ଦେଶରେ ଜିଡିପି ଅଭିବୃଦ୍ଧି 7.2 ପ୍ରତିଶତ ରହିବ : ଶକ୍ତିକାନ୍ତ ଦାସ

ରିଜର୍ଭବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ଭାରତରେ ନିବେଶ ଚାହିଦା ବୃଦ୍ଧି ପାଇବା ସହ ମୌଳିକ ଅର୍ଥ ପରିଚାଳନା ବ୍ୟବସ୍ଥା ସଠିକ୍ ଦିଗରେ ଗତି କରୁଥିବାରୁ ଅଭିବୃଦ୍ଧି ଅକ୍ଷୁଣ୍ଣ ରହିଛି । ରିଜର୍ଭ ବ୍ୟାଙ୍କର ମାସିକ ମୁଖପାତ୍ରରେ ଶ୍ରୀ ଦାସ କହିଛନ୍ତି ୨୦୨୪-୨୫ ଆର୍ଥିକ ବର୍ଷ ପାଇଁ ଭାରତର ପ୍ରକୃତ ଜିଡିପି ଅଭିବୃଦ୍ଧି ୭ ଦଶମିକ ୨ ପ୍ରତିଶତ ରହିବ ।

ସେ କହିଛନ୍ତି ଦେଶରେ କୃଷି କ୍ଷେତ୍ର ପ୍ରତି ବଦଳୁଥିବା ଦୃଷ୍ଟିକୋଣ ଏବଂ ଗ୍ରାମାଞ୍ଚଳରେ ଘରୋଇ ବ୍ୟବହାର ବୃଦ୍ଧି ପାଇବାର ଯଥେଷ୍ଟ ସମ୍ଭାବନା ରହିଛି । ଶ୍ରୀ ଦାସ କହିଛନ୍ତି ସେବା କ୍ଷେତ୍ରରେ ନିରନ୍ତର ଉନ୍ନତି ହେଉଥିବାରୁ ସହରାଞ୍ଚଳରେ ମଧ୍ୟ ଚାହିଦା ବୃଦ୍ଧି ପାଇଛି । ବଜେଟ୍ ଆକଳନ ଅନୁଯାୟୀ କେନ୍ଦ୍ର ଓ ରାଜ୍ୟ ସରକାରଙ୍କ ସରକାରୀ ଖର୍ଚ୍ଚ ବୃଦ୍ଧି ପାଇବ ବୋଲି ସେ କହିଛନ୍ତି । ରିଜର୍ଭ ବ୍ୟାଙ୍କ ଅନୁଯାୟୀ ୨୦୨୪- ୨୫ରେ ମୁଦ୍ରାସୀତି ୪ ଦଶମିକ ୫ ପ୍ରତିଶତ ରହିବା ନେଇ ଆକଳନ କରାଯାଇଛି ।