ଡଲାର ତୁଳନାରେ 81 ଟଙ୍କା ପାର୍ କଲା ଭାରତୀୟ ମୁଦ୍ରା

ଆହୁରି ଦୁର୍ବଳ ହେଲା ଡଲାର ତୁଳନାରେ ଭାରତୀୟ ମୁଦ୍ରା । ଗୋଟିଏ ଡଲାର ତୁଳନାରେ ଭାରତୀୟ ଟଙ୍କା 81 ପାର କରିଯାଇଛି ।

Published: Friday, September 23, 2022, 12:06 [IST]

ନୂଆଦିଲ୍ଲୀ: ଆହୁରି ଦୁର୍ବଳ ହେଲା ଡଲାର ତୁଳନାରେ ଭାରତୀୟ ମୁଦ୍ରା । ଗୋଟିଏ ଡଲାର ତୁଳନାରେ ଭାରତୀୟ ଟଙ୍କା 81 ପାର କରିଯାଇଛି । ଡଲାର୍ ତୁଳନାରେ ଏବେ ସୁଦ୍ଧା ଏହା ଟଙ୍କାର ସର୍ବନିମ୍ନ ସ୍ତର ।

ଆଜି ଟଙ୍କାର ମୂଲ୍ୟ 44ପଇସା କମିଛି । ଆମେରିକୀୟ ବ୍ୟାଙ୍କରେ ସୁଧ ହାର ବଢିବା, ରୁଷ-ୟୁକ୍ରେନ୍ ସଙ୍କଟ ଏବଂ ମୁଦ୍ରାସ୍ଫିତୀ ରୋକିବାକୁ ବ୍ୟାଙ୍କ ଅଫ୍ ଇଂଲଣ୍ଡ ନେଉଥିବା କଠୋର ପଦକ୍ଷେପ ଭାରତୀୟ ମୁଦ୍ରା ଦୁର୍ବଳ ହେବା ପଛରେ ବଡ କାରଣ ବୋଲି କୁହାଯାଉଛି । ଗତକାଲି ଡଲାର ତୁଳନାରେ ଟଙ୍କାର ମୂଲ୍ୟ ଥିଲା 80.79 । ଆଜି ବଜାର ଖୋଲିବା ସମୟରେ ଟଙ୍କାର ମୂଲ୍ୟ 81.08 ଥିବା ବେଳେ ଏହା ଆହୁରି ତଳକୁ ଖସି 81.23 ରେ ପହଞ୍ଚିଥିବା ଦେଖାଯାଇଛି।

ବିଶ୍ଳେଷକମାନେ ଟଙ୍କାରେ ଅଧିକ ଦୁର୍ବଳତାର ସମ୍ଭାବନା ଦେଖନ୍ତି । ମୋଟାମୋଟି ଭାବେ, ଆରବିଆଇର ଅନୁପସ୍ଥିତି ସହିତ, ଟଙ୍କା ସ୍ୱଳ୍ପ ଅବଧିରେ ନୂତନ ନିମ୍ନସ୍ତର ପରୀକ୍ଷା କରିବାକୁ ଯାଉଛି ଏବଂ ଆମେ ଆଶା କରୁଛୁ ଯେ ମୁଦ୍ରା ନିକଟ ଅବଧିରେ 81.80 ଏବଂ 82.00 ସ୍ତର ପର୍ଯ୍ୟନ୍ତ ଦୁର୍ବଳ ହେବ ବୋଲି ସିଆର ଫୋରେକ୍ସ ଆଡଭାଇଜର୍ସ ଏକ ନୋଟରେ କହିଛନ୍ତି।

Published On September 23, 2022