ଭାରତର ସର୍ବକନିଷ୍ଠ ଅରବପତି ହେ‌ଲେ ଅରବିନ୍ଦ ଶ୍ରୀନିବାସ

୩୧ ବର୍ଷୀୟ ଚେନ୍ନାଇରେ ଜନ୍ମିତ ଏଆଇ ଉଦ୍ୟୋଗୀ ଆରଭିନ୍ଦ ଶ୍ରୀନିଭାସ ଏମ୍‌୩ଏମ୍‌ ହୁରୁନ୍‌ ଇଣ୍ଡିଆ ରିଚ୍‌ ଲିଷ୍ଟ୍‌ ୨୦୨୫ରେ ଭାରତର ସବୁଠାରୁ ଯୁବ ଆରବପତି ଭାବେ ସ୍ଥାନ ପାଇଛନ୍ତି। ୨୧,୧୯୦ କୋଟି ଟଙ୍କାର ସମ୍ପତ୍ତି ସହ ପରପ୍ଲେକ୍ସିଟି ଏଆଇର ପ୍ରତିଷ୍ଠାତା ତଥା ସିଇଓ ଶ୍ରୀନିଭାସ ଜେନେରେଟିଭ୍‌ ଏଆଇ କ୍ଷେତ୍ରରେ ଏକ ପ୍ରମୁଖ ନାମ ହୋଇଛନ୍ତି। ୧୯୯୪ ଜୁନ ୭ରେ ଜନ୍ମିତ ଶ୍ରୀନିଭାସ ଆଇଆଇଟି ମାଡ୍ରାସରୁ ପାଠ ପଢ଼ିବା ସହ ରିଇନ୍‌ଫୋର୍ସମେଣ୍ଟ ଲର୍ଣ୍ଣିଂ ଶିକ୍ଷା ଦେଇଥିଲେ। ୨୦୨୧ରେ କାଲିଫର୍ଣ୍ଣିଆ ବିଶ୍ୱବିଦ୍ୟାଳୟ, ବର୍କଲେରୁ କମ୍ପ୍ୟୁଟର ସାଇନ୍ସରେ ପିଏଚ୍‌ଡି ଶେଷ କରିଥିଲେ। ସେ ଓପନ୍‌ଏଆଇ, ଡିପ୍‌ମାଇଣ୍ଡ ଓ ଗୁଗଲ୍‌ରେ କାମ କରି ଏଆଇ ଓ ଭିଜନ୍‌ ମଡେଲ୍‌ କ୍ଷେତ୍ରରେ ଅଭିଜ୍ଞତା ହାସଲ କରିଥିଲେ।

୨୦୨୨ରେ ସେ ପରପ୍ଲେକ୍ସିଟି ଏଆଇ ପ୍ରତିଷ୍ଠା କରିଥିଲେ, ଯାହାର ଚାଟ୍‌-ଆଧାରିତ ସର୍ଚ୍ଚ ଇଞ୍ଜିନ୍‌ ଦ୍ରୁତ ଓ ବିଶ୍ୱସନୀୟ ଉତ୍ତର ପ୍ରଦାନ କରେ। ଭାରତରେ ପରପ୍ଲେକ୍ସିଟିର ସର୍ବାଧିକ ଉପଭୋକ୍ତା ଥିବାରୁ ଶ୍ରୀନିଭାସ ବେଙ୍ଗାଲୁରୁ କିମ୍ବା ହାଇଦ୍ରାବାଦରେ ଇଞ୍ଜିନିୟରିଂ ଟିମ୍‌ ଗଠନ ଓ ଟ୍ରାଭେଲ, ଶିକ୍ଷା ତଥା ସ୍ୱାସ୍ଥ୍ୟ କ୍ଷେତ୍ରରେ ଭାଗିଦାରୀ ଉପରେ ଧ୍ୟାନ ଦେଉଛନ୍ତି।