ଏହି ମାମଲାରେ ICICI ବ୍ୟାଙ୍କର ପୂର୍ବତନ CEO ଚନ୍ଦା କୋଚର ଦୋଷୀ ସାବ୍ୟସ୍ତ, ୬୪ କୋଟି ଟଙ୍କାର ଲାଞ୍ଚ ସହ ଜଡ଼ିତ ମାମଲା

ICICI ବ୍ୟାଙ୍କର ପୂର୍ବତନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO) ତଥା ମ୍ୟାନେଜିଂ ଡାଇରେକ୍ଟର ଚନ୍ଦା କୋଚରଙ୍କୁ ଏକ ଅପିଲେଟ ଟ୍ରିବ୍ୟୁନାଲ ଦୋଷୀ ସାବ୍ୟସ୍ତ କରିଛି। ତାଙ୍କ ବିରୁଦ୍ଧରେ ଭିଡିଓକନ ଗ୍ରୁପକୁ ୩୦୦ କୋଟି ଟଙ୍କାର ଋଣ ମଞ୍ଜୁର କରିବା ବଦଳରେ ୬୪ କୋଟି ଟଙ୍କାର ଲାଞ୍ଚ ଗ୍ରହଣ କରିଥିବା ଅଭିଯୋଗ ରହିଛି।

ଟାଇମ୍ସ ଅଫ ଇଣ୍ଡିଆର ଏକ ରିପୋର୍ଟ ଅନୁଯାୟୀ, ୩ ଜୁଲାଇ ୨୦୨୫ରେ ଜାରି ହୋଇଥିବା ଏକ ବିସ୍ତୃତ ଆଦେଶରେ ଟ୍ରିବ୍ୟୁନାଲ ସ୍ପଷ୍ଟ କରିଛି ଯେ ଚନ୍ଦା କୋଚର ଏହି ଲାଞ୍ଚ ତାଙ୍କ ସ୍ୱାମୀ ଦୀପକ କୋଚରଙ୍କ ମାଧ୍ୟମରେ ଭିଡିଓକନ ଗ୍ରୁପର ଏକ କମ୍ପାନୀଙ୍କ ଠାରୁ ଗ୍ରହଣ କରିଥିଲେ।

ICICI ବ୍ୟାଙ୍କର ପୂର୍ବତନ ସିଇଓ ଚନ୍ଦା କୋଚରଙ୍କୁ ୬୪ କୋଟି ଟଙ୍କା ଲାଞ୍ଚ ନେବାର ଅପିଲେଟ୍ ଟ୍ରିବ୍ୟୁନାଲ୍ ଦ୍ୱାରା ଦୋଷୀ ସାବ୍ୟସ୍ତ କରାଯାଇଛି । ଭିଡିଓକନ୍ ଗ୍ରୁପକୁ ୩୦୦କୋଟି ଟଙ୍କାର ଋଣ ଦେବା ବଦଳରେ ୬୪ କୋଟି ଲାଞ୍ଚ ନେଇଥିଲେ। ଟାଇମ୍ସ ଅଫ୍ ଇଣ୍ଡିଆ ରିପୋର୍ଟ ଅନୁଯାୟୀ, ଜୁଲାଇ ୩ରେ ଦିଆଯାଇଥିବା ଆଦେଶରେ, ଟ୍ରିବ୍ୟୁନାଲ୍ କହିଥିଲେ ଯେ, ଏହି ଟଙ୍କା ଚନ୍ଦାଙ୍କ ସ୍ୱାମୀ ଦୀପକ କୋଚରଙ୍କ ମାଧ୍ୟମରେ ଭିଡିଓକନ୍ ସହିତ ଜଡିତ ଏକ କମ୍ପାନୀ ମାଧ୍ୟମରେ ଦିଆଯାଇଥିଲା । ଏହାକୁ 'କ୍ୱିଡ୍ ପ୍ରୋ କୋ' (କିଛି ବଦଳରେ କିଛି)ର ସ୍ପଷ୍ଟ ମାମଲା ଭାବରେ ବର୍ଣ୍ଣନା କରାଯାଇଥିଲା ।

