EPFO ଆକାଉଣ୍ଟଧାରୀଙ୍କ ପାଇଁ ବଡ ଖବର: ବିନା ପ୍ରିମିୟମରେ ମିଳିବ ୭ ଲକ୍ଷର ବୀମା, ଏମିତି କରନ୍ତୁ ଆବେଦନ...

Published: Thursday, May 11, 2023, 18:30 [IST]

ନୂଆଦିଲ୍ଲୀ: ଯଦି ଆପଣଙ୍କର EPFOରେ ଆକାଉଣ୍ଟ୍ ଅଛି । ତେବେ ଏହା ଜାଣିବା ଆପଣଙ୍କ ପାଇଁ ଅତ୍ୟନ୍ତ ଆବଶ୍ୟକ । ଆପଣ ଜାଣନ୍ତି କି, EPFO ଏହାର ଆକାଉଣ୍ଟ ଧାରକମାନଙ୍କୁ ବୀମା ସୁବିଧା ଯୋଗାଇ ଥାଏ ।

EPFO ର ସମସ୍ତ ସଦସ୍ୟ ଏହି ସୁବିଧା ପାଇବାକୁ ଯୋଗ୍ୟ ଅଟନ୍ତି । ଏଥିରେ ଆକାଉଣ୍ଟଧାରୀଙ୍କୁ 7 ଲକ୍ଷ ଟଙ୍କା ପର୍ଯ୍ୟନ୍ତ ବୀମା ସୁବିଧା ମିଳିଥାଏ । ଯେଉଁଥିପାଇଁ ସେମାନଙ୍କୁ କୌଣସି ପ୍ରିମିୟମ ଦେବାକୁ ପଡେ ନାହିଁ ।

ତେବେ ଏହି ବୀମା ସୁବିଧା ପାଇବା ପାଇଁ ଆପଣଙ୍କୁ ଅଲଗା ଅଲଗା କିଛି କରିବାକୁ ପଡିବ ନାହିଁ । ଯଦି ଜଣେ EPFO ସଦସ୍ୟ ଅକାଳରେ ମରି ଯାଆନ୍ତି । ତେବେ ତାଙ୍କର ବୀମା ଦାବି କରାଯାଇ ପାରିବ । ଆସନ୍ତୁ ଜାଣିବା ନିୟମ କ'ଣ ?

କିଏ ବୀମା ଦାବି କରିପାରିବ ? ଇପିଏଫଓ ସଦସ୍ୟଙ୍କ ମୃତ୍ୟୁ ପରେ ଏହି ବୀମାରାଶି ପାଇଁ ଅବେଦନ କରାଯାଇଥାଏ । ତେବେ ନୋମିନ ବା ଉତରାଧିକାରୀ ଏହି ଆବେଦନ କରିପାରିବେ । ଏହି ଯୋଜନା ଅନ୍ତର୍ଗତ ସର୍ବନିମ୍ନ ବୀମା ସୁବିଧା ରାଶି ହେଉଛି 2.5 ଲକ୍ଷ ଟଙ୍କା । ଯେତେବେଳେ କି, ସର୍ବାଧିକ ବୀମା ରାଶି 7 ଲକ୍ଷ ଟଙ୍କା । ବୀମା ରାଶି ସିଧାସଳଖ ନାମାଙ୍କନକାରୀଙ୍କ ବ୍ୟାଙ୍କ ଆକାଉଣ୍ଟରେ ଜମା ହୋଇଥାଏ ।

ବୀମା ରାଶି କିପରି ସ୍ଥିର ହୁଏ ? ବୀମା ରାଶି ମୃତ ଇପିଏଫଓ ସଦସ୍ୟଙ୍କ ଗତ 12 ମାସର ବେତନ ଆଧାରରେ ବୀମାରାଶି ହିସାବ କରାଯାଇଥାଏ । ବୀମା ପରିମାଣ ଗତ 12 ମାସରେ ପ୍ରାପ୍ତ ମୌଳିକ ବେତନର 35 ଗୁଣ ଅଟେ । ଏହି ସମୟରେ ଏହାର ସର୍ବାଧିକ ସୀମା 7 ଲକ୍ଷ ଟଙ୍କା । ଯାହାକି ପୂର୍ବରୁ 6 ଲକ୍ଷ ଟଙ୍କା ରହିଥିଲା । କିନ୍ତୁ ଏବେ ସରକାର ଏହାକୁ 7 ଲକ୍ଷ କରିଛନ୍ତି । କିନ୍ତୁ ଏହି ସ୍କିମରେ ସର୍ବନିମ୍ନ 2 ଲକ୍ଷ 50 ହଜାର ପ୍ରଦାନ କରାଯାଉଛି ।

ସବୁଠାରୁ ବଡ଼ କଥା ହେଉଛି କି, ଇପିଏଫଓ ସଦସ୍ୟ ସର୍ବ ପ୍ରଥମେ ନୋମିନଙ୍କ ନାମ ପଞ୍ଜିକରଣ କରିବା ଜରୁରୀ । କାହିଁକି ନାଁ ଆପଣ ଯଦି ନୋମିନ ନରଖିବେ ତାହେଲେ ଏହି ସୁବିଧା ପାଇବା ସହଜ ନୁହେଁ । ଉତରାଧିକାରୀ ଏହି ବୀମା ରାଶି ପାଇଁ ଆବେଦନ କରିବାବେଳେ ବହୁ କାଗଜପତ୍ର ଆବଶ୍ୟକ ହୋଇଥାଏ । ଏପରିକି ଅନେକ ସମୟ ଲାଗିବା ସହ ଟଙ୍କା ପାଇବା ପାଇଁ ଅସୁବିଧାର ସମ୍ମୁଖୀନ ହେବାକୁ ପଡ଼ିବ ।

Published On May 11, 2023