ଅଗଷ୍ଟ 1ରୁ UPIର ବଦଳିବ ଏହି ସବୁ ନିୟମ,ନୂଆ ନିୟମ ନଜାଣିଲେ ହଇରାଣ ହେବେ....

UPI ଆପ୍ ମାଧ୍ୟମରେ ବାରମ୍ବାର ବାଲାନ୍ସ ଚେକ୍ କରଛନ୍ତି କି ? UPI ବ୍ୟବହାରକରୀଙ୍କ ଉପରେ ନୂଆ ନିୟମ ଲାଗୁ କଲା ନ୍ୟାସନାଲ ପେମେଣ୍ଟ୍ସ କର୍ପୋରେସନ ଅଫ୍ ଇଣ୍ଡିଆ (NPCI) । ଯଦି ଆପଣ ଫୋନ୍‌ ପେ, ଗୁଗଲ୍‌ ପେ, ଏବଂ ପେଟିଏମ୍‌ ଭଳି ବିଭିନ୍ନ ଆପ୍ ମାଧ୍ୟମରେ ୟୁପିଆଇ ବ୍ୟବହାର କରୁଛନ୍ତି, ତେବେ ଏବେ କିଛି ସର୍ବାଧିକ ବ୍ୟବହୃତ ଫିଚର ସୀମିତ ହେବାକୁ ଯାଉଛି।

ନ୍ୟାସନାଲ ପେମେଣ୍ଟ୍ସ କର୍ପୋରେସନ ଅଫ୍ ଇଣ୍ଡିଆ (NPCI)ର ନୂତନ ନିର୍ଦ୍ଦେଶାବଳୀ ଅନୁସାରେ, ଅଗଷ୍ଟ ୧ ରୁ ୟୁପିଆଇ ସମ୍ପର୍କରେ ବଡ଼ ପରିବର୍ତ୍ତନ ହେବାକୁ ଯାଉଛି। ଯଦି ଆପଣ ଫୋନ୍‌ ପେ, ଗୁଗଲ୍‌ ପେ, ଏବଂ ପେଟିଏମ୍‌ ଭଳି ବିଭିନ୍ନ ଆପ୍ ମାଧ୍ୟମରେ ୟୁପିଆଇ ବ୍ୟବହାର କରୁଛନ୍ତି, ତେବେ ଏବେ କିଛି ସର୍ବାଧିକ ବ୍ୟବହୃତ ଫିଚର ସୀମିତ ହେବାକୁ ଯାଉଛି।

ଲୋକମାନେ ଫୋନ୍ ଆପ୍ ମାଧ୍ୟମରେ ବାରମ୍ବାର ବ୍ୟବହାର କରୁଥିବା ସେବାଗୁଡ଼ିକ ଉପରେ ସୀମା ଲାଗୁ ହେବାକୁ ଯାଉଛି। ଏଥିରେ ବାଲାନ୍ସ ଯାଞ୍ଚ କରିବା, ଅଟୋପେମେଣ୍ଟକୁ ଅନୁମତି ଦେବା, କାରବାର ସ୍ଥିତି ଦେଖିବା ଇତ୍ୟାଦି ସେବା ଅନ୍ତର୍ଭୁକ୍ତ। ଏହା ପରେ, ୟୁପିଆଇ ପେମେଣ୍ଟ ଆପ୍ ବ୍ୟବହାର କରିବାର ଉପାୟରେ ଯଥେଷ୍ଟ ପରିବର୍ତ୍ତନ ଆସିବ।

ୟୁପିଆଇ ନେଟୱାର୍କରେ ଅନାବଶ୍ୟକ ଲୋଡ୍ ନ ହେବା ପାଇଁ ଏନପିସିଆଇ ସର୍ବାଧିକ ବ୍ୟବହୃତ ୟୁପିଆଇ ସେବା ଉପରେ ସୀମା ଲାଗୁ କରିବାକୁ ଯାଉଛି। ସର୍କୁଲାରରେ ସ୍ପଷ୍ଟ ଭାବରେ କୁହାଯାଇଛି ଯେ ବ୍ୟାଙ୍କ ଏବଂ ପେମେଣ୍ଟ ଆପ୍ସକୁ ପ୍ରତ୍ୟେକ ଏପିଆଇ ଅନୁରୋଧର ସ୍ପିଡ୍‌ ଏବଂ ସଂଖ୍ୟା ସୀମିତ ହେବା ନିଶ୍ଚିତ କରିବାକୁ ପଡିବ।

ଏଥିରେ ଗ୍ରାହକ ଏବଂ ସିଷ୍ଟମ ଉଭୟ ଦ୍ୱାରା କରାଯାଇଥିବା ଏପିଆଇ ଅନୁରୋଧ ଅନ୍ତର୍ଭୁକ୍ତ ହେବ। ଯଦି ବ୍ୟାଙ୍କ କିମ୍ବା ଆପ୍ ଏହାକୁ ଅନୁସରଣ ନ କରନ୍ତି, ତେବେ ଏନପିସିଆଇ ସେମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ। ଯଦି ଆପଣଙ୍କର ୟୁପିଆଇ ଆପରେ ବାରମ୍ବାର ବାଲାନ୍ସ ଚେକ୍ କରିବାର ଅଭ୍ୟାସ ଅଛି, ତେବେ ଅଗଷ୍ଟ ୧ ରୁ ଆପଣ ଦିନକୁ କେବଳ ୫୦ ଥର ବାଲାନ୍ସ ଚେକ୍ କରିପାରିବେ।