାପୂର୍ବ ଶୁଣାଣି ସମୟରେ ଜ୍ୟାକଲିନ୍ କୋର୍ଟରେ ହାଜର ହୋଇଥିଲେ ।

ଜ୍ୟାକଲିନ ମଧ୍ୟ ଦିଲ୍ଲୀ କୋର୍ଟ ପକ୍ଷରୁ ବ୍ୟକ୍ତିଗତ ହାଜରରୁ ମୁକ୍ତି ପାଇଥିଲେ । ଅଭିନେତ୍ରୀଙ୍କ ଆବେଦନ ଉପରେ ଶୁଣାଣି ବେଳେ କୋର୍ଟ ତାଙ୍କୁ ଏହି ଆଶ୍ୱସ୍ତି ଦେଇଥିଲେ । ୨୦୦କୋଟି ଟଙ୍କା ହେରଫେର୍ ମାମଲାରେ ଜ୍ୟାକଲିନଙ୍କ ଉପରେ ଆରୋପ ଲଗାଯାଇଛି ଯେ,ଠକ୍ ପଇସା ଜାଣିବା ସତ୍ୱେ ସେ ମହାଠକ ସୁକେଶ ଚନ୍ଦ୍ରଶେଖରଙ୍କ ଠାରୁ ମୂଲ୍ୟବାନ ଉପହାର ନେଇଛନ୍ତି । ବହୁମୂଲ୍ୟ କାର ଠାରୁ ଆରମ୍ଭ କରି ଶ୍ରୀଲଙ୍କାରେ ବଙ୍ଗଳା ପର୍ଯ୍ୟନ୍ତ ସେ ଉପହାର ଭାବେ ଗ୍ରହଣ କରିଛନ୍ତି । ଅନ୍ୟପକ୍ଷରେ ସୁକେଶ ଦାବି କରିଛି ଯେ ଅଭିନେତ୍ରୀ ୨୦୦କୋଟି ଟଙ୍କା ହେରଫେର୍ ମାମଲାରେ କିଛି ଜାଣି ନାହାଁନ୍ତି ।

ସୁକେଶ ଚନ୍ଦ୍ରଶେଖରଙ୍କ ସହ ଜଡିତ ୨୦୦ କୋଟି ମନି ଲଣ୍ଡରିଂ ମାମଲାର ଅନୁସନ୍ଧାନ ବେଳେ ବହୁ ବଲିଉଡ ଅଭିନେତ୍ରୀଙ୍କ ନାମ ସାମ୍ନାକୁ ଆସିଛି । ନୋରା ଫତେହି ଏବଂ ଜ୍ୟାକଲିନ ଫର୍ଣ୍ଣାଣ୍ଡିସଙ୍କ ପରି କଳାକାରଙ୍କ ନାଁକୁ ନେଇ ଚର୍ଚ୍ଚା ଜୋର ଧରିଛି । ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ସୁକେଶ କୋର୍ଟଙ୍କୁ କହିଛନ୍ତି ଯେ, ଜ୍ୟାକଲିନ ଏହି ମାମଲାରେ ଜଡିତ ନୁହଁନ୍ତି ଏବଂ ଅଭିନେତ୍ରୀଙ୍କ ସୁରକ୍ଷା ପାଇଁ ସେ ସର୍ବଦା ତାଙ୍କ ସହ ଅଛନ୍ତି ।

#WATCH | Actor Jacqueline Fernandez arrives at Delhi's Patiala House court, in connection with hearing in Rs 200 crore money laundering case pic.twitter.com/jpqR3eIIEy

— ANI (@ANI) April 5, 2023

ଜାନୁଆରୀରେ ଦାଖଲ ହୋଇଥିବା ସପ୍ଲିମେଣ୍ଟାରୀ ଚାର୍ଜସିଟରେ ଜ୍ୟାକଲିନ ଫର୍ଣ୍ଣାଣ୍ଡିସଙ୍କୁ ଅଭିଯୁକ୍ତ ଭାବରେ ନାମିତ କରାଯାଇଥିଲା । ଇଡିର ପୂର୍ବ ଚାର୍ଜସିଟ ଏବଂ ସପ୍ଲିମେଣ୍ଟାରୀ ଚାର୍ଜସିଟରେ ତାଙ୍କୁ ଅଭିଯୁକ୍ତ ଭାବରେ ଉଲ୍ଲେଖ କରାଯାଇ ନଥିଲା ।

English summary

200 Crore money laundering case update.