LPG ସିଲିଣ୍ଡରରେ ଏବେ 700 ଟଙ୍କା ବଞ୍ଚାନ୍ତୁ: ଏହି ଉପାୟରେ ଲାଭ ଉଠାନ୍ତୁ

ଡିଜିଟାଲ୍ ପେମେଣ୍ଟ ପ୍ଲାଟଫର୍ମ ପେଟିଏମ୍ ଏହାର ଉପଭୋକ୍ତାମାନଙ୍କୁ ଗ୍ୟାସ୍ ସିଲିଣ୍ଡରରେ 700 ଟଙ୍କା ସଞ୍ଚୟ କରିବାର ସୁଯୋଗ ଦେଉଛି ।

Updated: Sunday, February 28, 2021, 16:56 [IST]

lpg cylinder price: ବଜାରରେ ବଢୁଥିବା ମହଙ୍ଗା ଦର ଏବେ ସାଧାରଣ ଜନତାଙ୍କ ଉପରେ ଦାଉ ସାଜିଛି । ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ମଧ୍ୟରେ ରେଳ ମନ୍ତ୍ରଣାଳୟ କିଛି ଟ୍ରେନର ଭଡା ମଧ୍ୟ ବୃଦ୍ଧି କରିଛି । ଏଥି ସହିତ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ମଧ୍ୟ କ୍ରମାଗତ ଭାବେ ବୃଦ୍ଧି ପାଉଛି । ଡିସେମ୍ବର ଠାରୁ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ 200 ଟଙ୍କା ବୃଦ୍ଧି ପାଇଛି ।

ଡିସେମ୍ବର ଆରମ୍ଭରେ 14.2 କିଲୋଗ୍ରାମ ସିଲିଣ୍ଡରର ମୂଲ୍ୟ 594 ଟଙ୍କା ଥିଲା, ଯାହା ବର୍ତ୍ତମାନ 794 ଟଙ୍କାକୁ ବୃଦ୍ଧି ପାଇଛି । କିଛି ଦିନ ପୂର୍ବରୁ ସିଲିଣ୍ଡର ମୂଲ୍ୟ 25 ଟଙ୍କା ବୃଦ୍ଧି କରାଯାଇଥିଲା । ସାଧାରଣ ଜନତାଙ୍କ ପାଇଁ ଅନ୍ୟ ସମସ୍ୟା ହେଉଛି ଅଧିକାଂଶ ଲୋକ ସବସିଡି ପାଉନାହାଁନ୍ତି । ଅର୍ଥାତ୍ ସିଲିଣ୍ଡରର ମହଙ୍ଗା ମାଡ ଠାରୁ ଦୂରେଇ ରହିବା ପାଇଁ କୌଣସି ଉପାୟ ନାହିଁ । କିନ୍ତୁ ଏପରି ଏକ ଉପାୟ ଅଛି ଯେଉଁଥିରେ ଆପଣ ସିଲିଣ୍ଡରର କିଣିବା ସମୟରେ ଟଙ୍କା ସଞ୍ଚୟ କରିପାରିବେ । ତାପୁଣି 100-200 ଟଙ୍କା ନୁହେଁ, ସମ୍ପୂର୍ଣ୍ଣ ଭାବରେ 700 ଟଙ୍କା । 100 ରୁ କମ୍ ମୂଲ୍ୟରେ ସିଲିଣ୍ଡର ପାଆନ୍ତୁ ।

ଏକ ଘରୋଇ ଗ୍ୟାସ୍ ସିଲିଣ୍ଡର ବୁକିଂରେ ଆପଣ 700 ଟଙ୍କା ସଞ୍ଚୟ କରିପାରିବେ । ଏହି ଉପାୟରେ ଆପଣ 100ରୁ କମ୍ ମୂଲ୍ୟରେ ଏକ ଗ୍ୟାସ୍ ସିଲିଣ୍ଡର ପାଇବେ । କିନ୍ତୁ ମନେରଖନ୍ତୁ ଯେ ଏହି ଲାଭ କେବଳ 28 ଫେବୃଆରୀ ଅର୍ଥାତ ଆଜି ହିଁ ନିଆଯାଇ ପାରିବ । ଏହି ବିଶେଷ ଅଫରର ଆଜି ହେଉଛି ଶେଷ ଦିନ ।

