୧୩ ବର୍ଷ ପରେ ଆପଲ ସାମସଙ୍ଗଠୁ ଛଡ଼ାଇନେଲା ମାର୍କେଟ, ଆପଲ ବନିଲା ବିଶ୍ୱର ନଂ-୧ ସ୍ମାଟଫୋନ୍ ବ୍ରାଣ୍ଡ

ଅଗ୍ରୀଣ ସ୍ମାର୍ଟଫୋନ୍ ନିର୍ମାତା ଭାବରେ ଏକ ଦଶନ୍ଧିରୁ ଉର୍ଦ୍ଧ୍ୱ ସମୟ ଧରି ରହି ସମାସଙ୍ଗ ବିଶ୍ୱରେ ରେକର୍ଡ଼ ସୃଷ୍ଟି କରିଥିଲା । କିନ୍ତୁ ବର୍ତ୍ତମାନ ଏହି କ୍ଷେତ୍ରରେ ଆପଲ୍ ସାମସଙ୍ଗକୁ ଅତିକ୍ରମ କରିଛି । କମ୍ପାନୀ ୨୦୨୩ ମସିହାରେ ସର୍ବାଧିକ ସଂଖ୍ୟକ ସ୍ମାର୍ଟଫୋନ୍ ବିକ୍ରି କରିଛି । ଏହା ଆଇଡିସି ରିପୋର୍ଟରେ ପ୍ରକାଶ ପାଇଛି ୨୦୧୦ ପରଠାରୁ ଏହା ପ୍ରଥମ ଥର ପାଇଁ ବିଶ୍ୱର ସ୍ମାର୍ଟଫୋନ୍ ନିର୍ମାତା କ୍ଷେତ୍ରରେ ଆପଲ୍ ସାମସଙ୍ଗକୁ ଅତିକ୍ରମ କରିଛି ।

ଆପଲ୍ ର ଏହି ଅଭିବୃଦ୍ଧିର କାରଣ ହେଉଛି ପ୍ରିମିୟମ୍ ଆଇଫୋନ୍ ମଡେଲ୍ ଏବଂ ଆକର୍ଷଣୀୟ ଅଫରଗୁଡିକର ଲୋକପ୍ରିୟତା । ୨୦୨୩ ମସିହାରେ ବିଶ୍ୱର ସ୍ମାର୍ଟଫୋନ୍ ସିପମେଣ୍ଟ ହ୍ରାସ ପାଇଥିଲା । ଗତ ବର୍ଷ ତୁଳନାରେ ଏଥର ୩.୨ ପ୍ରତିଶତ ହ୍ରାସ ଘଟିଛି । ତେବେ, ୨୦୨୩ ବର୍ଷର ଶେଷ ତ୍ରୟୋ ମାସିକରେ, ୨୦୨୨ ବର୍ଷ ତୁଳନାରେ ୮.୫ ପ୍ରତିଶତ ଅଭିବୃଦ୍ଧି ଦେଖାଯାଇଛି । ୨୦୨୪ ମସିହାରେ ମଧ୍ୟ ଏହି ଅଭିବୃଦ୍ଧି ଦେଖାଯିବ ବୋଲି ଆଶା କରାଯାଉଛି ।

ବିଶ୍ୱର ଶ୍ରେଷ୍ଠ ସ୍ମାର୍ଟଫୋନ୍ ବ୍ରାଣ୍ଡ ବିଷୟରେ କହିବାକୁ ଗଲେ ବର୍ତ୍ତମାନ ଆପଲ୍ ଶୀର୍ଷରେ ପହଞ୍ଚିଛି । ସାମସଙ୍ଗ ଦ୍ୱିତୀୟ ସ୍ଥାନରେ ରହିଛି ଏହା ପରେ ଜାଓମି ତୃତୀୟ ସ୍ଥାନରେ, ଓପୋ ଚତୁର୍ଥ ସ୍ଥାନରେ ଏବଂ ଟ୍ରାନ୍ସସିଅନ୍ ହୋଲ୍ଡିଂ ୫ ମ ସ୍ଥାନରେ ଅଛି । ଆଇଡ଼ିସି ରିପୋର୍ଟ ଅନୁଯାୟୀ, ସ୍ମାର୍ଟଫୋନ୍ ସିପମେଣ୍ଟ ହ୍ରାସ ହେବାର କାରଣ ହେଉଛି କଠିନ ମାକ୍ରୋ-ଅର୍ଥନୈତିକ ପରିବେଶ ।

English summary

Apple World’s Largest Smartphone Maker . ଅଗ୍ରୀଣ ସ୍ମାର୍ଟଫୋନ୍ ନିର୍ମାତା ଭାବରେ ଏକ ଦଶନ୍ଧିରୁ ଉର୍ଦ୍ଧ୍ୱ ସମୟ ଧରି ରହି ସମାସଙ୍ଗ ବିଶ୍ୱରେ ରେକର୍ଡ଼ ସୃଷ୍ଟି କରିଥିଲା । କିନ୍ତୁ ବର୍ତ୍ତମାନ ଏହି କ୍ଷେତ୍ରରେ ଆପଲ୍ ସାମସଙ୍ଗକୁ ଅତିକ୍ରମ କରିଛି ।