ପେଟିଏମ ଉପରେ ଏଚ୍ଡିଏଫସି-ମୁକେଶଙ୍କର ଆଖି !
ନୂଆଦିଲ୍ଲୀ: ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ପେଟିଏମ୍ ବ୍ୟାଙ୍କ ଇପରେ ପ୍ରତିବନ୍ଧକ ଲଗା ଯିବା ଘରେ କମ୍ପାନିର ପେରେଣ୍ଟ କମ୍ପାନି ୱାନ୯୭ କମ୍ୟୁନିକେସନ ଉପରେ ସଂକଟ ବଢିବାରେ ଲାଗିଛି । କମ୍ପାନିର ସେୟାର ଲଗାତାର ତୃତୀୟ କାରବାର ଦିନରେ ଲୋୟର ସର୍କିଟ୍ ଛୁଇଁଛି । ଏବେ ପେଟିଏମ୍ ବ୍ୟାଙ୍କର ଲାଇସେନ୍ସ ଉପରେ ମଧ୍ୟ ସଂକଟର କଳା ବାଦଲ ରହିଛି ।
ଅନ୍ୟ ପକ୍ଷରେ ସଙ୍କଟ ଦେଇ ଗତି କରୁଥିବା ପେଟିଏମ୍ ପେମେଣ୍ଟ୍ସ ବ୍ୟାଙ୍କ ଏବେ ଅନ୍ୟମାନଙ୍କ ଲାଗି ବ୍ୟବସାୟ ବଢ଼ାଇବାର ସୁଯୋଗରେ ପରିଣତ ହୋଇଛି । ଚଳିତ ମାସ ୨୯ ପରେ ରିଜର୍ଭ ବ୍ୟାଙ୍କ କଟକଣା ଲାଗୁ ହେବ । ତେଣୁ ଏହା ପୂର୍ବରୁ ନିଜ ୱାଲେଟ୍କୁ ଅନ୍ୟ ବ୍ୟାଙ୍କ ସହ ଯୋଡ଼ିବା ଲାଗି ପେଟିଏମ୍ ଉଦ୍ୟମ ଆରମ୍ଭ କରିଛି । ଗ୍ରାହକମାନଙ୍କ ସୁବିଧାକୁ ଦୃଷ୍ଟିରେ ରଖି ପେଟିଏମ୍ ଏହାର ୱାଲେଟ୍କୁ ବିକ୍ରି କରିବା ଲାଗି ଉଦ୍ୟମ ଆରମ୍ଭ କରିଛି । ସେଥିପାଇଁ ଏହା ମୁକେଶ ଅମ୍ବାନିଙ୍କ ସଂସ୍ଥା ଜିଓ ଫାଇନାନ୍ସିଆଲ୍ ସର୍ଭିସେସ୍ ଓ ଏଚ୍ଡିଏଫ୍ସି ବ୍ୟାଙ୍କ ସହ କଥାବାର୍ତ୍ତା ଆରମ୍ଭ କରିଛି ।
ହିନ୍ଦୁ ବିଜନେସଲାଇନର ଏକ ରିପୋର୍ଟ ଅନୁସାରେ ମୁକେଶ ଅମ୍ବାନୀଙ୍କ କମ୍ପାନି ଜିଓ ଫାଇନାନସିଆଲ୍ ସର୍ଭିସେସ୍ ଏବଂ ଏଚ୍ ଡି ଏଫସି ବ୍ୟାଙ୍କ ସହ କଥାବାର୍ତ୍ତା ଜାରି ରହିଛି । ଏହି ଖବର ପରେ ସୋମବାର ବିଏସଇରେ ଜିଓ ଫାଇନାନ୍ସିଆଲ୍ ସର୍ଭି ସେସ୍ ସେୟାର ୧୪ ପ୍ରତିଶତ ବଢି ୨୮୯,୭୦ ଟଙ୍କାର ଅପର ସର୍କିଟ ଛୁଇଁଛି । ଉଲ୍ଲେଖଯୋଗ୍ୟ ଯେ ଜିଓ ଫାଇନାନ୍ସିଆଲ୍ ସର୍ଭିସେସ୍କୁ ଗତ ବର୍ଷ ରିଲାଏନ୍ସ ଇଣ୍ଡଷ୍ଟ୍ରି ଠାରୁ ଅଲଗା କରାଯାଇଥିଲା ।
ଏହାପରେ ୨୦୨୩ ଅଗଷ୍ଟରେଜିଓ ଫାଇନାନସିଆଲ ସର୍ଭିସେସର ସେୟାର ବଜାରରେ ଲିଷ୍ଟି" ହୋଇଥିଲା । ଲିଷ୍ଟି" ପରେ ଅନେକ ଦିନ ଯାଏ ଚାପରେ ରହିବା ପରେ ଏବେ ଏହି ସେୟାର ଟ୍ରାକ୍କୁ ଫେରିଛି । ମିଡିଆ ରିପୋର୍ଟରେ ଦାବି କରାଯାଉଛି ଯେ ପେଟି ଏମ୍ ପ୍ରତିଷ୍ଠାତା ବିଜୟ ଶେଖର ଶର୍ମା ଏବଂ ତାଙ୍କ ଟିମ୍ ଗତ ବର୍ଷ ନଭେମ୍ବର ମାସରୁ ଜଓ ଫାଇନାନ୍ସିଆଲ୍ ସହ କଥାବର୍ଭା ଆରମ୍ଭ କରିଥିଲେ । ସେହିପରି ଏଚଡିଏଫସି ବ୍ୟାଙ୍କ ସହ ଆଲୋଚନା ପେଟିଏମ ପେରେଣ୍ଟ ବ୍ୟାଙ୍କ ଉପରେ ଆକ୍ସନର ଠିକ୍ ପୂର୍ବରୁ ଆରମ୍ଭ ହୋଇଥିଲା ।
Click it and Unblock the Notifications
Sign in with Google