ବର୍ତ୍ତମାନ ଆମେ ଆପଣଙ୍କୁ କହିବୁ କିପରି ଏକ ଗ୍ୟାସ୍ ସିଲିଣ୍ଡରରେ 700 ଟଙ୍କା ସଞ୍ଚୟ କରିବେ । ପେଟିଏମରେ ଅଛି ଏହି ଅଫର୍ । ଡିଜିଟାଲ୍ ପେମେଣ୍ଟ ପ୍ଲାଟଫର୍ମ ପେଟିଏମ୍ ଏହାର ଉପଭୋକ୍ତାମାନଙ୍କୁ ଗ୍ୟାସ୍ ସିଲିଣ୍ଡରରେ 700 ଟଙ୍କା ସଞ୍ଚୟ କରିବାର ସୁଯୋଗ ଦେଉଛି । ଏହି ଅଫର ଅନୁଯାୟୀ ପେଟିଏମ୍ ବ୍ୟବହାରକାରୀଙ୍କୁ 700 ଟଙ୍କା କ୍ୟାସବ୍ୟାକ୍ ଦିଆଯିବ । ଏଠାରେ ଗୁରୁତ୍ୱପୂର୍ଣ୍ଣ ବିଷୟ ହେଲା ଯେ ଯେଉଁମାନେ ପେଟିଏମ୍ ରୁ ପ୍ରଥମ ଥର ପାଇଁ ଗ୍ୟାସ୍ ସିଲିଣ୍ଡର ବୁକ୍ କରିବେ ସେମାନଙ୍କୁ 700 ଟଙ୍କା କ୍ୟାସବ୍ୟାକ୍ ଦିଆଯିବ ।

ଏହିପରି କ୍ୟାସବ୍ୟାକ୍ ପାଇବାକୁ, ପ୍ରଥମେ ଫୋନରେ ପେଟିଏମ୍ ଆପ୍ ଇନଷ୍ଟଲ କରନ୍ତୁ । ଥରେ ଇନଷ୍ଟଲ୍ ହୋଇଗଲେ, ଆପ୍ ଖୋଲନ୍ତୁ ଏବଂ 'ରିଚାର୍ଜ ଏବଂ ପେ ବିଲ୍' ବିଭାଗକୁ ଯାଆନ୍ତୁ । ତା'ପରେ ବୁକ୍ ଏ ସିଲିଣ୍ଡର ଉପରେ କ୍ଲିକ୍ କରନ୍ତୁ ଏବଂ ଆପଣଙ୍କର ଗ୍ୟାସ୍ ପ୍ରଦାନକାରୀ ଚୟନ କରନ୍ତୁ, ଯାହା ଭାରତ ଗ୍ୟାସ୍, ଏଚପି ଗ୍ୟାସ୍ କିମ୍ବା ଇଣ୍ଡିୟାନ ହୋଇପାରେ । ବର୍ତ୍ତମାନ ଆପଣଙ୍କୁ ପଞ୍ଜୀକୃତ ମୋବାଇଲ୍ ନମ୍ବର କିମ୍ବା ଆପଣଙ୍କର LPG ID ପ୍ରବେଶ କରିବାକୁ ପଡିବ । LPG ID କିମ୍ବା ପଞ୍ଜୀକୃତ ମୋବାଇଲ୍ ପ୍ରବେଶ କରିବା ପରେ, ଦେୟ ଦେବା ପୂର୍ବରୁ ଅଫରରେ FIRSTLPG ପ୍ରୋମୋ କୋଡ୍ ପ୍ରବେଶ କରନ୍ତୁ । ଦେୟ ପରେ ଏହା ଆପଣଙ୍କୁ କ୍ୟାସବ୍ୟାକ୍ ଦେବ । ଏହି ଟଙ୍କା ପେଟିଏମ୍ ୱାଲେଟରେ ଆସିବ ।