ଟ୍ବିଟର ପରେ ଏଣିକି ଫେସବୁକ୍ ବିକିବ ବ୍ଲୁ ଟିକ୍, ୟୁଜର୍ସଙ୍କୁ ଗଣିବାକୁ ପଡିବ ମୋଟା ଅଙ୍କର ଟଙ୍କା

ଟ୍ବିଟର ପରେ ଏଣିକି ଫେସବୁକ୍ ବିକିବ ବ୍ଲୁ ଟିକ୍ । ଚଳିତ ସପ୍ତାହରେ ମେଟା ଭେରିଫାଏଡ୍ ଲଞ୍ଚ କରାଯିବା ନେଇ ଘୋଷଣା କରିଛନ୍ତି ମେଟା ଫାଉଣ୍ଡର ମାର୍କ ଜୁକରବର୍କ ।

Facebook Blue Tick: ଟ୍ବିଟର ପରେ ଏଣିକି ଫେସବୁକ୍ ବିକିବ ବ୍ଲୁ ଟିକ୍ । ଚଳିତ ସପ୍ତାହରେ ମେଟା ଭେରିଫାଏଡ୍ ଲଞ୍ଚ କରାଯିବା ନେଇ ଘୋଷଣା କରିଛନ୍ତି ମେଟା ଫାଉଣ୍ଡର ମାର୍କ ଜୁକରବର୍କ । ଟଙ୍କା ଦେଇ ଆକାଣ୍ଟ ଭେରିଫାଏ କରିବା ସହ ବ୍ଲୁ ଟିକ୍ ପାଇ ପାରିବେ ୟୁଜର୍ସ । ଏହା ପୂର୍ବରୁ ଟ୍ୱିଟରକୁ ନେଇ ଏଲନ୍ ମସ୍କ ମଧ୍ୟ ଏଭଳି ଘୋଷଣା କରି ସାରିଛନ୍ତି ।

ବ୍ଲୁ ଟିକକୁ ନେଇ ଫେସବୁକ ବଡ଼ ଘୋଷଣା କରିବ ବୋଲି ଦୀର୍ଘ ଦିନରୁ ଚର୍ଚ୍ଚା ଲାଗି ରହିଥିଲା । ଏଥିପାଇଁ ମାର୍କ ଜୁକରବର୍ଗଙ୍କ ଟିମ୍ ଦୀର୍ଘ ଦିନ ଧରି ମେଟା ଭେରିଫାଏଡ ଡାଟା ଉପରେ ଗବେଷଣା ମଧ୍ୟ କରୁଥିଲେ । ଜୁକରବର୍ଗ ତାଙ୍କ ଫେସବୁକ ପୋଷ୍ଟରେ ଲେଖିଛନ୍ତି, ଚଳିତ ସପ୍ତାହରେ ଆମେ ମେଟା ଭେରିଫାଏଡ୍ ନାମକ ଏକ ସବସ୍କ୍ରିପସନ୍ ସର୍ଭିସ ଆରମ୍ଭ କରିବାକୁ ଯାଉଛୁ । ଏହା ଦ୍ୱାରା ଜଣେ ବ୍ୟକ୍ତି ସରକାରୀ ପରିଚୟ ପତ୍ର ଦେଇ ନିଜର ଆକାଉଣ୍ଟକୁ ଭେରିଫିକେସନ୍ କରିପାରିବେ ।

ତେବେ ୱେବ ୟୁଜର୍ସଙ୍କୁ ମାସିକ ୧୧.୯୯ ଡଲାର ଅର୍ଥାତ ପ୍ରାୟ ୧ ହଜାର ଟଙ୍କା ଓ ଆଇଫୋନ ୟୁଜର୍ସଙ୍କୁ ୧୪.୯୯ ଅର୍ଥାତ ପ୍ରାୟ ୧୨ ଶହ ଟଙ୍କା ମାସିକ ଦେବାକୁ ହେବ । ଏହି ସର୍ଭିସ ଲାଗୁ ହେବା ଦ୍ବାରା ଫେକ୍ ଆକାଉଣ୍ଟ ସମସ୍ୟା ରହିବ ନାହିଁ । ଏହା ସହ ୟୁଜର୍ସ ସିଧାସଳଖ କଷ୍ଟମର ସପୋର୍ଟଙ୍କ ସହ ସମ୍ପର୍କ କରି ପାରିବେ । ପ୍ରଥମେ ଅଷ୍ଟ୍ରେଲିଆ, ନ୍ୟୁଜିଲାଣ୍ଡରେ ଏହି ସେବା ଆରମ୍ଭ ହେବ । ପରେ ଅନ୍ୟ ଦେଶରେ ଏହାକୁ ଆରମ୍ଭ କରାଯିବ ବୋଲି ଜୁକରବର୍ଗ କହିଛନ୍ତି । ଉଭୟ ଫେସବୁକ ଓ ଇନଷ୍ଟାଗ୍ରାମ ପାଇଁ ବ୍ଲୁ ଟିକ୍ ସେବା ଆରମ୍ଭ କରିବ ପ୍ୟାରେଣ୍ଟ କମ୍ପାନୀ ମେଟା ।

English summary

After Twitter, Facebook will Sell Blue Tick