• search
For Quick Alerts
Turn On Notification  
For Daily Alerts

କେନ୍ଦ୍ର ମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ନାମରେ ମାମଲା, ଅଫିସକୁ ଡାକି ଅଧିକାରୀମାନଙ୍କୁ କଲେ ଆକ୍ରମଣ

|

ନୂଆଦିଲ୍ଲୀ : କେନ୍ଦ୍ର ମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ନାମରେ ଆକ୍ରମଣ କରିଥିବା ଅଭିଯୋଗ କରିଛନ୍ତି ଓଡିଶାର ଦୁଇଜଣ ସରକାରୀ କର୍ମଚାରୀ । ମୟୂରଭଞ୍ଜ ଜିଲ୍ଲାର ତାଙ୍କ କାର୍ଯ୍ୟାଳୟକୁ ଡ଼ାକି ଆକ୍ରମଣ କରିଥିବା ନେଇ ଅଭିଯୋଗ ହୋଇଛି । ତେବେ ବିଜେପି ସାଂସଦ ଏହି ଅଭିଯୋଗକୁ ସମ୍ପୂର୍ଣ୍ଣ ଭାବେ ଅସ୍ୱୀକାର କରିଛନ୍ତି ।

Bisweswar Tudu

ଜିଲ୍ଲା ଯୋଜନା ଏବଂ ମନିଟରିଂ ୟୁନିଟର ଡେପୁଟି ଡାଇରେକ୍ଟର ଅଶ୍ୱିନୀ କୁମାର ମଲିକ ଏବଂ ସହକାରୀ ନିର୍ଦ୍ଦେଶକ ଦେବଶିଷ ମହାପାତ୍ରଙ୍କ ଅଭିଯୋଗ ଅନୁଯାୟୀ ଶୁକ୍ରବାର ଦିନ ସମୀକ୍ଷା ବୈଠକ ପାଇଁ ମନ୍ତ୍ରୀ ଉଭୟଙ୍କୁ ତାଙ୍କ ସହର ବରିପଦାସ୍ଥିତ ବିଜେପି ପାର୍ଟି କାର୍ଯ୍ୟାଳୟକୁ ଡାକିଥିଲେ । ସମୀକ୍ଷା ବୈଠକରେ କିଛି ଫାଇଲ ନ ଆଣିଥିବାରୁ ମନ୍ତ୍ରୀ ଟୁଡୁ କ୍ରୋଧିତ ହୋଇଥିଲେ । ତା'ପରେ ଭିତର ପଟରୁ ଅଫିସ୍ କବାଟ ବନ୍ଦ କରି ମାରିବା ସହ ଚେୟାରରେ ଆକ୍ରମଣ କରିଥିଲେ ।

ଏହି ଆକ୍ରମଣରେ ଅଭିଷେକ ମଲିକ ଗୁରୁତର ଆହତ ହୋଇଥିବା ବେଳେ ଦେବଶିଷ ମହାପାତ୍ରଙ୍କ ହାତ ଭାଙ୍ଗିଯାଇଛି । ଉଭୟ ଅଧିକାରୀଙ୍କୁ ବାରିପଦାସ୍ଥିତ PRM ମେଡିକାଲ କଲେଜ ଏବଂ ହସ୍ପିଟାଲରେ ଭର୍ତ୍ତି କରାଯାଇଥିଲା । ଜଣେ ବରିଷ୍ଠ ପୋଲିସ୍ ଅଧିକାରୀ ଇଣ୍ଡିଆ ଟୁଡେକୁ କହିଛନ୍ତି ଯେ ଦୁଇ ସରକାରୀ କର୍ମଚାରୀଙ୍କ ଦ୍ୱାରା ଦାଖଲ କରାଯାଇଥିବା ଅଭିଯୋଗକୁ ଭିତ୍ତି କରି ଆଇପିସିର ଧାରା 323, 325, 294 ଏବଂ 506 ଅନୁଯାୟୀ ବାରିପଦା ଟାଉନ୍ ପୋଲିସ୍ ଷ୍ଟେସନରେ ମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ବିରୋଧରେ ମାମଲା ରୁଜୁ ହୋଇଛି ।

ଅନ୍ୟପକ୍ଷରେ ମୟୂରଭଞ୍ଜ ଜିଲ୍ଲା କଲେକ୍ଟର ବିନୀତ ଭରଦ୍ୱାଜ କହିଛନ୍ତି ଯେ ଏହି ଘଟଣାର ତଦନ୍ତ ଚାଲିଛି, ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ବାରିପଦା ଥାନା ଦାୟିତ୍ୱରେ ଥିବା ବିରେନ୍ଦ୍ର ସେନାପତି ବାରିପଦା ଡାକ୍ତରଖାନାକୁ ଯାଇ ଆହତମାନଙ୍କୁ ପଚରାଉଚରା କରିଥିଲେ ।

କେନ୍ଦ୍ର ଜଲ ଶକ୍ତି ଏବଂ ଆଦିବାସୀ ବ୍ୟାପାର ମନ୍ତ୍ରୀ ବିଶ୍ୱେଶ୍ୱର ଟୁଡୁ ମୟୂରଭଞ୍ଜ ଲୋକସଭା ନିର୍ବାଚନମଣ୍ଡଳୀରୁ ସାଂସଦ ଅଟନ୍ତି । ଜୁଲାଇ 2021 ରେ ସେ ମୋଦୀ କ୍ୟାବିନେଟରେ ମୋଏସ୍ ଭାବରେ ଅନ୍ତର୍ଭୁକ୍ତ ହୋଇଥିଲେ ।

ଆମକୁ ଫୋଲୋ କରନ୍ତୁ
Instagram Youtube
English summary
union minister assaults two officers of odisha government, FIR Filed In baripada Police Station
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X