LPG Subsidy : ତିନି ଶହ ଟଙ୍କାରୁ କମରେ ଶସ୍ତାରେ କିଣନ୍ତୁ ଗ୍ୟାସ୍ ସିଲିଣ୍ଡର । ଜାଣନ୍ତୁ କଣ ରହିଛି ପ୍ରକ୍ରିୟା

ଗ୍ୟାସ ସିଲିଣ୍ଡର 300 ରୁ କମ୍ ମୂଲ୍ୟରେ ଉପଲବ୍ଧ । ଏହି ମହଙ୍ଗା ବଜରାରେ କିଭଳି ଶସ୍ତାରେ ଗ୍ୟାସ ସିଲିଣ୍ଡର ପାଇ ପାରିବେ ସେନେଇ ପ୍ରକ୍ରିୟା ଜାଣନ୍ତୁ ।

Published: Thursday, March 18, 2021, 20:44 [IST]

ଭୁବନେଶ୍ୱର । ବର୍ତ୍ତମାନ ସମୟରେ ପେଟ୍ରୋଲ-ଡିଜେଲର ବର୍ଦ୍ଧିତ ଦର ସାଧାରଣ ଲୋକଙ୍କୁ ଚିନ୍ତାରେ ପକାଇଛି । କେବଳ ସେତିକି ନୁହେଁ, ଯାହା ସବୁଠାରୁ ଅଧିକ ଦାଉ ସାଜିଛି ତାହା ହେଉଛି, ଘରୋଇ ଗ୍ୟାସ୍ ସିଲିଣ୍ଡର । ଗତ କିଛି ମାସ ମଧ୍ୟରେ ଏହାର ମୂଲ୍ୟ ପ୍ରାୟ 200 ଟଙ୍କା ବୃଦ୍ଧି ପାଇଛି, ଯେଉଁ କାରଣରୁ ସାଧାରଣ ଲୋକଙ୍କ ରୋଷେଇ ଘର ଖରାପ ଅବସ୍ଥାରେ ଅଛି । କିନ୍ତୁ ଯଦି ଆପଣ ଜାଣନ୍ତି ଯେ ଘରୋଇ ଗ୍ୟାସ ସିଲିଣ୍ଡର 300 ରୁ କମ୍ ମୂଲ୍ୟରେ ଉପଲବ୍ଧ ହେବ, ତେବେ ଆପଣ ନିଶ୍ଚିତ ଭାବରେ ଖୁସି ହେବେ । ଏହି ମହଙ୍ଗା ବଜରାରେ କିଭଳି ଶସ୍ତାରେ ଗ୍ୟାସ ସିଲିଣ୍ଡର ପାଇ ପାରିବେ ସେନେଇ ପ୍ରକ୍ରିୟା ଜାଣନ୍ତୁ ।

