odisha budget 2021-22: କେନ୍ଦ୍ର ପରି ପେପରଲେସ ହେବ ରାଜ୍ୟ ବଜେଟ, ଫେରିଲା ପ୍ରଶ୍ନକାଳ

ଚଳିତ ବର୍ଷ ପେପରଲେସ ବଜେଟ ଆଗତ ହେବ । କେନ୍ଦ୍ର ବଜେଟ ପରି ରାଜ୍ୟ ବଜେଟ ମଧ୍ୟ ଡିଜିଟାଲ ମାଧ୍ୟମରେ ଉପସ୍ଥାପିତ ହେବ । ସେପଟେ ପୂର୍ବ ପରି ପୁଣଥିରେ ବିଧାନସଭାକୁ ଫେରିଲା ପ୍ରଶ୍ନକାଳ ।

Updated: Tuesday, February 2, 2021, 12:41 [IST]

ଭୁବନେଶ୍ୱର: ଆସନ୍ତା ୧୮ରୁ ଆରମ୍ଭ ହେବାକୁ ଯାଉଛି ରାଜ୍ୟ ବଜେଟ 2021-22 ଅଧିବେଶନ । ତେବେ ଅଧିବେଶନ ପୂର୍ବରୁ ବିଭିନ୍ନ ଦିଗକୁ ନେଇ ସୂଚନା ଦେଇଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର । ଚଳିତ ବର୍ଷ ପେପରଲେସ ବଜେଟ ଆଗତ ହେବ । କେନ୍ଦ୍ର ବଜେଟ ପରି ରାଜ୍ୟ ବଜେଟ ମଧ୍ୟ ଡିଜିଟାଲ ମାଧ୍ୟମରେ ଉପସ୍ଥାପିତ ହେବ । ସେପଟେ ପୂର୍ବ ପରି ପୁଣଥିରେ ବିଧାନସଭାକୁ ଫେରିଲା ପ୍ରଶ୍ନକାଳ । ପୁଣି ବିରୋଧିଙ୍କ ହୋ ହାଲ୍ଲାରେ କମ୍ପିବ ଗୃହ ।

ଫେବୃୟାରୀ ୧୮ରୁ ବଜେଟ ଅଧିବେଶନ ଆରମ୍ଭ ହୋଇ ଏପ୍ରିଲ ୯ ପର୍ଯ୍ୟନ୍ତ ଚାଲିବ । ୩୧ ଦିନିଆ କାର୍ଯ୍ୟଦିବସ ରହିଛି। ୨୨ରେ ବଜେଟ ଉପସ୍ଥାପନ, ୨୫ରେ ଆଲୋଚନା। ତେବେ ଫେବୃୟାରୀ 28ରୁ ମାର୍ଚ୍ଚ 11 ତାରିଖ ଯାଏ ଗୃହକାର୍ଯ୍ୟ ବନ୍ଦ ରହିବ । ପରେ ମାର୍ଚ୍ଚ 12ରୁ ଏପ୍ରିଲ 9 ତାରିଖ ଯାଏ ଚାଲିବ 2ୟ ପର୍ଯ୍ୟାୟ ଅଧିବେସନ ।

ତେବେ ପୂର୍ବ ଢାଞ୍ଚାରେ ଚାଲିବ ବିଧାନସଭା । କୋଭିଡ ଟେଷ୍ଟ ବାଧ୍ୟତାମୂଳକ ନୁହେଁ । କିନ୍ତୁ ଲକ୍ଷଣ ଥିଲେ ଆଣ୍ଟିଜେନ ଟେଷ୍ଟ କରାଯିବ । ସେପଟେ ବଜେଟ ଅଧିବେଶନରେ ସାମାଜିକ ଦୂରତାକୁ ପ୍ରାଧାନ୍ୟ ଦିଆଯିବା ସହ ପ୍ରତିଦିନ ବିଧାନସଭାକୁ ସାନିଟାଇଜ କରାଯିବ ବୋଲି କହିଛନ୍ତି ବାଚସ୍ପତି ସୂର୍ଯ୍ୟନାରାୟଣ ପାତ୍ର । ସେହିପରି ଯେଉଁ ବିଧାୟକ କିମ୍ବା ମନ୍ତ୍ରୀ ଚାହିଁବେ ଭିଡ଼ିଓ କନଫରେନ୍ସିଂରେ ନିଜ ଅଫିସରୁ ଉପସ୍ଥିତ ରହିପାରିବେ ।