ବିଶ୍ୱସ୍ତରୀୟ ବ୍ରାଣ୍ଡ ହେବ ଓଡିଶାର ବାନ୍ଧକଳା

ଓଡିଶାର ବାନ୍ଧକଳା ଇକାତ ଡିଜାଇନକୁ ବିଶ୍ୱସ୍ତରରେ ବ୍ରାଣ୍ଡଭାବରେ ପରିଣତ କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଏଥିସହ ସମ୍ବଲପୁରୀ, ସୋନପୁରୀ ପାଟ ସହ ଇକାତ୍ ଡିଜାଇନ୍ ମଧ୍ୟ ବିଭିନ୍ନ ଅନଲାଇନ୍ ସାଇଟରେ ବିକ୍ରି କରାଯିବ ।

ଭୁବନେଶ୍ବର : ଓଡିଶାର ବାନ୍ଧକଳାର ସବୁବେଳେ ଚାହିଦା ରହି ଆସିଛି । ଏପରିକି ଜାତୀୟ ଓ ଆନ୍ତର୍ଜାତୀୟସ୍ତରରେ ଓଡିଶାର ବାନ୍ଧକଳା ଅନେକ ସୁନାମ ଅର୍ଜନ କରିଛି । ଏହାର ଆକର୍ଷଣୀୟ ଡିଜାଇନ ବିଶ୍ୱସ୍ତରରେ ଖୁବ୍ କ୍ଷାତି ଅର୍ଜନ କରିଛି । ଏବେ ରାଜ୍ୟ ସରକାର ଏହି ବାନ୍ଧକଳାକୁ 'ବ୍ରାଣ୍ଡ' ଭାବରେ ପରିଣତ କରିବାକୁ ଯାଉଛନ୍ତି । ଓଡିଶାର ବାନ୍ଧକଳା 'ଇକାତ' ଡିଜାଇନ ଏବେ ବିଶ୍ବସ୍ତରରେ ବ୍ରାଣ୍ଡ ହେବାକୁ ଯାଉଛି । ରାଜ୍ୟ ସରକାର ଏନେଇ ତାଙ୍କର ପ୍ରସ୍ତୁତି ଆରମ୍ଭ କରିଛନ୍ତି । ଏହି ବ୍ରାଣ୍ଡର ଯେପରି ପ୍ରଚାର ଓ ପ୍ରସାର ହେବ ଏବଂ ବୟନ ଓ ହସ୍ତତନ୍ତ କ୍ଷେତ୍ରରେ ଅଧିକରୁ ଅଧିକ ପୁଞ୍ଜିନିବେଶ କରାଯିବ ସେନେଇ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଆନ୍ତର୍ଜାତିକ ସ୍ତରରେ କ୍ଷାତି ଅର୍ଜନ କରିଥିବା ଡିଜାଇନର ଆର.କେ.ଚିଷ୍ଟି, ଆବ୍ରାହମ ଠାକୁର, ରାଜେଶ ପ୍ରତାପ ସିଂ, ଅଞ୍ଜଳି କାଲିଆ ଓ ବିଭୁ ମହାପାତ୍ରଙ୍କୁ ଏହି ବାନ୍ଧକଳା ଶାଢୀର ଡିଜାଇନ ପାଇଁ ରାଜ୍ୟ ସରକାର ଆମନ୍ତ୍ରଣ କରିବେ ବୋଲି କହିଛନ୍ତି ।

ଓଡିଶାରେ ପ୍ରସ୍ତୁତ ହେଉଥିବା ଉତ୍କୃଷ୍ଟ ମାନର ହସ୍ତତନ୍ତ ଯେପରି ଆନ୍ତର୍ଜାତିକସ୍ତରରେ କ୍ଷାତି କରିବ ସେଥିପାଇଁ ଏସବୁର ପ୍ରସ୍ତୁତି ସମୟରେ ଏହାର ଗୁଣାତ୍ମକ ଦିଗ ଉପର ସ୍ୱତନ୍ତ୍ର ଧ୍ୟାନ ଦେବା ପାଇଁ ଏକ ବୈଠକରେ ମୁଖ୍ୟ ଶାସନ ସଚିବ ଅସିତ ତ୍ରୀପାଠୀ କହିଛନ୍ତି । ହସ୍ତତନ୍ତରୁ ମିଳୁଥିବା ଲାଭ ଯେପରି ସିଧାସଳଖ ବୁଣାକାର ଓ ଶିଳ୍ପି ପାଇ ପାରିବେ ସେଦିଗରେ ରାଜ୍ୟ ସରକାର ଧ୍ୟାନ ଦେବେ । ଏଥିପାଇଁ ଏହି କ୍ଷେତ୍ରରେ ଘରୋଇ ପୁଞ୍ଜିନିବେଶ ଉପରେ ଗୁରୁତ୍ୱ ଦିଆଯାଉଥିବା ମୁଖ୍ୟ ଶାସନ ସଚିବ କହିଛନ୍ତି । ଏଥିସହ ବରଗଡ ଜିଲ୍ଲାରେ ଥିବା ବାଲିଜୁରି ହାଟର ବିକାଶ ସହ ଏହାକୁ ଏସିଆର ବୃହତ ପୋଷାକ ବଜାରରେ ପରିଣତ କରିବା ଓ ଏଠାରେ ସମସ୍ତ ଅତ୍ୟାଧୁନିକ ସୁବିଧା ସୁଯୋଗ ଯୋଗାଇ ଦେବା ପାଇଁ ରାଜ୍ୟ ସରକାର ବୟନ, ହସ୍ତଶିଳ୍ପ ଓ ହସ୍ତକଳା ବିଭାଗକୁ ନିର୍ଦେଶ ଦେଇଛନ୍ତି । ଓଡିଶାର ପଶାପାଲି,ସୋନପୁରୀ, ବମକେଇ ଓ କୋଟପାଡ ଡିଜାଇନ ଆନ୍ତର୍ଜାତୀୟ ସ୍ତରରେ କ୍ଷାତି ଅର୍ଜନ କରିଥିବା ବେଳେ ଏହାକୁ ଅଧିକ ବ୍ୟାପ୍ତ କରାଯିବ । ସୂଚନାଥାଉକି ଓଡିଶାର ଏହି ଶାଢୀ ଗୁଡିକୁ ଅନଲାଇନ ଯୋଗେ ବିକ୍ରି କରିବା ପାଇଁ ରାଜ୍ୟ ସରକାର ଫ୍ଲିପକାର୍ଟ, ଆମାଜନ ଓ ଗୋକୁପ ସହ ଯୋଗାସୂତ୍ର ସ୍ଥାପନ କରିଛନ୍ତି । ଓଡିଶାର ଇକାତ ଓ ବାନ୍ଧକଳାକୁ ଜିଆଇ ଟାଗିଂ ମିଳିସାରିଛି ।

English summary

Odisha's handloom ekat design is going to be brand for worldwide. odisha government planning to promote this saree on online also.