ବାସ୍ତବରେ ସରକାର ଘରୋଇ ଗ୍ୟାସ ସିଲିଣ୍ଡର ଉପରେ ସବସିଡି ପ୍ରଦାନ କରୁଛନ୍ତି । ବିଶେଷ କରି ପ୍ରଧାନମନ୍ତ୍ରୀ ଉଜ୍ୱଳା ଯୋଜନା ଅନୁଯାୟୀ ଗ୍ୟାସ ସିଲିଣ୍ଡର ଉପରେ ସବସିଡି 174.80 ରୁ 312.80 ଟଙ୍କାକୁ ବୃଦ୍ଧି କରାଯାଇଛି । ତେଣୁ ଯଦି ଆପଣ ଏହି ସ୍କିମ୍ ଅଧୀନରେ ପଞ୍ଜୀକୃତ ହୋଇଛନ୍ତି ତେବେ ଆପଣ ଗ୍ୟାସ୍ ସିଲିଣ୍ଡରରେ 312 ଟଙ୍କା ସଞ୍ଚୟ କରିପାରିବେ ।
ଆଧାର କାର୍ଡ ଜରୁରୀ
ପ୍ରଧାନମନ୍ତ୍ରୀ ଉଜ୍ୱଳା ଯୋଜନା ଅଧୀନରେ ଗ୍ୟାସ ସିଲିଣ୍ଡର ଉପରେ ସବସିଡି ପାଇବା ପାଇଁ ଆପଣଙ୍କ ଆଧାର କାର୍ଡ ଏହି ଯୋଜନା ସହିତ ସଂଯୁକ୍ତ ହେବା ଉଚିତ୍ । ଯଦି ଏହା କରି ନାହାନ୍ତି ତେବେ ସବସିଡି ପରିମାଣ ଆକାଉଣ୍ଟରେ ଆସିବ ନାହିଁ । ଆଧାର କାର୍ଡ ମାଧ୍ୟମରେ ଏଲପିଜି ସବସିଡି ପାଇବାକୁ ହେଲେ ଆଧାର କାର୍ଡକୁ ବ୍ୟାଙ୍କ ଆକାଉଣ୍ଟ ସହିତ ଲିଙ୍କ୍ କରିବାକୁ ପଡିବ । ସେହିଭଳି ଆପଣଙ୍କର ମୋବାଇଲ୍ ନମ୍ବର ମଧ୍ୟ ଗ୍ୟାସ୍ ଏଜେନ୍ସିରେ ପଞ୍ଜୀକୃତ ହେବା ଆବଶ୍ୟକ । ଯଦି ଆଧାର ଲିଙ୍କ୍ ହୋଇନାହିଁ କିମ୍ବା ମୋବାଇଲ୍ ନମ୍ବର ପଞ୍ଜିକୃତ ହୋଇନାହିଁ, ତେବେ ଏହି ସୁବିଧା ଆପଣଙ୍କୁ ଉପଲବ୍ଧ ହେବ ନାହିଁ ।
କିପରି କରିବେ ପଞ୍ଜିକରଣ
ଆପଣଙ୍କ ଆଧାର କାର୍ଡ ତିନୋଟି ଉପାୟରେ ପଞ୍ଜିକୃତ ହୋଇପାରିବ । ପ୍ରଥମଟି ମୋବାଇଲ୍ ନମ୍ବର ମାଧ୍ୟମରେ, ଦ୍ୱିତୀୟଟି SMS ମାଧ୍ୟମରେ ଏବଂ ତୃତୀୟଟି UIDAI ୱେବସାଇଟ୍ ପରିଦର୍ଶନ କରି । ଯେତେବେଳେ ଆପଣଙ୍କର ମୋବାଇଲ୍ ନମ୍ବର ପଞ୍ଜୀକୃତ ହୁଏ, ଆପଣ UID ଟାଇପ୍ କରି ଏହାକୁ ଗ୍ୟାସ୍ ଏଜେନ୍ସି ନମ୍ବରକୁ ପଠାଇ ଏହାକୁ ପୁନଃ ପଞ୍ଜିକରଣ କରିପାରିବେ । ଥରେ ପଞ୍ଜୀକୃତ ହୋଇଗଲେ, ଆପଣଙ୍କ ମୋବାଇଲରେ ସମସ୍ତ ସୂଚନା ଆସିବ ।

ଏହି ନମ୍ବରକୁ କଲ୍ କରନ୍ତୁ
ଯଦି ଆପଣ ଏହାକୁ ମୋବାଇଲ୍ ନମ୍ବରରୁ SMS ମାଧ୍ୟମରେ ପଞ୍ଜୀକୃତ କରିବାକୁ ସକ୍ଷମ ନୁହଁନ୍ତି, ତେବେ ଆପଣ ଇଣ୍ଡିୟାନ୍ ଗ୍ୟାସ୍ ଏଜେନ୍ସିର ଟୋଲ୍ ଫ୍ରି ନମ୍ବର 1800 2333 5555 କୁ କଲ କରିପାରିବେ ଏବଂ ସେଠାରେ ଥିବା କର୍ମଚାରୀଙ୍କୁ କହିପାରିବେ ଯେ ଆପଣଙ୍କୁ ଆଧାର ନମ୍ବର ଲିଙ୍କ୍ କରିବାକୁ ଚାହୁଁଛନ୍ତି । ସେଠାରେ ଥିବା ଗ୍ରାହକ ସେବା ଅଧିକାରୀମାନେ ଏହି କାର୍ଯ୍ୟ ତୁରନ୍ତ କରିଦେବେ ।
UIDAI ୱେବସାଇଟ୍ ମାଧ୍ୟମରେ
ଯଦି ଆପଣ ଅନ୍ଲାଇନରେ ଗ୍ୟାସ୍ ସବସିଡି ପାଇଁ ଆପଣଙ୍କର ଆଧାରକୁ ଲିଙ୍କ୍ କରିବାକୁ ଚାହୁଁଛନ୍ତି ତେବେ ଆପଣ UIDAI ୱେବସାଇଟ୍ ମାଧ୍ୟମରେ ମଧ୍ୟ ଏହି କାର୍ଯ୍ୟ କରିପାରିବେ । ଏଥିପାଇଁ ୱେବସାଇଟରେ ଆପଣଙ୍କର ନାମ ଠିକଣା, ସ୍କିମ୍, ଗ୍ୟାସ୍ ବିତରକ ସୂଚନା ପୂରଣ କରି ଆପଣ ଆଧାର ସବସିଡି ପାଇବାକୁ ୱେବସାଇଟ୍ ମାଧ୍ୟମରେ ଲିଙ୍କ୍ କରିପାରିବେ ।

Published On March 18, 2021