ପ୍ରବର୍ତ୍ତନ ନିର୍ଦ୍ଦେଶାଳୟ ଦାବି କରିଥିଲା ଯେ, ଚନ୍ଦା କୋଚର ICICI ବ୍ୟାଙ୍କର ଆଭ୍ୟନ୍ତରୀଣ ନୀତି ଉଲ୍ଲଂଘନ କରି ଏହି ଋଣ ପ୍ରଦାନ କରିଛନ୍ତି । ଟ୍ରିବ୍ୟୁନାଲ୍ ଇଡ଼ିର ଦାବିକୁ ସମର୍ଥନ କରି କହିଛି କି ଚନ୍ଦା ତାଙ୍କ ସ୍ୱାମୀଙ୍କ ଭିଡିଓକନ୍ ସହିତ ବ୍ୟବସାୟିକ ଲିଙ୍କକୁ ଲୁଚାଇଥିଲେ । ଯାହା ବ୍ୟାଙ୍କର ସ୍ୱାର୍ଥ ନିୟମ ବିରୁଦ୍ଧରେ ଥିଲା ।

ଟ୍ରିବ୍ୟୁନାଲ୍ ଅନୁଯାୟୀ, ICICI ବ୍ୟାଙ୍କ ଭିଡିଓକନ୍‌କୁ ୩୦୦ କୋଟି ଟଙ୍କାର ଋଣ ଦେବା ମାତ୍ରେ, ପରଦିନ ଭିଡିଓକନ୍‌ର କମ୍ପାନୀ SEPLରୁ ୬୪ କୋଟି ଟଙ୍କା NRPLକୁ ସ୍ଥାନାନ୍ତରିତ ହୋଇଥିଲା। କାଗଜପତ୍ରରେ, NRPL ଭିଡିଓକନ୍‌ର ଅଧ୍ୟକ୍ଷ ଭେଣୁଗୋପାଳ ଧୂତଙ୍କ ଦର୍ଶାଯାଇଥିଲା । କିନ୍ତୁ ବାସ୍ତବରେ ଏହା ଦୀପକ କୋଚ୍ଚରଙ୍କ ଦ୍ୱାରା ନିୟନ୍ତ୍ରିତ ଥିଲା, ଯିଏ ଏହାର ପରିଚାଳନା ନିର୍ଦ୍ଦେଶକ ମଧ୍ୟ ଥିଲେ। ଟ୍ରିବ୍ୟୁନାଲ୍ ଏହାକୁ ଲାଞ୍ଚର ସିଧାସଳଖ ପ୍ରମାଣ ବୋଲି ବିବେଚନା କରିଥିଲେ।

ଟ୍ରିବ୍ୟୁନାଲ୍ ୨୦୨୦ ମସିହାରେ ଏକ କର୍ତ୍ତୃପକ୍ଷଙ୍କ ନିଷ୍ପତ୍ତିକୁ ମଧ୍ୟ ସମର୍ଥନ କରିଥିଲେ, ଯେଉଁଥିରେ ଚନ୍ଦା ଏବଂ ତାଙ୍କ ସହଯୋଗୀଙ୍କ ୭୮ କୋଟି ଟଙ୍କାର ସମ୍ପତ୍ତି ମୁକ୍ତ କରାଯାଇଥିଲା। ଟ୍ରିବ୍ୟୁନାଲ୍ କହିଛନ୍ତି ଯେ, ଲୋନ୍ ପାସ୍ କରିବା ଏବଂ ଦୀପକ କୋଚରଙ୍କ କମ୍ପାନୀକୁ ପାଣ୍ଠି ପଠାଇବା ସବୁକିଛି କିଛି ଚନ୍ଦା କୋଚରଙ୍କ ଦ୍ୱାରା କ୍ଷମତାର ଅପବ୍ୟବହାର । ଏବଂ ନୀତିର ଉଲ୍ଲଂଘନ ।