• search
For Quick Alerts
Turn On Notification  
For Daily Alerts

ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଲେ ତ୍ରିପୁରା ମୁଖ୍ୟମନ୍ତ୍ରୀ, କାର ଚଢାଇ କରାଯାଇଥିଲା ହତ୍ୟା ଉଦ୍ୟମ

|

ଅଗରତାଲା : ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଛନ୍ତି ତ୍ରିପୁରା ମୁଖ୍ୟମନ୍ତ୍ରୀ ବିଳ୍ପବ କୁମାର । ଗୁରୁବାର ଦିନ ତ୍ରିପୁରାର ମୁଖ୍ୟମନ୍ତ୍ରୀ ବିପ୍ଳବ କୁମାର ଦେବର ସୁରକ୍ଷା କର୍ଡନକୁ ଏକ କାର ଧକ୍କା ଦେଇଥିଲା । ଏହି ଘଟଣାରେ ସିଏମ୍ ବର୍ତ୍ତିଯାଇଥିଲେ ମଧ୍ୟ ତାଙ୍କ ସୁରକ୍ଷା କର୍ମୀ ଆହତ ହୋଇଥିଲେ । ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି ତ୍ରିପୁରା ପୋଲିସ ତିନି ଜଣଙ୍କୁ ଗିରଫ କରିଛି । ଏହା ସହିତ ତାଙ୍କ ବିରୋଧରେ ମୁଖ୍ୟମନ୍ତ୍ରୀଙ୍କୁ ହତ୍ୟା ଉଦ୍ୟମ ମାମଲା ରୁଜୁ ହୋଇଛି ।

Tripura CM

ପିଟିଆଇର ରିପୋର୍ଟ ଅନୁଯାୟୀ ଗୁରୁବାର ସନ୍ଧ୍ୟାରେ ମୁଖ୍ୟମନ୍ତ୍ରୀ ସମ୍ପୂର୍ଣ୍ଣ ସୁରକ୍ଷା ନେଇ ଶ୍ୟାମା ପ୍ରସାଦ ମୁଖାର୍ଜୀ ଲେନ୍‌ରେ ଇଭିନ୍ୟ ୱାକରେ ଯାଉଥିବା ବେଳେ ଏକ କାର ତାଙ୍କ ସୁରକ୍ଷା ବଳୟ ଭେଧ କରି ତାଙ୍କୁ ଧକ୍କା ଦେବାକୁ ଚେଷ୍ଟା କରିଥିଲା । ସେ କାର୍ ସମ୍ମୁଖରୁ ବାହାରକୁ ଡେଇଁ ପଡିଥିଲେ, କିନ୍ତୁ କାର ଧକ୍କାରେ ତାଙ୍କ ସୁରକ୍ଷା କର୍ମୀ ଆହତ ହୋଇଥିଲେ ।

ପୋଲିସର ସୂଚନାନୁସାରେ, ଘଟଣା ପରେ ମୁଖ୍ୟମନ୍ତ୍ରୀଙ୍କ ସୁରକ୍ଷା କର୍ମୀମାନେ କାରକୁ ଅଟକାଇବାକୁ ଚେଷ୍ଟା କରିଥିଲେ ମଧ୍ୟ ସେ ଖସି ପଳାଇଥିଲେ । ଘଟଣାର ଗମ୍ଭୀରତା ଦେଖି ପୋଲିସ ସଙ୍ଗେ ସଙ୍ଗେ କାର୍ଯ୍ୟାନୁଷ୍ଠାନ ଗ୍ରହଣ କରି ରାତିରେ କେର୍ଚୋମୁହାନି ଅଞ୍ଚଳରୁ ତିନି ଜଣଙ୍କୁ ଗିରଫ କରିଥିଲା । ଏଥିସହ ତାଙ୍କ ଗାଡି ମଧ୍ୟ ଜବତ କରାଯାଇଛି । ହତ୍ୟା ଉଦ୍ୟମର ଏକ ମାମଲା ପଞ୍ଜୀକୃତ ହୋଇଛି ।

ଏହି ତିନିଜଣଙ୍କୁ ଶୁକ୍ରବାର ଦିନ ଜୁଡିସିଆଲ୍ ମାଜିଷ୍ଟ୍ରେଟ୍ ପିପି ପାଲଙ୍କ କୋର୍ଟରେ ହାଜର କରାଯାଇଥିଲା ଯେଉଁଠାରେ ସେମାନଙ୍କୁ 14 ଦିନିଆ ନ୍ୟାୟିକ ହେପାଜତକୁ ପଠାଯାଇଛି । ଆସିଷ୍ଟାଣ୍ଟ ପବ୍ଲିକ ପ୍ରସିକ୍ୟୁଟର ବିଦ୍ୟୁତ ସୂତ୍ରଧର କହିଛନ୍ତି ଯେ ଏହି ତିନି ଜଣଙ୍କ ଉଦ୍ଦେଶ୍ୟ ଏପର୍ଯ୍ୟନ୍ତ ଜଣାପଡି ନାହିଁ । ସମସ୍ତ ଅଭିଯୁକ୍ତଙ୍କ ବୟସ ପ୍ରାୟ 20 ବର୍ଷ । ଦୁଇ ଦିନ ପାଇଁ ପୋଲିସ ରିମାଣ୍ଡରେ ନିଆଯାଇଥିଲା, କିନ୍ତୁ ଅଗଷ୍ଟ 19 ପର୍ଯ୍ୟନ୍ତ କୋର୍ଟ ନ୍ୟାୟିକ ହେପାଜତକୁ ଅନୁମତି ଦେଇଥିଲେ । ବର୍ତ୍ତମାନ ପୋଲିସ ସେମାନଙ୍କୁ ପଚରାଉଚରା କରିବ ଏବଂ ସେମାନଙ୍କ ସୁରକ୍ଷା ସର୍କଲରେ ପ୍ରବେଶ କରିବାର ଉଦ୍ଦେଶ୍ୟ ଜାଣିବ ।

ଆମକୁ ଫୋଲୋ କରନ୍ତୁ
Instagram Youtube
English summary
Tripura Chief Minister Biplab kumar Deb Escapes From car Attack
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X