ଆସନ୍ତାକାଲି ସୂର୍ଯ୍ୟପରାଗ, ଜାଣନ୍ତୁ ଭାରତରେ ଦୃଶ୍ୟମାନ ହେବ ନା ନାହିଁ....

Solar Eclipse 2025: ୨୦୨୫ ବର୍ଷରେ ଦୁଇଟି ସୂର୍ଯ୍ୟ ପରାଗ ଏବଂ ୨ଟି ଚନ୍ଦ୍ର ଗ୍ରହଣ ଘଟିବ । ବର୍ଷର ପ୍ରଥମ ସୂର୍ଯ୍ୟ ପରାଗ ୨୯ ମାର୍ଚ୍ଚ, ୨୦୨୫ ରେ ଘଟିବ, କିନ୍ତୁ ଏହା ଭାରତରେ ଦୃଶ୍ୟମାନ ହେବ ନାହିଁ। ଏହା ଆଂଶିକ ସୂର୍ଯ୍ୟପରାଗ । ଅର୍ଥାତ୍ ଚନ୍ଦ୍ର ସୂର୍ଯ୍ୟର କେବଳ ଏକ ଅଂଶକୁ ଆଚ୍ଛାଦିତ କରିବ ।

ଏହା ଭାରତରେ ଦୃଶ୍ୟମାନ ହେବ ନାହିଁ। ୟୁରୋପର ଅନେକ ଅଂଶରେ ଏହି ପରାଗ ଦୃଶ୍ୟମାନ ହେବ । ଏସିଆ, ଆଫ୍ରିକା, ଉତ୍ତର ଆମେରିକା, ଦକ୍ଷିଣ ଆମେରିକା, ଆଟଲାଣ୍ଟିକ୍ ଏବଂ ଆର୍କଟିକ୍ ମହାସାଗର ମଧ୍ୟ ବର୍ଷର ପ୍ରଥମ ସୂର୍ଯ୍ୟ ପରାଗ ଦେଖିବା ପାଇଁ ମିଳିବ । ଏହି ଜ୍ୟୋତିର୍ବିଜ୍ଞାନ ଘଟଣା ଭାରତରେ ସିଧାସଳଖ ଦୃଶ୍ୟମାନ ହେବ ନାହିଁ, କିନ୍ତୁ ଜ୍ୟୋତିର୍ବିଜ୍ଞାନ ପ୍ରେମୀମାନେ ଏହାକୁ ଇଣ୍ଟରନେଟ୍ ଏବଂ ଟେଲିଭିଜନ ମାଧ୍ୟମରେ ସିଧା ଦେଖିପାରିବେ।

ନାସା ରିପୋର୍ଟ ଅନୁସାରେ, ୨୯ ମାର୍ଚ୍ଚରେ ସୂର୍ଯ୍ୟପରାଗ ସକାଳ ୪:୫୦ ରେ ଆରମ୍ଭ ହେବ ଏବଂ ସକାଳ ୮:୪୩ ପର୍ଯ୍ୟନ୍ତ ଦୃଶ୍ୟମାନ ହେବ । ଦିନରେ ସାମାନ୍ୟ ଅନ୍ଧକାର ଛାଇ ପଡ଼ିବ। ଯେତେବେଳେ ଚନ୍ଦ୍ର ପୃଥିବୀ ଏବଂ ସୂର୍ଯ୍ୟ ମଧ୍ୟରେ ଏକ ସିଧାସଳଖ ରେଖା ତିଆରି କରେ ଏବଂ ଚନ୍ଦ୍ର ସୂର୍ଯ୍ୟର ଆଲୋକକୁ ପୃଥିବୀରେ ପହଞ୍ଚିବାରୁ ଅବରୋଧ କରେ, ସେତେବେଳେ ସୂର୍ଯ୍ୟପରାଗ ହୋଇଥାଏ । ସାଧାରଣତଃ ପରାଗ ଅମାବାସ୍ୟା ସମୟରେ ଘଟେ ।