ଦିବାଲୋକରେ ଯୁବ ଅକାଳୀ ଦଳର ନେତା ବିକି ମିଦ୍ଦୁଖେରାଙ୍କୁ ଗୁଳି କରି ହତ୍ୟା

ମୋହାଲି : ଆଜି (ଶନିବାର) ପଞ୍ଜାବର ମୋହାଲିରେ ଯୁବ ଅକାଳୀ ଦଳର ନେତା ବିକି ମିଦ୍ଦୁଖେରାଙ୍କୁ କିଛି ଅଜ୍ଞାତ ବ୍ୟକ୍ତି ଗୁଳି କରି ହତ୍ୟା କରିଛନ୍ତି । ମାମଲାର ସବିଶେଷ ତଥ୍ୟ ଦେଇ ପୋଲିସ କହିଛି ଯେ ଚାରିଜଣ ଦୁବୃର୍ତ୍ତ ମିଦ୍ଦୁଖେରାଙ୍କୁ ଗୋଡ଼ାଇ ତାଙ୍କ ଉପରକୁ ଗୁଳି ଚଳାଇଥିଲେ । ମୋହାଲିର ସେକ୍ଟର 71 ରେ ସକାଳ ପ୍ରାୟ 10.30 ସମୟରେ ଏହି ଆକ୍ରମଣ ହୋଇଥିଲା । ବିକି ସମ୍ପତ୍ତି ଡିଲରଙ୍କ ସହ କଥା ହେବା ପରେ କାର୍ଯ୍ୟାଳୟରୁ ବାହାରି କାରରେ ବସିବାକୁ ଯାଉଥିବା ବେଳେ ତାଙ୍କ ଉପରକୁ 4ଜଣ ଗୁଳି ଚଳାଇଥିଲେ ।

ବିକି ମିଦ୍ଦୁଖେରାଙ୍କ ପୂରା ନାମ ବିକ୍ରମଜିତ୍ ସିଂ ମିଦ୍ଦୁଖେରା । ସେ ଅକାଳୀ ଦଳର ଯୁବ ମୋର୍ଚ୍ଚାର ନେତା ଥିଲେ । ଭିକି ପଞ୍ଜାବ ବିଶ୍ୱବିଦ୍ୟାଳୟ ଛାତ୍ର ସଂଗଠନ ପୂର୍ବତନ ସଭାପତି ଥିଲେ । ପୋଲିସର ରିପୋର୍ଟ ଅନୁଯାୟୀ, ବିକି ମଟୌରା ମାର୍କେଟରେ ପହଞ୍ଚି ତାଙ୍କ ଧଳା ଏସୟୁଭିରେ ବସିବାକୁ ଯାଉଥିଲେ ଯେତେବେଳେ ତାଙ୍କୁ ଆକ୍ରମଣ କରାଯାଇଥିଲା । ଯେତେବେଳେ ଦୁଇ ଆକ୍ରମଣକାରୀ ବିକିଙ୍କ ଉପରକୁ ଗୁଳି ଚଳାଇଥିଲେ, ସେତେବେଳେ ସେ ନିଜ ଜୀବନ ବଞାଇବା ପାଇଁ ଦୌଡ଼ିଥିଲେ । ସେକ୍ଟର 71 ରେ ଥିବା କମ୍ୟୁନିଟି ସେଣ୍ଟର ବାହାରେ ପୋଲିସ ତାଙ୍କ ମୃତଦେହ ଉଦ୍ଧାର କରିଛି ।

ପୋଲିସ କହିଛି ଯେ ଚାରିଜଣ ମାସ୍କ ଲଗାଇଥିବା ବ୍ୟକ୍ତି ଛାତ୍ର ନେତାଙ୍କ ଉପରକୁ 8 ରୁ 9 ରାଉଣ୍ଡ ଗୁଳି ଚଳାଇ ଘଟଣାସ୍ଥଳରୁ ପଳାଇ ଯାଇଥିଲେ । ଏହି ଘଟଣା ସିସିଟିଭି କ୍ୟାମେରାରେ କଏଦ ହୋଇଛି । ପୋଲିସ କହିଛି ଯେ ଅଭିଯୁକ୍ତଙ୍କ ପରିଚୟ ଜାଣିବା ପାଇଁ ସେମାନେ ଉକ୍ତ ଅଞ୍ଚଳର ସିସିଟିଭି ଫୁଟେଜ ସ୍କାନ କରୁଛନ୍ତି । ଘଟଣା ପରେ ଏସଏସପି ସତୀନ୍ଦର ସିଂ, ଡିଏସପି ଏବଂ ମଟୌରା ଏସପି ଘଟଣାସ୍ଥଳରେ ପହଞ୍ଚିଥିଲେ ।

4 assailants chased Vicky Middukhera down and fired about 8-9rounds, killing him on the spot. Investigation is underway: Satinder Singh, Senior Superintendent of Police, Mohali pic.twitter.com/RVmb3K80LX

— ANI (@ANI) August 7, 2021

ଦିବାଲୋକରେ ହୋଇଥିବା ହତ୍ୟା ଘଟଣାର ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ବିକିଙ୍କ କାରରେ ଲାଇସେନ୍ସପ୍ରାପ୍ତ ରିଭଲଭର ଥିଲା କିନ୍ତୁ ସେ ଏହାକୁ ବ୍ୟବହାର କରିବାକୁ ପର୍ଯ୍ୟାପ୍ତ ସମୟ ପାଇ ନଥିଲେ । ମୃତଦେହ ପୋଷ୍ଟମର୍ଟମ ପାଇଁ ପଠାଯାଇଛି ଏବଂ କାର ଜବତ କରାଯାଇଛି ବୋଲି ପୋଲିସ କହିଛି । ଶୀଘ୍ର ଅପରାଧୀଙ୍କୁ ଧରିବା ପାଇଁ ଉପଯୁକ୍ତ ପଦକ୍ଷେପ ନିଆଯାଉଛି ।

English summary

Youth Akali Dal Leader Vickey Middukhera Shot Dead At Mohali