ଆଉ ଏକ ଖୁସି ଖବର: ଶସ୍ତା ହେବ ଖାଇବା ତେଲ !
ବେଲଗାମ୍ ଦରଦାମ୍ ସ୍ଥିତି ଭିତରେ ଜନସାଧାରଣଙ୍କ ପାଇଁ ଆଉ ଏକ ଖୁସି ଖବର । ପେଟ୍ରୋଲ ଡିଜେଲ ପରେ ଏଣିକି ଶସ୍ତା ହେବ ଖାଇବା ତେଲ ଦର ।
ନୂଆଦିଲ୍ଲୀ: ବେଲଗାମ୍ ଦରଦାମ୍ ସ୍ଥିତି ଭିତରେ ଜନସାଧାରଣଙ୍କ ପାଇଁ ଆଉ ଏକ ଖୁସି ଖବର । ପେଟ୍ରୋଲ ଡିଜେଲ ପରେ ଏଣିକି ଶସ୍ତା ହେବ ଖାଇବା ତେଲ ଦର । କେନ୍ଦ୍ର ସରକାର ଆମଦାନୀ ହେଉଥିବା ତେଲ ଉପରେ ଟିକସ ଛାଡ କରିଛନ୍ତି । ବିନା ଶୁଳ୍କରେ ୨୦ ଲକ୍ଷ ଟନ୍ ଖାଇବା ତେଲ ଆମଦାନୀ କରିବା ପାଇଁ ଅନୁମତି ମିଳିଛି ।
ପାଖାପାଖି ୨ ବର୍ଷ ପାଇଁ ସୋୟାବିନ୍ ଓ ସୂର୍ଯ୍ୟମୁଖି ତେଲର ଆମଦାନୀ ଉପରେ କଷ୍ଟମ ଡ୍ୟୁଟିକୁ ସରକାର ହଟାଇ ଦେଇଛନ୍ତି। ତେଣୁ ଭାରତୀୟ ବଜାରରେ ସୋୟାବିନ୍ ଓ ସୂର୍ଯ୍ୟମୁଖି ତେଲ ଦାମ୍ ଶସ୍ତା ହୋଇପାରେ ବୋଲି ଆଶା କରାଯାଉଛି। ବାର୍ଷିକ ୨୦ ଲକ୍ଷ MT ଅଶୋଧିତ ସୋୟାବିନ୍ ଓ ସୂର୍ଯ୍ୟମୁଖି ତେଲ ଆମଦାନୀକୁ ଅନୁମତି ପ୍ରଦାନ କରାଯାଇଛି।
ସୋୟାବିନ୍ ଓ ସନଫ୍ଲାୱାର ତେଲ ଆମଦାନୀ ଉପରେ ଶୁଳ୍କ, କୃଷି ଓ ଭିତ୍ତିଭୂମି ବିକାଶ ଶେସ୍ ଲାଗୁ କରାଯିବ ନାହିଁ । ୨୦୨୨-୨୩ ଓ ୨୦୨୩-୨୪ ଦୁଇ ଆର୍ଥିକ ବର୍ଷ ପାଇଁ ହି ନିଷ୍ପତ୍ତି ବଳବତ୍ତର ରହିବ । ଆବଶ୍ୟକତାର ୬୦% ସୋୟାବିନ୍ ଓ ସୂର୍ଯ୍ୟମୁଖି ତେଲ ଭାରତ ଆମଦାନୀ କରେ। ମୁଖ୍ୟତଃ ୟୁକ୍ରେନରୁ ସୂର୍ଯ୍ୟମୁଖି ତେଲ ଆମଦାନୀ ହୁଏ। ତେବେ ଯୁଦ୍ଧ ପାଇଁ ଅନେକ ଜିନିଷ ମହଙ୍ଗା ହେବାସହ ଏହାର ପ୍ରଭାବ ମଧ୍ୟ ପଡ଼ିଥିଲା।
Click it and Unblock the Notifications
Sign in with Google