ନବରାତ୍ରୀର ଏହି ଦିନ କରନ୍ତୁ କନିଆ ପୂଜା, ଦୂର ହେବ ବାଧାବିଘ୍ନ

Published: Friday, October 20, 2023, 19:22 [IST]

Navratri Kanya Pujan 2023: ଶାରଦୀୟ ନବରାତ୍ରୀ ଶେଷ ହେବାକୁ ଆଉ ମାତ୍ର କିଛି ଦିନ । ୨୧ ଅକ୍ଟୋବର ଦିନ ମହାସପ୍ତମୀ ,ସେହିପରି ୨୨ ଅକ୍ଟୋବର ଦିନ ମହାଷ୍ଟମୀ ଏବଂ ୨୩ ତାରିଖରେ ମହାନବମୀ, ୨୪ ଅକ୍ଟୋବର 2023 ରେ ବିଜୟଦାସମୀ ପାଳନ କରାଯିବ ।

ସେହିପରି କନିଆ ପୂଜା ବିନା ନବରାତ୍ରୀ ଅସମ୍ପୂର୍ଣ୍ଣ ବୋଲି କୁହାଯାଏ । କନିଆ ପୂଜାରେ ଛୋଟ ଛୋଟ ଝିଅଙ୍କର ପୂଜର୍ଚ୍ଚନା କରିବା ସହ ତାଙ୍କୁ ସୁନ୍ଦର ସୁନ୍ଦର ଉପହାର ମଧ୍ୟ ଦିଆଯାଏ । ଝିଅମାନେ ଦେବୀ ଦୁର୍ଗାଙ୍କର ରୂପ ବୋଲି ବିବେଚନା କରାଯାଏ । ତେବେ ଚାଲନ୍ତୁ ଜାଣିବା ଚଳିତ ବର୍ଷ କାନିଆ ପୂଜାର ତାରିଖ, ସମୟ ଏବଂ ମହତ୍ତ୍ୱ ।

ଶାସ୍ତ୍ର ଅନୁଯାୟୀ, କନ୍ୟା ପୂଜା କେବଳ ନବରାତ୍ରିର ୯ ଦିନ ସମାପ୍ତ ହେବା ପରେ କରାଯାଇଥାଏ ଏବଂ ଏହା ପରେ ଉପବାସ ଶେଷ ହୋଇଥାଏ, କିନ୍ତୁ ଯେଉଁମାନେ ଅଷ୍ଟମୀରେ ସେମାନଙ୍କର କୁଲଦେବୀଙ୍କୁ ପୂଜା କରନ୍ତି ସେମାନେ ମହାଷ୍ଟମୀ ଦିନ କାନିଆ ପୂଜା କରିପାରିବେ । ଉଭୟ ଅଷ୍ଟମୀ ଏବଂ ନବମୀ ଦିନ ନବରାତ୍ରିରେ ଗୁରୁତ୍ୱପୂର୍ଣ୍ଣ ବିବେଚନା କରାଯାଏ । କୁହାଯାଏ ଯେ ନବରାତ୍ରୀରେ ଛୋଟ ଝିଅ ମାନଙ୍କ ପୂଜାର୍ଚ୍ଚନା କରିବା ଦ୍ୱାରା ମା ଦୁର୍ଗା ଖୁସି ହୁଅନ୍ତି ଏବଂ ଖାଦ୍ୟ ଶସ୍ୟର ଭଣ୍ଡାର ଭର୍ତ୍ତି କରିଦିଅନ୍ତି ବୋଲି ମାନ୍ୟତା ରହିଛି ।

ଅଶ୍ୱିନ୍ ଶୁକ୍ଳ ମହାଅଷ୍ଚମୀ ଅର୍ଥାତ୍ ଦୁର୍ଗାଷ୍ଟାମି ୨୧ ଅକ୍ଟୋବର ୨୦୨୩ରେ ୦୯.୫୩ ରୁ ଆରମ୍ଭ ହେବ ଏବଂ ୨୨ ଅକ୍ଟୋବର ୨୦୨୩ରେ ଅପରାହ୍ନ ୦୭.୫୮ ପର୍ଯ୍ୟନ୍ତ ଚାଲିବ। ସକାଳ କିମ୍ବା ଅପରାହ୍ନ ସମୟ ଝିଅଙ୍କ ପୂଜା କରିବା ପାଇଁ ଶୁଭ ବୋଲି ବିବେଚନା କରାଯାଏ ।

ଦେବୀ ପୁରାଣ ଅନୁଯାୟୀ ଯେତେବେଳେ ଦେବରାଜ ଇନ୍ଦ୍ର ଭଗବାନ ଦେବୀ ଭଗବତୀଙ୍କୁ ଖୁସି କରିବା ପାଇଁ ବ୍ରହ୍ମାଙ୍କୁ ପଦ୍ଧତି ମାଗିଥିଲେ, ସେତେବେଳେ କୁମାରୀ ପୂଜାପାଠକୁ ସର୍ବୋତ୍ତମ ପଦ୍ଧତି ବୋଲି କୁହାଯାଇଥିଲା । ଏହି ପୂଜା ସମୟରେ ନଅ ଜଣ ଝିଅଙ୍କ ପୂଜାର୍ଚ୍ଚନା କରାଯାଏ । ଝିଅ ମାନଙ୍କ ପାଦ ଧୋଇବା ସିନ୍ଦୁର ଚନ୍ଦନ ଲଗାଇ ପୂଜା କରାଯାଏ । ତେବେ ମନସ୍କାମନା ପୂରଣ ହେବା ପାଇଁ କନିଆ ପୂଜା କରାଯାଏ ଏବଂ ଶତ୍ରୁମାନେ ବି ନଷ୍ଟ ହୋଇଥାନ୍ତି । କୁମାରୀଙ୍କ ପୂଜାର୍ଚ୍ଚନା କରିବା ଦ୍ୱାରା ସମ୍ମନା, ଲକ୍ଷ୍ମୀ,ଜ୍ଞାନ ଏବଂ ବିଦ୍ୟା ପ୍ରାପ୍ତ ହୋଇଥାଏ ଏପରିକି ସମସ୍ତ ବାଧାବିଘ୍ନ ଦୂର ହୋଇଥାଏ ।

Published On October 20, 2023